Jiova Witnɛs dɛn bil wan big Asɛmbli Ɔl midul di Amazɔn ren fɔrɛst. Bɔku say dɛn, we de na di nɔt pat na Manɔs, Brazil na fɔrɛst. Fayn fayn bɔd dɛn we dɛn kɔl macaw, toucan, ɛn ɔda bɔd dɛn kin ala frɔm cupuaçu lawd wan ɛn dɛn big Brazilian tik dɛn, angelim tik dɛn, pedra. Wetin mek dɛn bil Asɛmbli Ɔl na dis kayn say?

Di say we di Manɔs siti de na lɛk 900 mayl frɔm di Amazɔn Riva—na lɛk tu miliɔn pipul dɛn de liv de. Na lɛk 7,000 Jiova Witnɛs dɛn go yuz di nyu Kiŋdɔm Ɔl dat na frɔm Manɔs, ɔda tɔŋ dɛn we de de, say dɛn we pipul dɛn de liv na di Amazɔn ɛn plɛnti ɔda say dɛn. São Gabriel da Cachoeira na tɔŋ we de lɛk 500 mayl na di wɛst pat na Manɔs. Sɔm Witnɛs dɛn kin travul wit bot fɔ tri dez fɔ atɛnd kɔnvɛnshɔn ɔ asɛmbli na di Asɛmbli Ɔl!

I nɔ bin izi fɔ bil di Asɛmbli Ɔl midul di Amazɔn eria. Wi bin nid fɔ travul wit 13 kɔntena dɛn we gɛt tin dɛn we dɛn de yuz fɔ bil. Wi stɔp wit dɛn na Santos, São Paulo bay di si na Brazil ɛn kɛr di tin dɛn go ɔp na di Amazɔn Riva ɛn go wit dɛn na di say we dɛn de wok.

Di nyu Kiŋdɔm Ɔl na in mek 27 pan di Asɛmbli Ɔl dɛn we dɛn dɔn bil na Brazil, ɛn na 1,956 pipul dɛn bin atɛnd we dɛn de opin am Sɔnde, Me 4, 2014. Bɔku pan dɛn bin gladi bikɔs na di fɔs tɛm dis fɔ lɛ dɛn atɛnd mitin na Asɛmbli Ɔl.

Di ɔdiɛns nɔ bin jɔs yɛri wetin di spika bin de tɔk bɔt dɛn de si di spika. Dis na tin we dɛn bin gladi fɔ bikɔs we dɛn bin de gɛt asɛmbli ɛn kɔnvɛnshɔn dɛn na ɔda say dɛn bɔku pipul dɛn nɔ bin de ebul fɔ si di stej, so dat bin de mek dɛn nɔ bin de si di spika. Wan Witnɛs bin tɔk se, “A dɔn atɛnd bɔku kɔnvɛnshɔn dɛn, bɔt a nɔ bin de ebul fɔ si di drama; na yɛri nɔmɔ a bin de yɛri wetin dɛn bin de tɔk.” Naw ɔlman kin si di stej.