Loonɔŋndo a Piɔm Chiisu wo Okɔɔ
Ndaamaa Nyaakuɛiyo 12, 2025
Wɔsi kɛ kɛ, mi Seiyaa Chɛhowaa loonuŋ a piɔm Chiisu wo okɔɔ a mɛɛ o dimi le ndi tosaa yɛ: Mbo dimi aa: “La wa hei tosaa le loonɔŋndo a ya.”—Luku 22:19.
A cho o veelaa o bɔŋaŋndo hoo
Nyunala Waŋnda Nyuna Lɔɔlɔɔ Laŋ
Vɛɛ kpɛ bɔŋaŋndo hoo cho yɛ teleŋndo chua?
Bɔŋaŋndo hoo cho biinɔŋ o hawɛiyo opilɛ bɛŋgu.
Kuɛɛnɛ bɔŋaŋndo hoo cho yɛ biinɔŋ?
Nyuna Seiyaa Chɛhowaa le ma chɔm num.
Baa mɛɛ mi wana paawa nyɛ le bɔŋaŋndo hoo biyɔɔ?
Sako bɛɛ.
Baa ma bii pa wana chuuŋgiaa o ba?
Sako bɛɛ.
Baa la nɔ pa nɛi teŋgeŋndo le chuɛɛnɔŋndo?
Mi che bɛɛ nɛi teŋgeŋ cho a chuɛɛnɔŋndo okɔɔ le kɔlaŋ o bɔŋaŋndo hoo le, kɛ mi Seiyaa Chɛhowaa kindiŋ le sila Baabuiyo tolɔɔ kɔɔli le chuɛɛnɔŋndo tuuleŋ nduyɛ o nɛi lebɛɛ niŋ. (1 Timoti 2:9) Mi nyɛla numndaŋ la ve bɛɛ nyɛla baa kala le, kɛ a wounuŋ la kɛ kɛ ŋ nɔ pɛ, halikpeŋ la wa la diandaa nduyɛ mi la bɛnda le fulaa o luŋ.
Yɛɛ yɔŋnuŋ yɛ o bɔŋaŋ loonuŋyaa?
Mi bɔŋaŋndo hoo kanduŋ a chondei, mbo kindaŋ vɛlɛ a chondei. Nduyɛ mi Sei Chɛhowaa opilɛ piɛi. Te ŋ kuɛ pɛ o loonuŋyaa, ma yɔŋgu suɛi a piɔm Chiisu wo okɔɔ. Le saboo hoo kpeekpei naŋ kua o loonuŋyaa ni. Kanifuule mi suɛi hei mala naa le sinaa mɛɛ piɔm Chiisu wo cho o sɔvɛ yɛ, nduyɛ a mɛɛ naŋ sɔla tɔnɔɔ o nyɛ Mɛlɛka nda Chiisu tosal naa wo niŋ yɛ.
Le chɔɔloo sinaa, tofa buŋgɛi hei “Le Yɛɛ Seiyaa Chɛhowaa Bii Bɔŋaŋ Nyɛdiaa Ichɔl Masanɔɔ Mɛɛ Kaaŋii Cheleŋnde Bii Ndu yɛ Le?”
A teleŋnda kuɛɛ Loonuŋyaa cho yɛ biinɔŋ o chilaŋ niŋ?
2025: Ndaamaa, Nyaakuɛiyo 12
2026: Kɔɔlumaa, Nyaakuɛiyo 2
Naapum a Yeema Dɔɔ Vɛlɛ
LOONƆŊNDO
Loonuŋ a Piɔm Chiisu wo Okɔɔ
Ŋ cho num veeloo le ma huŋ chuuŋgiaŋ a naa latulu le bɔŋaŋ teŋgeŋndo hoo biyɔɔ. A cho hunɔɔ sina mɛɛ yoomu Chiisu wo a piɔm ndɔɔ chuu num tɔnɔɔ yɛ.
PƐƐKULA SƆVƐLA BAABUIYO
Le Yɛɛ Chiisu Vi Yɛ?
Mi Baabuiyo suaa a mɛɛ piɔm Chiisoo cho nyɛ sɔvɛ yɛ. Baa piɔm ndɔɔ nɔ pa saboo?