JW LAYBRI
Dawnlod ɛn Yuz Ɔda Baybul Dɛn—Andrɔyd
Dɛn mek JW Laybri fɔ lɛ wi ebul fɔ rid ɛn stɔdi di Baybul.
Fala dɛn pɔynt dɛn ya fɔ lɛ yu dawnlod ɛn yuz ɔda Baybul dɛn
Dawnlod wan Baybul
Yu kin dawnlod Baybul we dɛn dɔn translet na ɔda langwej dɛn fɔ rid ɛn stɔdi di tɛm we yu nɔ de yuz intanɛt.
Opin di lɛft pat na di skrin, ɛn klik “Bible” fɔ lɛ yu si di Baybul buk dɛn.
Klik di “Languages” bɔtin fɔ lɛ yu si ɔl di Baybul dɛn we de. Di Baybul dɛn we yu kin yuz mɔ we de insay ɔda langwej, na dɛn de ɔp na di list. Yu kin luk bak fɔ di Baybul we yu want, bay we yu tayp di langwej in nem ɔ di Baybul we dɛn translet. Fɔ ɛgzampul, tayp “int” fɔ fɛn di Kingdom Interlinear insay Inglish ɔ “port” fɔ fɛn ɔl di Baybul dɛn we dɛn dɔn translet insay Pɔtugis.
Di Baybul dɛn we yu nɔ dawnlod yet gɛt wan mak lɛk klawd. Klik wan Baybul fɔ dawnlod am. As yu dawnlod di Baybul dɔn so, di tin we fiba klawd de lɔs. Klik di Baybul bak fɔ rid am. If yu nɔ si di langwej we yu de luk fɔ, duya chɛk bak leta. Dɛn go ad mɔ Baybul dɛn we dɛn dɔn translet na ɔda langwej dɛn.
Dilit wan Baybul
Yu kin dilit Baybul na ɔda langwej we yu nɔ nid igen ɔ we yu want mɔ spes. Opin di lɛft say na di skrin ɛn klik “Bible”, dɔn klik di Languages bɔtin fɔ lɛ yu si di Baybul dɛn we de. Klik di “More“ bɔtin we de nia di Baybul we yu want dilit; dɔn klik “Delete”.
Gɛt di Ɔpdet dɛn fɔ wan Baybul
As tɛm de go, dɛn go sɛn ɔpdet fɔ Baybul we yu bin dɔn dawnlod.
Ɛni Baybul we dɛn dɔn ɔpdet gɛt wan mak nia am lɛk so. We yu klik di Baybul, yu go si mɛsej we de sho se dɛn dɔn ɔpdet am. Klik “Download” fɔ ɔpdet am, ɔ klik “Later” fɔ lɛ yu kɔntinyu fɔ rid di wan we yu ɔlrɛdi gɛt.
Dɛn bin put dɛn sɛtin dɛn ya na JW Laybri 1.4 Fɛbwari 2015. Dɛn sɛtin dɛn ya kin wok na Andrɔyd 2.3 ɔ ɔda wan dɛn afta dis. If yu nɔ si dɛn sɛtin dɛn ya, duya fala di advays insay di atikul we gɛt di taytul “Aw fɔ Yuz JW Laybri—Andrɔyd,” ɔnda Gɛt di Nyu Tin Dɛn.
