Jiova Witnɛs dɛn de print na 15 difrɛn branch dɛn. Wan pan dɛn, na di Sɛntral Yuropian branch, i de na wan ples we dɛn kɔl Sɛltaz, insay Jamani, na wan eria we dɛn kɔl Stenfɛls, insay Jamani dis min “Ston Rɔk.”

Me 23-25, 2014, di Sɛntral branch bin invayt neba dɛn, biznɛs pipul dɛn, pipul dɛn we de wok fɔ di gɔvmɛnt pan wan fri program. Di nem fɔ dis program na “30 Ia na Sɛltaz” bikɔs na Epril 21, 1984, dɛn bin opin di branch ɔfis.

Di tɛm we dɛn bin ol dis program, i bin pas 3,000 pipul dɛn we bin go na dɛn ples dɛn ya. Di meyɔ we bin dɔn de wok wit di lokal gɔvmɛnt fɔ 30 ia bin tɔk se: “Fɔ go na Jiova Witnɛs dɛn branch ɔfis na spɛshal tin.” I kɔntinyu fɔ se: “A stil de kɔle aw dɛn bin bil di branch ɔfis kwik kwik wan, frɔm 1979 to 1984 dɛn dɔn mek ɔltin dɔn.”

Dɛn bin kɔl wan pan di tin dɛn we dɛn bin du “Jiova in pipul dɛn na Sɛntral Yurop.” Di pipul dɛn we bin kam visit bin rid ɔ no bɔt sɔm tin dɛn bɔt Jiova Witnɛs dɛn we dɔn pas lɛk 120 ia. Dɛn fɔs tɛm tin ya bɔt wi de naw na di say dɛn dɛn we dɛn kin sho tin dɛn na di branch ɔfis.

Wan ɔda tin we dɛn bin sho, na Baybul dɛn we nɔ de igen na di wɔl, dat na dɛn ol ol Baybul dɛn. Fɔ ɛgzampul, dɛn bin sho wan kɔmplit fɔs tɛm Jamani Baybul we bin dɔn de frɔm dɛn 1534 ɛn dɛn bin sho sɔm pat na di Elias Hutter’s Polyglot Baybul we bin dɔn de frɔm dɛn 1599, i bin gɛt wɔd dɛn we bin de insay 12 langwej dɛn. Dɛn bin sho bak sɔm ɔda tin dɛn ɛn fim dɛn we bin de sho aw di advays dɛn we de na Baybul go ɛp wi fɔ liv wi layf fayn fayn wan tide.

Di sɛkɔn tɛm we di wan dɛn we bin kam waka bin kam, dɛn lan bɔt di 1,000 man ɛn uman dɛn we de wok na di branch ɔfis, dɛn bin lan bɔt di tin dɛn we dɛn de du. Di fɔs waka we dɛn waka wit dɛn, dɛn bin sho dɛn “Aw wi de liv,” dɛn bin gɛt fɔ luk insay di rum dɛn we wi de. Dɛn bin it na di daynin rum ɛn dɛn waka waka na do, na di gadin. Wan pan di wan dɛn we kam waka bin tɔk se: “Di ples rili fayn.”

Dɛn kɔl di sɛkɔn waka we dɛn go waka, “Production.” Dɛn go usay dɛn de print di buk dɛn, usay dɛn de jɔyn di pej dɛn togɛda, ɛn usay dɛn kin pak di buk dɛn fɔ sɛn dɛn na difrɛn say dɛn. Di wan dɛn we go waka si aw dɛn kin print Baybul buk dɛn, jɔyn di pej dɛn togɛda, ɛn sɛn dɛn to pas 50 kɔntri dɛn. Wan man se: “A nɔ bin ɛva fil se Jiova Witnɛs dɛn de ɔlsay na di wɔl. Dɛn buk dɛn de go ɔl say na di wɔl. Fɔ mek dɛn ebul du dis wit pipul dɛn we dɛn nɔ de pe, na mirekul.”

Wan spɛshal say na di ples usay jw.org bin de, dis na di men wɛbsayt we Jiova Witnɛs dɛn de yuz. Di yɔŋ wan dɛn ɛn di ol wan dɛn bin luk fim dɛn ɛn ɔda tin dɛn, ɛn dɛn bin gɛt ansa to di bɔku kwɛstyɔn dɛn we dɛn bin gɛt.

We bɔku pipul dɛn we kin go waka, dɛn kin no di wok we Jiova Witnɛs dɛn de du ɔlsay na di wɔl, dɛn kin kɔle ɛn dɛn kin de smayl. Wan man se: “A bin no bɔku tin dɛn bɔt di Witnɛs dɛn we nɔto tru. A rili nid fɔ chenj di we aw a bin de tink.” Wan uman bin tɔk bɔku tɛm se: “Dis de dɔn mek a nɔ de tink bad bɔt Jiova Witnɛs dɛn.”