JW LAYBRI
Aw fɔ Dawnlod Buk, Magazin, ɛn Ɔda Tin Dɛn—Andrɔyd
Bɔku buk, brosho, trakt, ɛn fim dɛn de na JW Laybri we yu kin rid ɛn wach ilɛksɛf yu nɔ yuz intanɛt.
Fala dɛn pɔynt dɛn ya fɔ lɛ yu dawnlod ɛn yuz ɔda Baybul dɛn:
Dawnlod Buk, Magazin, ɛn Ɔda Tin Dɛn
Yu kin dawnlod bɔku buk dɛn, magazin dɛn, ɛn ɔda tin dɛn we yu go want fɔ rid ɛn stɔdi di tɛm we yu nɔ de yuz Intanɛt.
Tɔch di lɛft pat na yu skrin ɛn drɛg am, dɔn klik “Publications” fɔ lɛ yu si di buk, magazin, ɛn ɔda tin dɛn we de.
Klik di “Languages” bɔtin fɔ si ɔl di langwej dɛn we gɛt buk, magazin, ɛn ɔda tin dɛn. Pik di langwej we yu want fɔ si. Di langwej dɛn we yu kin yuz mɔ na dɛn de ɔp na di list. Yu kin tayp di langwej in nem fɔ wach fɔ di langwej we yu want.
Difrɛn we dɛn de fɔ fɛn buk, magazin, ɛn ɔda tin dɛn na JW Laybri.
Di say we dɛn rayt “By Type” de sho buk, magazin, ɛn ɔda tin dɛn we de insay di langwej we yu dɔn pik ɛn dɛn de bay grup, lɛk Buk, Trakt, ɔ Vidio dɛn. Sɔm grup dɛn we yu go klik go mek yu si mɔ tin dɛn we yu kin pik, lɛk di Wachtawa bay ia ɔ difrɛn kayn vidio dɛn. Kilk di say we dɛn rayt “All Types” fɔ go bak na di list.
Di say we dɛn rayt “What’s New” de sho buk, magazin, ɛn ɔda tin dɛn we dɛn jɔs dɔn put na di langwej we yu de yuz.
Buk, magazin, ɔ ɔda tin dɛn we yu nɔ dawnlod yet gɛt wan mak lɛk klawd nia am. Klik di tin we yu want fɔ dawnlod. We i dɔn dawnlod dɔn, da smɔl tin lɛk klawd go lɔs. Klik wetin yu dɔn dawnlod fɔ lɛ yu ebul rid am.
Di say we dɛn rayt “Downloaded” de sho ɔl di buk, magazin, ɛn ɔda tin dɛn we yu dɔn dawnlod insay ɛni langwej. Yu kin arenj dɛn bay we yu pik “Frequently Used, Rarely Used”, ɔ “Largest Size”.
Dilit Buk, Magazin, ɛn Ɔda Tin Dɛn
Yu kin dilit buk ɔ magazin we yu nɔ want igen ɔ we yu nid mɔ spes fɔ dawnlod ɔda tin.
Opin di lɛft pat na di skrin ɛn klik “Publications”, dɔn klik di tayp pɔblikeshɔn we yu want (fɔ ɛgzampul “Books”) fɔ si di buk dɛn we de. We yu want dilit buk ɔ magazin, klik di “More” bɔtin, ɛn klik “Delete”.
If yu nid mɔ spes, yu kin dilit buk, magazin ɛn ɔda tin we yu nɔ kin yuz so nɔmɔ ɔ we tu big. Opin di lɛft pat na di skrin ɛn klik “Publications”. Go na di say we dɛn rayt “Downloaded”, dɔn arenj dɛn bay we yu pik “Rarely Used” ɔ “Largest Size”. Dilit di buk ɔ magazin dɛn we yu nɔ nid igen.
Gɛt di Ɔpdet dɛn fɔ Buk, Magazin, ɛn Ɔda Tin Dɛn
As tɛm de go, dɛn kin ɔpdet buk ɔ magazin dɛn we yu bin dɔn dawnlod.
Ɛni buk ɔ magazin we dɛn dɔn ɔpdet kin gɛt dis sayn nia am. We yu klik di buk ɔ magazin, yu go si wan mɛsej we de sho se dɛn dɔn ɔpdet am. Klik “Download” fɔ gɛt di ɔpdet, ɔ klik “Later” fɔ kɔntinyu fɔ rid di wan we yu ɔlrɛdi gɛt.
Fɔ si if ɔpdet de fɔ di buk ɔ magazin dɛn we yu dɔn dawnlod, opin di lɛft say na di skrin, ɛn klik “Publications”. If ɛni ɔpdet de, yu go si wan say we dɛn rayt “Pending Updates”. Klik am fɔ lɛ yu si ɔl di ɔpdet dɛn we de. Klik wetin yu want fɔ ɔpdet, ɔ klik “Update All” bɔtin fɔ dawnlod ɔl di ɔpdet dɛn we de.
Dɛn bin put dɛn sɛtin dɛn ya na JW Laybri 1.4 Fɛbwari 2015. Dɛn sɛtin dɛn ya kin wok na Andrɔyd 2.3 ɔ ɔda wan dɛn afta dis. If yu nɔ si dɛn sɛtin dɛn ya, duya fala di advays insay di atikul we gɛt di taytul “Aw fɔ Yuz JW Laybri—Andrɔyd,” ɔnda Gɛt di Nyu Tin Dɛn.
