Jiova Witnɛs dɛn ɔganayzeshɔn de rɛspɛkt pipul dɛn prayvesi bikɔs di Baybul advays dɛn fɔ du dat. Di ɔganayzeshɔn no se wi fɔ tɔk ɛn bi ɔnɛs ɛn gɛda pasɔnal infɔmeshɔn dɛn we Jiova Witnɛs dɛn nid fɔ push Gɔd in wok go bifo. Ɛn wi no bak se wi fɔ rɛspɛkt pipul dɛn prayvesi ɛn mek shɔ se wi protɛkt infɔmeshɔn dɛn fayn fayn wan. (Prɔvabs 15:​22; 25:​9) Fɔ kip sikrit na sɔntin we wi rili tek siriɔs.​—Prɔvabs 20:19.

Bɔku kɔntri dɛn dɔn pas lɔ dɛn fɔ protɛkt pipul dɛn data ɛn fɔ mek shɔ se dɛn rɛspɛkt pipul dɛn prayvesi. Frɔm lɔng lɔng tɛm, Jiova Witnɛs dɛn ɔganayzeshɔn dɔn de rɛspɛkt pipul dɛn prayvesi ɛn kip dɛn sikrit dɛn, ivin bifo dɛn put dɛn data lɔ ya. Jiova Witnɛs dɛn ɔganayzeshɔn go kɔntinyu fɔ protɛkt infɔmeshɔn we pipul dɛn gi jɔs lɛk aw dɛn bin dɔn de du trade. Naw wi dɔn rayt aw wi bin de du am frɔm trade na dis pɔlisi.

Dis pɔlisi na fɔ ɔlman na Jiova Witnɛs dɛn ɔganayzeshɔn ɛn na di branch ɔfis dɛn ɔlsay na di wɔl de rɛprisɛnt di ɔganayzeshɔn.

Jiova Witnɛs dɛn ɔganayzeshɔn de ol ɔl pasɔnal data dɛn akɔdin to dɛn prinsipul dɛn ya:

1. Wi go arenj data fia wan ɛn akɔdin to di lɔ.

2. Wi go gɛda, arenj, ɛn yuz pasɔnal data nɔmɔ fɔ push Gɔd in wok go bifo.

3. Pasɔnal data go kɔrɛkt ɛn de ɔp to det. Wi go kɔrɛkt ɛni mistek kwik kwik wan we di ɔganayzeshɔn no bɔt di mistek.

4. Wi go kip pasɔnal data fɔ lɔng tɛm nɔmɔ if di ɔganayzeshɔn nid am fɔ du tin akɔdin to di lɔ.

5. Wi go de tink gud wan bɔt aw wi go rɛspɛkt di rayt we data sɔbjɛkt dɛn gɛt.

6. Wi go mek shɔ se nɔbɔdi nɔ sho pɔsin in pasɔnal data to pipul dɛn we i nɔ fɔ sho am to. Ɔl di kɔmpyuta dɛn we gɛt pasɔnal data gɛt paswɔd fɔ protɛkt di data dɛn ɛn na di wan dɛn nɔmɔ we fɔ yuz di kɔmpyuta dɛn gɛt paswɔd. Di ɔfis dɛn kin lɔk we wi ɔf ɛn na di wan dɛn nɔmɔ we gɛt rayt de ɛnta de.

7. Wi nɔ go transfa pasɔnal data bitwin branch dɛn pas nɔmɔ if wi nid am fɔ push Gɔd in wok go bifo ɛn dis na sɔntin we Jiova Witnɛs dɛn dɔn gri nɔ fɔ du we dɛn disayd ɛn gri fɔ bi Jiova Witnɛs.

1. Di rayt we data sɔbjɛkt gɛt fɔ lɛ dɛn protɛkt, kɔrɛkt, ɔ dilit in pasɔnal data na sɔntin we Jiova Witnɛs dɛn go gi akɔdin to wetin rayt na dis pɔlisi.

2. Ɛnibɔdi we aks fɔ sɔntin akɔdin to dis sɛkshɔn fɔ tɛl wi bɔku tin dɛn bɔt udat i bi.

3. If wan data sɔbjɛkt want fɔ si, kɔrɛkt, ɔ dilit in pasɔnal data, di ɔganayzeshɔn go tink fia wan if dɛn fɔ alaw dat ɔ if we dɛn alaw dat i go mek wi nɔ gɛt fridɔm igen fɔ du wi Gɔd wok ɔ i go ambɔg di ɔganayzeshɔn ɔda we dɛn.

4. Di ɔganayzeshɔn want fɔ kip ɛni Jiova Witnɛs in data stetɔs te go. Ɛnibɔdi we dilit dis kayn infɔmeshɔn nɔ de sho rɛspɛkt fɔ di rayt tin we di ɔganayzeshɔn de du ɛn di tin dɛn we dɛn biliv. Ɛn dat nɔ go mek sɛns atɔl.

If pɔsin biliv se dɛn nɔ rɛspɛkt in rayt we i gɛt, i kin rayt pasɔnal lɛta to di Branch Kɔmiti ɛn tɛl dɛn. Yu fɔ sɛn di lɛta insay tu wiks we di tin apin we mek yu want fɔ apil.