A soli tɛɛŋgei hei le num malaa le ma chɔɔlu pɛɛku a Mɛlɛka okɔɔ, Baabuiyo, vɛlɛ Seiyaa Chɛhowaa. Veelu diomndaŋ, nua, te koŋ te ma hivi nyɛm ŋ yeema woŋ le numpila. Ŋ yeema waŋnda ma sɔla tɔnɔɔ o tɛɛŋgii nɛi. Kɛ a yandii, miŋgi nyɛm cho o tɛɛŋgei hei niŋndo soli o nɛi cheleŋ niŋ o tɛɛŋgii cheleŋ niŋ a nyɛ cheleŋ niŋ te. A dimul waŋnda a nyɛ ŋ pɛɛku wo okɔɔ, a mɛɛ ŋ chɔm waŋnda a tɛɛŋgei hei yɛ, a mɛɛ i cho i chɔmnaŋ kpendekele o Sawalaŋ lebɛŋgu yɛ.

•  Di Poonyiaa

•  A Nyɛ Nda Sina Nda wo Okɔɔ

•  Tuupa Ma Soliŋ Tɛɛŋgei hei Kpeku, nyɛ Ŋ Nɔ Ma Sina wo a Di Ŋ Nɔ Ma Nɔ Wo

•  Ŋ Dimi Le Nyɛ O Nyɛ Paawa Le Pa, Nduyɛ, Ŋ Nɔ Naa Naŋ Kunduŋ Nda

•  Te A Tɛɛmbuu pɛ Sawalaŋ

•  Siŋgaŋndaŋ

•  Sawaa a Fondaa

•  Te Sawalaŋ Ndaŋ La Tosa Wali le?

•  Chɛlaŋ Faufau Wo

 © 2017 “Watch Tower Bible and Tract Society of Pennsylvania.” Wana cheleŋ bɛɛ nɔ di le.

Kɔɔna soli tɛɛŋgei hei mbo wa ndi lehɔllo cho “Watchtower Bible and Tract Society of New York, Inc.” (“Watchtower”) Mɛɛ ndɔɔ mi i wa i chɔmaa, kɛ nyɛ o nyɛ cho o tɛɛŋgei hei niŋ nyɛm kiɔɔŋ le “Watch Tower Bible and Tract Society of Pennsylvania.”

 “Adobe”, a “Adobe logo”, “Acrobat”, a “Acrobat logo” cho nyɛm nda sina “Adobe Systems Incorporated” woŋ ni. “iTunes” a “iPod” cho nyɛm nda sina “Apple Inc” woŋ ni. “Microsoft”, a “Microsoft logo”, a Nyɛ o nyɛ “Microsoft” soli, a “Microsoft Office” a “Microsoft Office 365”, cho nyɛm nda sina “Microsoft Inc” woŋ ni. Nyɛ o nyɛ wanaa cheleŋ nɔ, nduyɛ, mi sawaa sina nda a muŋ okɔɔ, nyɛm kɛŋ ndaŋ ŋ cho ni.

 Sawalaŋ ndaŋ ŋ nɔ ni ma tol kɔɔli tuupa ma soliŋ tɛɛŋgei hei kpeku. Te a wa pɛ tɛɛŋgei hei soliŋndo kpeku, mɛɛ a chɛl sawalaŋ ndaŋ A La Cheleŋ (diompilɛ, “Tuupa Ma Soliŋ Tɛɛŋgei hei Kpeku, nyɛ Ŋ Nɔ Ma Sina wo”) le tɛɛŋgei nyɛkɛndɛi. Te a chɛl te, te koŋ te ma nɔ kiisaŋndo nyɛɛmbuiinii bɛɛ a sawa o sawa, mɛɛ soliŋ tɛɛŋgei hei kpeku kposoŋ te.

Vɛɛ ŋ soliŋ yɛ tɛɛŋgei hei kpeku nyɛkɛndɛi? A mɛɛ i cho i kuunaa o sɔɔŋ muŋ lebɛŋgu naŋ yɛ, a tiuba ma:

• Nua te koŋ te ma hivi fotueila nda toosiaa a laba laŋ, nyɛm cho o tɛɛŋgei hei niŋndoŋ, nyɛchaa, fotueila nda chua laŋ, poonyiaa, vidueilaŋ o tɛɛŋgei hei niŋ ma hivi naa ŋ hɛnaŋnda le mi numpila soliŋ kpeku, a nɔ ma tosa le yula a nyɛ o nyɛ le.

• A piɔu nyɛ yaa wana o tɛɛŋgeiyo le nyɛm nda soli woŋ hivio naa cheleŋ, a vidueilaŋ, te koŋ te, nyɛm nda chua diomndaŋndoŋ o tɛɛŋgei hei.

A nɔ kposoŋ ma:

• soli nyɛ o nyɛ cho o tɛɛŋgei hei niŋ ma hol ndu o Intanɛtiiyo choo le. (itɛɛŋgu o itɛɛŋgu bɛɛ, tɛɛŋgii waŋnda pɔuwaŋ nyɔŋ nde bɛɛ ɔɔ tɛɛŋgii waŋnda biyaŋ chaŋyaŋ nde bɛɛ).

• Ma piɔu fotueilaŋ, nyɛm nda soli o tɛɛŋgeiyoŋ, nyɛm kɛŋ wanaa cheleŋ, nyɛchaa, fotueila nda chua laŋ, poonyiaa, a vidueilaŋ o tɛɛŋgei vɛlɛ a nyɛ o nyɛ cho o nyɛ tosa wallo o nyɛm mapuuloŋ niŋ. (a nɔ ma wou nyɔɔŋ muŋ o masii o masii choo le).

• Maŋgala, ma kui, ɔɔ ma sooluu nyɛm cho o tɛɛŋgei hei niŋndoŋ le ma tosa le yula a muŋ, ɔɔ le ikani le, (o yɔŋ bɛɛ aa o cho le tɔnɔ sɔla le) nduyɛ a nɔ ma piɔu nyɔŋ muŋ o lakɔmpitɛi niŋ te, ŋ cho ŋ chiɛɛliaŋ a tɛɛŋgei heiyo (o yɔŋ bɛɛ mbo siŋga nyɛ ɔɔ mbo siŋga nyɛ o nyɛ le).

• Soliŋ tɛɛŋgei hei kpeku o nɛi tosa mi tɛɛŋgei hei sɔla bahawɛiyo wo le, nduyɛ mi waŋnda bumba le nyɛm cho leniŋndoŋ chɔɔ le; te koŋ te, o nɛi o nɛi sawaa kɛɛ wo niŋ te, nduyɛ, (Ŋ kɛɛlu wana piɔuwo nyɛm nda soli le nyɔɔŋ piɔuwo a hivioo naa cheleŋ fondo fuu woŋ te (Le taamaseliiyo, EPUB, PDF, MP3, AAC, MOBI, a MP4) o fonda waŋnda huŋ o tɛɛŋgei heiyo le.)

• Soliŋ tɛɛŋgei hei kpeku a nyɛm cho leniŋndoŋ soliŋ wɔɔŋndo le. Ndu cho ni, balaŋ lueiyo ɔɔ soliŋndo ndi kpeku o nɛi cheleŋ niŋ, ma kɛɛ mɛɛ nda chɔm le ndi soliŋndo kpeku yɛ.

• Ma soliŋ tɛɛŋgei hei kpeku o nɛi tosa mi i sɔla bahawɛiyo wo le, te koŋ te, o nɛi tosa mi waŋnda bumba yooŋgula cho o tɛɛŋgei hei niŋndaŋ chɔɔ le; a nɔ ma soliŋ ndi kpeku o nɛi sawaa kuuna wo niŋ te. Te, koŋ te, le choola chiimbaa laŋ te, ɔɔ o nɛiyo o pum niŋ le choola chiimbaa laŋ te. Soliŋ ndi kpeku o nɛi dɛnɛ wɔɔŋ niŋ te.

• Soliŋ tɛɛŋgei hei kpeku ɔɔ fotueila cho leniŋ ndaŋ, nyɛm nda soli woŋ, nyɛm nda sina wana cheleŋ a muŋ okɔɔ woŋ, nyɛchaa, fotueila nda chua laŋ, poonyiaa, a vidueilaŋ le leyula le.

Tɛɛŋgei hei a yooŋgu o yooŋgu, nyɛ o nyɛ, a wali o wali cho leniŋ, “Watchtower” cho puunduleŋ ni, “a mɛɛ i cho yɛ”. “Watchtower” chue ibuŋga o ibuŋga le, o wa o poonyiaa niŋ, vɛlɛ a sondo ni.

“Watchtower” chue ibuŋga maa tɛɛŋgei hei nɔ ŋdɛlu a nyaa wɔɔŋaa cheleŋ te le. Te o yɔŋ pɛ ma wa tɛɛŋgii nɛi soliŋndo kpeku mi nyɛ o nyɛ wɔɔŋ yɔŋnuŋ, “Watchtower” chue ibuŋga le paawa le pa, o yɔŋ bɛɛ aa yooŋgulaŋ, nyɛm cho o tɛɛŋgei yoŋ, a nyɛm cheleŋ nda tosa le ma soliŋ kpeku o tɛɛŋgei hei yoŋ, vɛlɛ a, kɛ o mɛɛlu o dɛnɛ tambɛi yɔŋnuŋ a bandɔ wo, dɛnɛ tambɛi nyɛ cheleŋ tosa mbo yɔŋnuŋ ndo, toŋ nda wuu num choo le num saaŋgiaa wo, a ton nda wuu num choo le kiɔɔ loo o chɛlaŋndo choo wo (tɔnɔ numndo hiɔlɔŋndo bɛɛ cho leniŋ).

Sawala o sawala cheleŋ “Watchtower” dɔu o laŋ kɔɔli le ma tosa, o faŋa laŋ o laŋ choo le. Te a tɛɛmbuu pɛ sawalaŋndaŋ o nɛi o nɛi niŋ, “Watchtower” tosal num mɛɛ o bɛnda a sawa ŋ tɛɛmbuu wo yɛ. O tiŋ cho ni, kɛɛloo num hunɔɔ o tɛɛŋgei niŋ, kɛɛloo num tɛɛŋgei soliŋndo kpeku, kɔmpitɛila soliŋ “IP” adulɛsii numndo laŋ kiindiaa yɔŋ la huŋ o tɛɛŋgei niŋ, wana ke num dioo le intanɛitiiyo soliŋndo kpeku wo dimullo le mbo kɛɛlu num hunɔɔ o tɛɛŋgei, te koŋ te, o chuel num bau kɔɔsɔɔ.

“Watchtower” kpɛlɛkiaa sawalaŋ ndaŋ teleŋ o teleŋ. Teleŋ o teleŋ sawalaŋ ndaŋ la kpɛlɛkiaŋ pɛ a tɛɛŋgei hei okɔɔ, paale nda cho laŋ soli o tɛɛŋgei niŋndo la kandu baalaa tosaa ni. A yandii, wa peeleŋ ndeŋ tofaa lɔɔ lɔɔ le ma sina mɛɛ sawalaŋ la cho niŋ yɛ.

 Fonda cho sawalaŋ ndaŋ hɔlteŋndo cho Niu Yɔk U.S.A. ni a mɛɛ sawalaŋ loŋ la cho yɛ. Loŋ koni nda tɛɛsiaa laŋ ni. A dimi maa sawalaŋ la chiee dɔunɔŋ te le. Kɔɔsu o kɔɔsu nda chuel pɛ wana le sawalaŋ ndaŋ, o kotii cho o tanda Niu Yɔk U.S.A. wo niŋ nda huŋ a wana koŋ ni.

 Te o yɔŋ pɛ mi wanaa kialaa ŋyamaa kɔlkaluaa dimi maa sawalaŋ ndaŋ la niŋ te, maa la simnuŋ nyɛ fondoo, maa a tosa mi sawalaŋ ndaŋ la tosa wali kposoŋ te, te koŋ te, maa sawaa kɛɛ sawalaŋ ndaŋ, la cheleŋ ndaŋ la tiuba mi la tosa wallo. Te “Watchtower” bumba pɛ sawalaŋ ndaŋ kindila le mi la tosa wallo, koŋ chɔm naa maa o soli balaŋ o sawalaŋ ndaŋ niŋ te. I cho maa o nɔ di le mbo dɔu sawaa mbo tosa mi sawa koŋ kɛɛ wallo tosa le le.

 Num a “Watchtower” chɛlaŋndo hoo cho tɛɛŋ ni le sawalaŋ ndaŋ te a wa pɛ tɛɛŋgei hei soliŋndo kpeku. Nduyɛ, chɛlaŋndo hoo hiou chɛlaŋnda cheleŋ kpou te a wa pɛ tɛɛŋgei hei kpeku soliŋndo.