JW.ORG WƐBSAYT
Naviget JW.ORG Pan Fon ɔ Tablɛt
Ɔl di wɛb pej tin dɛn we de pan kɔmpyuta skrin de bak pan smatfon ɔ tablɛt. Bɔt di mɛnyu ɛn di skrin arenj fayn pan fon ɔ tablɛt so dat yu go ebul yuz am fayn. Di “tip” dɛn na dis atikul go ɛp yu fɔ fɛn tin dɛn we yu nid na jw.org.
Yuz di Fon ɔ Tablɛt in Navigeshɔn Mɛnyu
Di men sɛkshɔn dɛn de sho ɔp pan di wan ol skrin ɛn pan di sɛkɔn-lɛvul i de sho stret wan bay di lɛft an pat na di skrin.
Bɔt pan fon ɔ tablɛt skrin, ɔl di “navigation” mɛnyu dɛn de sho stret wan. Dɔn bak di mɛnyu dɛn nɔ kin sho if yu nɔ de yuz am so dat yu go ebul fɔ si di ɔda tin dɛn fayn.
Klik di Mɛnyu bɔtin fɔ ayd ɔ fɔ sho di “navigation” mɛnyu dɛn. If yu want go na ɛni sɛkshɔn, na fɔ klik di sɛkshɔn in nem so dat yu go go de.
Klik di Sho Ɔltin bɔtin fɔ si di sɛkɔn-lɛvul mɛnyu ɔpshɔn dɛn we de na da di sɛkshɔn we yu de. Klik di mɛnyu ɔpshɔn fɔ go na da pej de.
Klik di Ayd Ɔltin bɔtin fɔ ayd di sɛkɔn-lɛvul mɛnyu ɔpshɔn dɛn we de na di sɛkshɔn we yu de.
Klik di JW.ORG bɔtin fɔ go na di stat pej.
Klik di Pik Langwej bɔtin fɔ sho di langwej list we de.
Klik di Fɛn Am bɔtin fɔ fɛn sɔntin bay we yu yuz di “Site Search”.
Naviget di Atikul dɛn ɔ Chapta dɛn we di Buk ɛn Ɔda Tin Dɛn Gɛt
If na kɔmpyuta skrin yu de yuz, di chapta ɔ tɔpik dɛn we de insay di buk ɔ ɔda tin dɛn we yu de rid go stil de sho as yu de rid. Bɔt pan fon ɔ tablɛt skrin, di chapta ɔ tɔpik dɛn we de insay di buk ɔ ɔda tin dɛn we yu de rid nɔ go sho we yu de rid.
Klik di Sho List bɔtin fɔ sho di chapta ɔ tɔpik dɛn. Klik di taytul fɔ sho di atikul ɔ chapta.
Klik di bɔtin fɔ Di Wan We De Bifo Dis fɔ sho di atikul ɔ chapta we bin de bifo di wan we yu de rid.
Klik di Nɛks bɔtin fɔ sho di nɛks atikul ɔ chapata.
Klik di Ayd List bɔtin fɔ ayd di chapta ɔ tɔpik dɛn we de insay di buk ɔ ɔda tin we yu de rid.
Naviget di Baybul na di Intanɛt
Go na di say we se BUK ƐN ƆDA TIN DƐN > BAYBUL ɛn klik di Rid na di Intanɛt bɔtin. Ɔ, klik di Rid di Baybul na di Intanɛt link na di stat pej.
Na di “Bible Navigation Bar”, pik wan Baybul buk ɛn chapta frɔm di list ɛn klik Go bɔtin.
As yu de skrol go dɔŋ, di “Bible Navigation Bar” de kɔntinyu fɔ de na di Mɛnyu Ba so dat i go izi fɔ mek yu go to ɔda chapta.
Klik di Nɔ pin bɔtin fɔ mek yu pul di “Bible Navigation Bar” frɔm di Mɛnyu Ba. Dis de mek yu gɛt mɔ spes na di skrin fɔ di say na di Baybul we yu de rid. Fɔ mek yu go ebul fɔ pik ɔda chapta, yu nid fɔ skrol go rayt ɔp ɔ rayt dɔŋ na di pej we yu de rid.
Klik di Pin bɔtin fɔ pin di “Bible Navigation Bar” na di Mɛnyu Ba.
Klik di Sho List bɔtin fɔ si di Baybul buk dɛn ɛn fɔ si di apɛndiks ɛn di smɔl tin we kin rayt bɔt di chapta.
Klik di bɔtin fɔ Di Wan We De Bifo Dis fɔ sho di chapta we bin de bifo di wan we yu de rid naw.
Klik di Nɛks bɔtin fɔ sho di nɛks chapta.
Klik di Ayd List bɔtin fɔ ayd di Baybul buk dɛn list
Lisin to sɔm Atikul dɛn Odio
If di atikul gɛt odio, di Odio Ba go sho.
Klik Ple fɔ mek di odio bigin ple.
Klik Pɔz fɔ pɔz di odio. Prɛs Ple bak fɔ mek yu kɔntinyu fɔ ple di odio.
Drɛg di odio pɔynta fɔ go bifo ɔ kam biɛn pan difrɛn say dɛn na di odio trak.
If yu dɔn bigin ple di odio skrol go dɔŋ di atikul, di Odio Ba go kɔntinyu fɔ de na di Mɛnyu Ba. Dis go mek yu ebul fɔ pɔz ɛn kɔntinyu fɔ ple di odio ɛn yu go stil si di say we yu de na di atikul.
