JW LAYBRI
Aw fɔ Yuz JW Laybri—Andrɔyd
Wɛlkɔm to JW Laybri. Dɛn mek dis ap fɔ ɛp yu fɔ rid ɛn stɔdi di Baybul. Yu go ebul fɔ si di men tin dɛn we de na di ap na di lɛft pat na di skrin. Fɔ lɛ yu opin am, tɔch di lɛft pat na di skrin ɛn drɛg am ɔ klik di “Menu” bɔtin we de ɔp na di lɛft an kɔna.
Baybul
Di say we dɛn rayt “Bible” go ɛp yu fɔ rid di Baybul ɛn put ɔda Baybul transleshɔn dɛn. Klik wan Baybul buk, afta dat, klik wan chapta nɔmba fɔ lɛ yu bigin rid. As yu de rid, yu go si futnot dɛn, sɔm lɛta dɛn we go ɛp yu fɔ si ɔda skripchɔ dɛn, ɛn ɔda Baybul transleshɔn dɛn we de na di say we de fɔ Stɔdi.
We yu want fɔ rid ɔda skripchɔ, opin di lɛft an say na di skrin ɛn klik “Bible” bak so dat yu go go na say we di Baybul buk dɛn de.
Buk, Magazin ɛn Ɔda Tin Dɛn
Di say we yu si “Publications” go mek yu si raytin dɛn, odio, ɛn fim dɛn. Klik ɛni buk ɔ magazin ɛn klik wan atikul insay fɔ lɛ yu bigin rid. We yu de rid, yu kin ɛvin rid di skripchɔ dɛn we dɛn nɔ kot. Klik wan skripchɔ we dɛn nɔ kot ɛn yu go si di vas na di say we de fɔ Stɔdi. Klik wan skripchɔ na di say fɔ stɔdi fɔ si di vas na di Baybul. If yu want fɔ opin ɔda buk ɔ magazin, na fɔ opin di lɛft an say na di skrin ɛn klik “Publications” bak so dat yu go go na di say we di buk ɛn magazin dɛn de.
Deli Tɛks
Opin di lɛft an say na di skrin, ɛn klik “Daily Text” fɔ si di tɛks fɔ tide.
Intanɛt
Di say we dɛn rayt “Online” na di lɛft say na di skrin gɛt link dɛn we go kɛr yu go na wi men wɛbsayt dɛn.
Gɛt di Nyu Tin Dɛn
Mek shɔ se yu gɛt di nyu tin dɛn we jɔs kɔmɔt na JW Laybri.
I fayn fɔ lɛ yu gɛt di nyu version fɔ Andrɔyd we de fɔ yu fon ɔ tablɛt. Fala dis link fɔ no mɔ: https://support.google.com/nexus/answer/4457705.
Yu kin sɛt ɔtɔmatik ɔpdet na yu fon ɔ tablɛt in sɛtin. Fala dis link fɔ no mɔ: https://support.google.com/googleplay/answer/113412.
