“See the Good Land” mala num ma chɔɔlu sinapɛŋgoo sɔla a Baabuiyo okɔɔ. Baabuiyo soo a fondaŋndaŋ, chiooŋ vɛlɛ a lɛŋnde tau. A soliŋ pɛ yauwo hoo kpeku, o cho num mala ma che mɛɛ fondaŋnda Baabuiyo soolaŋ la wa yɛ. “See the Good Land” mala num ma che nduyɛ ma yiyaŋ fondaŋ suɛi Baabuiye soo ve yɔŋnuŋnde. O cho num vɛlɛ mala ma che mɛɛ fondaa cho nyɛ sɔvɛ o sɔɔŋ Baabuiyo dimi woŋ niŋ yɛ.

“See the Good Land” nɔ fotueila kɛndɛ kɛndɛlaŋ a fondaŋnda Baabuiyo soo laŋ okɔɔ. Yauwo hoo nɔ vɛlɛ tuuliaa laŋ, fotueila nda toosiaa a kɔmpitɛiyo laŋ, a nyɛm bɔɔbɔɔ cheleŋ le ma tuei pɛɛku numndo yeela.

Yau chɔm fondaŋnda Baabuiyo wo cho num mala le:

• ma bii bila fondaŋnda Ebilaham, Aase, a Chekɔpu kela laŋ

• ma che fondaŋ Isɔluɛiya keeku wo mɛɛ nda wa fulaa o chɛleŋ niŋ Ichipi le kɔlaŋ o lɛŋnde mɛyaaleŋ niŋ

• ma tuu fondaŋ Isɔluɛiya wa wo, a fondaŋ yaamɔɔwaa ndaa wa wo

• ma che fondaŋ Chiisu balu le yooŋgu kɛndɛ Mɛlɛkaa dimioo wo

• ma che mɛɛ masɛi Baabuiyo soo ve ndii wa yɛ, mɛɛ Babilɔŋ, Kilis a Luom cho naa yɛ

A tiuba ma saaluŋ yauwo hoo o intanɛtiiyo choo.