JW LAYBRI
Aw fɔ Yuz Bukmak—Andrɔyd
Yu kin yuz di bukmak na JW Laybri fɔ mak usay yu stɔp na buk ɔ magazin, jɔs lɛk we yu kin yuz ribin na buk fɔ mak usay yu stɔp. Ɛni buk ɔ magazin na JW Laybri gɛt tɛn bukmak dɛn.
Fala dɛn pɔynt dɛn ya fɔ lɛ yu no aw fɔ yuz bukmak:
Yuz wan Nyu Bukmak
Yu kin yuz di bukmak fɔ mak atikul ɔ chapta, ɔ mak wan patikyula paregraf ɔ Baybul vas.
Fɔ mak wan atikul ɔ chapta, klik di “Bookmark” bɔtin. Di list de opin, we de sho di bukmak dɛn fɔ di buk we yu dɔn opin. Klik wan ɛmti say fɔ mak di atikul ɔ chapta we yu dɔn opin. Fɔ mak wan patikyula paregraf ɔ Baybul vas, fɔs, pik usay yu want mak; dɔn klik di “Bookmark” bɔtin na di “context menu”.
Fɛn Wan Bukmak
Fɔ fɛn bukmak, opin di buk ɔ magazin we gɛt di bukmak; dɔn klik di “Bookmark” bɔtin. Klik di bukmak we yu want fɔ si.
Manej Yu Bukmak Dɛn
Afta yu dɔn pik wan bukmak, yu kin dilit am ɔ yuz am fɔ mak ɔda say. If yu want fɔ dilit wan bukmak, klik di bɔtin, dɔn klik di “More“ bɔtin we de nia di bukmak we yu want fɔ dilit. Klik “Delete”.
If yu want fɔ yuz wan bukmak fɔ mak ɔda say, klik di “Bookmark“ bɔtin; dɔn klik di “More“ bɔtin we de nia di bukmak we yu want fɔ yuz. Klik “Replace”. Ɛn di say we yu dɔn mak go sho de. Yu kin yuz am fɔ mak usay yu stɔp we yu de rid buk ɔ magazin. Fɔ ɛgzampul, we yu de du yu Baybul ridin, yu kin mak usay yu stɔp.
Dɛn bin put dɛn sɛtin dɛn ya na JW Laybri 1.2 Me 2014. Dɛn sɛtin dɛn ya kin wok na Andrɔyd 2.3 ɔ ɔda wan dɛn afta dis. If yu nɔ si dɛn sɛtin dɛn ya, duya fala di advays insay di atikul we gɛt di taytul “Aw fɔ Yuz JW Laybri—Andrɔyd,” ɔnda Gɛt di Nyu Tin Dɛn.
