JW LAYBRI
Fɛn Wɔd dɛn Insay di Baybul, Buk ɔ Magazin—Andrɔyd
Di say fɔ fɛn sɔntin na di JW Laybri go ɛp yu fɔ fɛn wɔd dɛn insay di Baybul, buk ɔ magazin.
Fala dɛn pɔynt dɛn ya fɔ luk:
Fɛn Wɔd dɛn Insay di Baybul
Yu kin fɛn wan wɔd ɔ mɔ wɔd dɛn insay di Baybul we yu de rid.
We yu de rid di Baybul, klik di “Search” bɔtin, dɔn tayp di wɔd we yu want fɔ fɛn. We yu de tayp, yu go si wɔd dɛn we fiba di wan we yu de luk fɔ. Klik di wan we yu want ɔ prɛs di Ɛnta bɔtin na di kibɔd fɔ si wetin yu want.
Di “Top Verses” de sho vas dɛn we dɛn kin yuz mɔ we gɛt di wɔd dɛn we yu de luk fɔ. Di “All Verses” de sho di wɔd we yu de luk fɔ frɔm Jɛnɛsis to Rɛvɛleshɔn. Di “Articles” de sho di wɔd we yu de luk fɔ insay di introdɔkshɔn ɛn apɛndiks dɛn.
If yu tayp pas wan wɔd, klik di “Match Exact Phrase” bɔks fɔ lɛ yu si jɔs di wɔd dɛn we yu tayp.
Fɛn Wɔd dɛn Insay Buk ɔ Magazin
Yu kin luk fɔ wan wɔd ɔ mɔ wɔd dɛn na di buk ɔ magazin we yu de rid.
We yu de rid buk ɔ magazin, klik di “Search” bɔtin; tayp di wɔd we yu want fɛn. As yu de tayp, yu go si wɔd dɛn we fiba di wan we yu de luk fɔ. Klik di wan we yu want ɔ prɛs di Ɛnta bɔtin na di kibɔd fɔ si wetin yu want.
If yu tayp pas wan wɔd, klik di “Match Exact Phrase” bɔks fɔ lɛ yu si jɔs di wɔd dɛn we yu tayp.
Fɛn Wan Tɔpik
If yu dɔn dawnlod Insight on the Scriptures, yu kin luk fɔ tɔpik na di Insight buk. Yu kin ebul du dis sem tin we yu de rid ɛni Baybul, buk ɔ magazin insay dis ap.
Klik di “Search” bɔtin; dɔn tayp di tɔpik we yu want luk fɔ. As yu de tayp, yu go si tɔpik dɛn na di Insight on the Scriptures we fiba di wan we yu de luk fɔ. Klik di tɔpik fɔ opin di atikul.
Dɛn bin put dɛn sɛtin dɛn ya na JW Laybri 1.3.4, Ɔktoba 2014. Dɛn sɛtin dɛn ya kin wok na Andrɔyd 2.3 ɔ ɔda wan dɛn afta dis. If yu nɔ si dɛn sɛtin dɛn ya, duya fala di advays insay di atikul we gɛt di taytul “Aw fɔ Yuz JW Laybri—Andrɔyd,” ɔnda Gɛt di Nyu Tin Dɛn.
