Yɛs. Wi na Kristian bikɔs:

•   Wi de tray fɔ fala gud gud wan di tin dɛn we Jizɔs Krays tich ɛn di we aw i liv in layf.—Pita In Sɛkɛn Lɛta 2:21.

•   Wi biliv se Jizɔs na di wangren we aw wi go ebul gɛt layf we go de sote go bikɔs “nɔbɔdi nɔ de na wɔl we ebul sev pɔsin.”—Akt 4:12.

•   We pipul dɛn bi Jiova Witnɛs, dɛn de baptayz insay Jizɔs in nem.—Matyu 28:18, 19.

•   Wi de pre insay Jizɔs in nem.—Jɔn 15:16.

•   Wi biliv se na Jizɔs Gɔd dɔn pik fɔ de oba ɔlman.—Fɔs Lɛta Fɔ Kɔrint 11:3.

 Bɔt pan ɔl dat, bɔku we dɛn de we wi difrɛn frɔm ɔda rilijɔn dɛn we dɛnsɛf na Kristian. Fɔ ɛgzampul, wi biliv se di Baybul de tich se Jizɔs na Gɔd in pikin, in nɔto Gɔd. (Mak 12:29) Wi biliv se di sol de day, di Baybul nɔ se Gɔd go pɔnish pipul dɛn na ɛl faya, ɔ fɔ se di wan dɛn we de bifo pan Gɔd biznɛs fɔ gɛt spɛshal ɔ big taytul fɔ sho se dɛn de oba ɔda pipul dɛn.—Ɛkliziastis 9:5; Izikɛl 18:4; Matyu 23:8-10.