TƐƐŊGII JW.ORG VE
Nuuviaa Yaulaŋ a Nyɔɔŋ
A saaluŋ nyɔɔŋ o kɛmɛlaŋ niŋ, diomnda nda chualaŋ a vidueilaŋ o fondaŋ YAULAŊ A NYƆƆŊ bɛŋgu o jw.org. Soliŋ kɛɛsiaalaŋ ndaŋ kpeku le ma saaluŋ yaulaŋ a nyɛm ŋ cho nuuviaa woŋ.
Nuuviaa yauwo a suɛi nduɛi lebolle
Nuuviaa yau Bandu Mɛŋgɛlaa a “Tiondoo!”
Tofa yauwo a suu la ndɔlaŋ kpou
Nuuviaa yauwo a nyɛ o soo okɔɔ wo
Nuuviaa Yauwo a Suɛi Nduɛi Lebolle
Te a sina pɛ suɛi lebolle ɔɔ nyɛ pɔmbɔ a suɛi lebolii keŋ, a yauwo okɔɔ, soliŋ nɛilaŋ ndaŋ kpeku le yau koŋ keleŋaa saalɔŋndo.
Kɔ o YAULAŊ A NYƆƆŊ > BUKUILAŊ A BULUCHIƆƆLAŊ.
Chuku kɔfu Nyɔɔŋ Kpou ma che nyɛm hiviŋ doŋ nduyɛ ma poonyiaa diomnde cho a suɛi lebolii yau ŋ cho nuuviaa wo okɔɔ. Le taamaseliiyo, te yau Pɛɛku Baabuiyo ŋ cho nuuviaa ni, poonyiaa “pɛɛku.” O yaula hiviŋ ndaŋ tɛɛŋ, a cho chɔ yaula nɔ suɛi lebolii keŋ nde o lepula. Hɛli suɛi lebolii yau ŋ cho nuuviaa wo.
Chuku Nuuviaa.
Nuuviaa Yau Bandu Mɛŋgɛlaa a “Tiondoo!”
Kɔ o YAULAŊ A NYƆƆŊ > BANDU MƐŊGŊLAA A “TIONDOO!”
Te a kumbi peeleŋ pɛ, a cho chɔ yaula “Tiondoo!” la hiɔɔlula laŋga fulalaŋ a Bandu Mɛŋgɛlaa (O cho le wana o wana wo) nduyɛ a la ŋɔmaa la laŋga fula laŋ, Bandu Mɛŋgɛlaa la naŋ Pɛɛkulaŋ. (Sɔɔŋ maŋgalaŋ pum nɔ yaulaŋ ndaŋ kpou le.) Le yau Bandu Mɛŋgɛlaa a “Tiondoo!” nuuviaa, tol nɛilaŋ ndaŋ kɔɔli:
Chuku o yau Bandu Mɛŋgɛlaa a “Tiondoo!” choo a wɔsi o toosiaŋndo o la nda hivi laŋ tɛɛŋ.
Chuku Nuuviaa.
Tofa Yauwo a Suu La Ndɔlaŋ Kpou
Nɛila teŋgeŋndaŋ latiɔɔŋ la cho ni le yaulaŋ tofaa—nuaa ikɛikɛi a nuaa o lepula.
Chuku Nuaa Ikɛikɛi le ma che yaula cho niŋ la hiviaa laŋ. Nɛiyo cho hoo ni le yaulaŋ tofaa.
Nuaa Ikɛikɛi chɔm kɔɔ yauwo, nyɛ ŋ chuku ma hivi wo, a suɛi lebol yau kɛ kɛ. Chuku nyɛ mala num ma hivi ndu o foŋ numndo choo wo le ma che yauwo a suu la ndɔlaŋ kpou (la nda chua diomndaŋ ndaŋ).
Chuku Nuaa o Lepula le ma siŋga mɛɛ ŋ tofa yaulaŋ yɛ.
Nuaa o Lepula chɔm yau kɛ kɛ a suu la ndɔlaŋ kpou.
Yaulaŋ lapum la toosiaŋ o nɛila cheleŋ choo, mɛɛ o nda toosiaa a poonyiaa dokolo dokolo wo cho naa yɛ. Chuku o ŋ yeema hivioo wo (le taamaseliiyo PDF) le ma che yau koŋ a suu la ndɔlaŋ kpou. Chuku o yau ŋ yeema hivioo wo choo.
Nuuviaa Yaulaŋ a Nyɔɔŋ a Sɔɔŋ Lebolle Teŋgeŋndoŋ Leniŋ
Te yauwo wa pɛ le diomndaŋ veeloo o Intanɛtiiyo choo kinɛi, soliŋ Nɛi Nuuviaa kpeku le buŋgɛi nɔ diomndaŋ ɔɔ sɔɔŋ teŋgeŋndoŋ leniŋndoŋ saalɔŋndo.
Chuku Nuuviaa. Poonyiaa diomnda ŋ cho nuuviaa laŋ o kɔfu poonyiaa niŋ, okoŋ ma chuku Nuuviaa. Te a sina pɛ diomnda kulta cho o yau koŋ niŋndaŋ, poonyiaalaŋ kpou. Naapum hei mala ma keleŋa buŋgɛi ŋ cho nuuviaa ve saalɔŋ.
Tol nɛilaŋ ndaŋ kɔɔli kinɛi le sɔɔŋ lebolloŋ nuuviaa o yaulaŋ niŋ:
Chuku Nuuviaa.
O fondaa sɔɔŋ lebolluŋ Yɛ Yiɔɔŋ bɛŋgu, chuku kɔfu Yaulaŋ.
Chuku Nuuviaa.
