JW LAYBRI
Ajɔst di Ap so dat Yu Go Ɛnjɔy we Yu de Rid—Andrɔyd
Bɔku tin dɛn de na JW Laybri we go ɛp yu fɔ ɛnjɔy we yu de rid. Yu go si dɛn tin dɛn de ɔp na di skrin we yu de rid chapta ɔ atikul.
Yu nid fɔ klik di “More” bɔtin fɔ yuz sɔm pan di tin dɛn we de ɔp na di skrin.
Fala dɛn pɔynt dɛn ya fɔ lɛ yu ebul ajɔst di ap so dat yu go ɛnjɔy we yu de rid:
Chenj Langwej
We yu de rid chapta ɔ atikul, yu kin ebul fɔ chenj di langwej to di wan we yu want.
Klik di “Languages” bɔtin fɔ si ɔl di langwej dɛn we de na di pej we yu de rid. Di langwej we yu kin yuz mɔ de ɔp na di list. Di Wachtawa we dɛn yuz wɔd dɛn we izi fɔ ɔndastand kin de de. Yu kin tayp di langwej in nem fɔ luk fɔ di langwej we yu want.
Di langwej dɛn we yu nɔ dawnlod yet na dɛn gɛt da smɔl tin lɛk klawd. Klik di langwej fɔ dawnlod di buk ɔ magazin. Wans yu dɔn dawnlod di buk ɔ magazin dɔn, di smɔl tin lɛk klawd go lɔs. Klik di langwej bak fɔ rid am.
Mek di Raytin Big ɔ Smɔl
Yu kin ajɔst di raytin di we we go izi fɔ yu fɔ rid.
Klik di “Text Settings” bɔtin, dɔn ajɔst am fɔ mek di raytin luk smɔl ɔ big. Dɛn kin yuz dis sayz fɔ ɔl di buk ɛn magazin dɛn we de na di ap.
Rid Jɔs Raytin ɔ Rid Wan we Gɛt Imej
Yu kin ebul fɔ si sɔm atikul dɛn as imej ɔ jɔs raytin. Klik di rayt bɔtin fɔ si di tu difrɛn we dɛn.
Imej: Di pej dɛn we yu go si as imej de jɔs lɛk aw dɛn print dɛn. Sɔm pipul dɛn kin lɛk fɔ yuz wi buk ɔ magazin dɛn dis we, lɛk di siŋbuk, usay di imej de sho myuzik simbɔl dɛn.
Raytin: Di pej we jɔs gɛt raytin kin sho Baybul vas dɛn as link we yu kin klik ɛn go sho di we aw yu want am.
Di Opin in bɔtin
Di “Open in“ . . . bɔtin de alaw yu fɔ wach sɔntin na JW Laybri insay ɔda ap dɛn.
Klik di “Open in” . . . bɔtin fɔ si uswan wan fɔ pik. Fɔ ɛgzampul, yu kin klik di “Open in Online Library” bɔtin fɔ opin di pej we yu de rid na di Wachtawa LAYBRI NA DI INTANƐT.
Ad ɔ Pul di Baybul we Yu nɔ Want
We yu klik Baybul vas na wi buk ɛn magazin, di vas de sho. Klik di “Customize” bɔtin we de dɔŋ di vas dɛn fɔ pik uswan pan yu Baybul dɛn we yu dɔn dawnlod we yu go lɛk fɔ put na di list.
Klik di “Add” ɔ “Remove“ bɔtin fɔ ad ɔ pul ɔda Baybul dɛn. Arenj di Baybul dɛn di we aw yu want am.
Rid “Aw fɔ Dawnlod ɛn Yuz Ɔda Baybul Dɛn—Andrɔyd” fɔ lan aw fɔ gɛt mɔ Baybul dɛn na JW Laybri.
Dɛn bin put dɛn sɛtin dɛn ya na JW Laybri 1.4, Fɛbwari 2015. Dɛn sɛtin dɛn ya kin wok na Andrɔyd 2.3 ɔ ɔda wan dɛn afta dis. If yu nɔ si dɛn sɛtin dɛn ya, duya fala di advays insay di atikul we gɛt di taytul “Aw fɔ Yuz JW Laybri—Andrɔyd,” ɔnda Gɛt di Nyu Tin Dɛn.
