Mi Chiisu dimul buɛiyaa nduaa aa, “La kɔ o ŋwaŋnda chiee lo ba o ba fee mi la siiŋguu nda buɛiyaa ni.” (Maatiu 28:19, 20) Mɛɛ o wa buɛiyaa nduaa tasiaa viomɔɔ le suɛi Mɛlɛkɛi dimio, mbo dimul nda maa a kɔ o chiɛila waŋnda. (Maatiu 10:7, 11-13) Mɛɛ Chiisu vi, mi Kilisiɔŋnda o wɔsii kɛmɛ tasei niŋ hiau lachi a waŋnda pɛɛkoo suɛi Mɛlɛkɛi “waŋnda tɛɛŋ ni a o chiɛila” ndalaŋ. (Walta Wanaa Chiisuaa 5:42; 20:20) Tamasi Kilisiɔŋaa tasiaa haa naŋ cho tolɔɔ kɔɔli ni. Ŋ saaluŋ maa te o yɔŋ pɛ miŋ kuɛ o chiɛila waŋnda, wanaa bɔɔ bɔɔ tiuba ma tuei suɛi Mɛlɛkɛi.