Ɛsilua 10:1-44
10 Mɛɛ Ɛsilua wa hakila ndalaŋ chɔɔmuuwo o piɛileŋ niŋ, mbo hini lɛŋ o chiɛi Mɛlɛka tonyaa lachi a chaŋndo fukpaa fukpaa, mi Isɔluɛiya faŋga bɛndoo huŋ balu ndu silɔ. Wana pɔnɔ ni, wana lanɔ ni, chuaambɔ ni, nda kpou wa chaŋndo fukpaa fukpaa.
2 Okoŋ mi Siɛkanaya po Chɛhayɛɛ wo, fulaa o pulale Ɛlam ndeŋ choo dimul Ɛsilua aa: “Ŋ kɛɛ lo lechoo wo chɔmndo o Mɛlɛka naa lo, miŋ chua chuaa laanduaa cho o lɛŋii cheleŋnde niŋnda o nɔlaŋ niŋ.* Kɛ a koŋ kpou, tiindaŋndo cho wɔ le naa Isɔluɛiya.
3 Lelaŋ ŋ yiinuŋ kpemaa a Mɛlɛka naa, miŋ tounuŋ waŋ laanduaa haa kpou a chuauwaa nda velu wa, a mɛɛ Chɛhowa yɔŋgu nɛi chɔmaa yɛ, nduyɛ a mɛɛ wanaa nɔ siooŋnde le sawala ndɔlaŋ nda* dimi yɛ. Ŋ tosaŋ a mɛɛ Sawaa dimi yɛ.
4 Lelaŋ chɔŋ, kanifuule kalaŋ numndo suɛi hei cho ni, nduyɛ ŋ cho a num latulu. Nɔ dialuŋ kalaŋ, ma tosa isɔɔ.”
5 Okoŋ, mi Ɛsilua chaŋ mbo dimul masaa wanaa soliaa lasalaa, Livaiya, a Isɔluɛiya kpou le ma chua buŋgɛi le nyɛ Siɛkanaya dimi wo tosaa. Nduyɛ ma chua buŋgɛi.
6 Okoŋ mi Ɛsilua chaŋ mbo luɛi o lumui* Chɛhohanaŋ ndo niŋ, po Iliaasibi wo. Mi che bɛɛ mbo luɛi loŋ, kɛ o di nyɛdiaa le, nduyɛ o kol mamɛŋ te. Kanifuule, o wa mɔnɛi biyɔɔ le mɛɛ wanaa fula o biyɔɔ niŋnda kɛɛ le lo lechoo wo chɔmndo yɛ.
7 Okoŋ kɔɔli, ma yonda o Chuda a o Chulusalɛm niŋ maa wanaa fula o biyɔɔ niŋnda kpou, a nɔ ma kɔ chuuŋgiaŋ Chulusalɛm.
8 Nduyɛ mi laŋgbaa kalla a waŋ banaa kɛɛsiaa maa, wana o wana kɛɛ pɛ le hunɔɔ o palɛi i yaa bɛŋgu, a cho nyɛm ndɔŋ kpou poondiaa* nduyɛ ma tou ndu wanaa fula o biyɔɔ niŋnda tɛɛŋ.
9 Mi puaa o kaale Chuda leŋ choo a o kaale Bɛŋjamiŋ ndeŋ choo kpou chuuŋgiaŋ Chulusalɛm o palɛi i yaa bɛŋgu. Koŋ cho ni, o paŋgii ŋɔmahiɔɔluei niŋ malɔ 20. Nda kpou wa ichali o bɛɛ balu chiɛi Mɛlɛka tonyaa wo. Nduyɛ a wa nyiiyaa le suɛi keŋ a le piɔɔ bɛndu wa siaa wo.
10 Okoŋ, mi Ɛsilua wana soliaa lasalaa chaŋ mbo dimul nda aa: “La kɛɛ le lo lechoo wo chɔmndo, mi la chua waŋ laanduaa o lɛŋii cheleŋnde niŋ o nɔlaŋ niŋ. Nduyɛ, mi la tosa mi haki Isɔluɛiya chɔɔluŋ lechoo.
11 Lelaŋ, la chɔɔmuu yɔŋnda nyala wɔɔŋndaŋ o Chɛhowa, Mɛlɛka finyaa nyaa mamaa lo, mi la tosa hɛnaŋ ndɔɔ. La kɛɛ laandaa nya chua o lɛŋii cheleŋnde niŋnda. La muuliaŋ a waŋnda haa le.”
12 Okoŋ mi waŋnda kpou muli choo choo kpeleŋ aa: “Kalaŋ naa i cho ni le tosaa mɛɛ ŋ dimi nuaa yɛ.
13 Kɛ ŋ cho tau tau, nduyɛ o sialteŋ niŋ naŋ cho ni. Ŋ nɔla miŋ sim o bɛɛ le. O cho suɛi paale pilɛ ɔɔ palɛi ŋiiŋ te. Kanifuule, ŋ tosa hakioo tau tau a Mɛlɛka.
14 Lelaŋ a yandii, tosa mi waŋ banaa naa tɛɛŋ sim naa lachi le suɛi hei toosiaa le naa kpou. Nduyɛ ma tosa mi puaa yil laanduaa o lɛŋii cheleŋnde niŋnda kpou hiŋ, latulu a wanaa ndaa banaa, vɛlɛ a wanaa kialaa ŋyamaa o chiee bɛndu kɛ kɛ niŋ a teleŋ ŋ cho nda chɔm ndo. Hei cho tosa mi tumbe Mɛlɛka dɔɔnuŋ a naa le suɛi heiyo pɔlul.”
15 Kɛ mi Chonataŋ po Asahɛɛ wo, a Chaasɛya po Tikivaa wo simul kɛɛsiaa hoo. Nduyɛ mi Livaiya haa, Mɛsiulam nda Siabɛtai toolu nda.
16 Kɛ mi Chuuwa apiliaa a wa o biyɔɔ niŋnda chɛl le nyɛ nda kɛɛsiaa wo tosaa. Nduyɛ mi Ɛsilua wana soliaa lasalaa, a wanaa wa yuŋgula leboltaŋ o yuŋgula ndalaŋ choo wa, a ndaa poonyiaa diolaŋ kpɛ kpɛ wa bii bɔŋaŋndo le ma yaasiaa a suɛi hei okɔɔ o paŋgii tɔ ve niŋ malɔ le pilɛ.
17 Nduyɛ o paŋgii tasei niŋ malɔ le pilɛ, ma chii suɛi puaa chua laanduaa o lɛŋii cheleŋnde niŋnda kpou bɛɛndiaa.
18 Okoŋ, ma saaluŋ maa mi puaa wanaa soliaa lasalaa apum chua laanduaa o lɛŋii cheleŋnde niŋ. Puaa Chɛsuaa wa a wanayaŋ ndɔŋ ŋpum, ma chua laanduaa o lɛŋii cheleŋnde niŋ. Nda cho haa ni: Maasɛya, Ɛliɛɛsa, Chaluibi, a Kɛdalaya. Chɛsuaa yɛ, Chɛhosadaki velu ndu ni.
19 Kɛ ma chua buŋgɛi* maa a cho laandaa ndaa touwɔɔ. Nduyɛ le mɛɛ nda tosa hakioo yɛ, o kɛ kɛ ndoo nɔ mbo bii saa kondoo o chɔluaa nduaa tɛɛŋ, mbo soli ndu salaa.
20 O puaa Imaa wa tɛɛŋ, Hanani, nda Sɛbadaya.
21 O puaa Haluim nda tɛɛŋ, Maasɛya, Ilaicha, Siɛmaya, Chɛhayɛɛ, a Yusaya.
22 O puaa Paasiɔɔ wa tɛɛŋ, Ɛlionai, Maasɛya, Isimɛɛ, Nɛtanɛɛ, Chosabadi, a Ɛliaasa.
23 O puaa Livai ya tɛɛŋ, Chosabadi, Simɛi, Kilaaya (koŋ cho ni Kelita), Pɛtahaya, Chuda, a Ɛliɛɛsa.
24 O wanaa ŋchonduaa tɛɛŋ, Iliaasibi. Nduyɛ o wanaa manda diola kpakilaŋ nda tɛɛŋ, Sialum, Tilɛm, a Yului.
25 O Isɔluɛiya tɛɛŋ, puaa Palɔsi wa cho haa ni: Luamiya, Isaaya, Malikicha, Michamiŋ, Ɛlieesa, Malikicha, a Bɛnaya.
26 O puaa Ɛlam nda tɛɛŋ, Mataniya, Sɛkalaya, Chɛhayɛɛ, Abidi, Chɛluimoti, a Ilaicha.
27 O puaa Satu wa tɛɛŋ, Ɛlionai, Iliaasibi, Mataniya, Chɛluimoti, Sabadi, a Asaisa.
28 O puaa Bebai ya tɛɛŋ, Chɛhohanaŋ, Hananaya, Sabai, a Atilai.
29 O puaa Bani wa tɛɛŋ, Mɛsiulam, Maluki, Adaya, Chasiubi, Sial, a Chɛluimoti.
30 O puaa Pahati-mowabi wa tɛɛŋ, Adina, Chɛlaa, Bɛnaya, Maasɛya, Mataniya, Bɛsalɛɛ, Binuaa, a Manaasɛ.
31 O puaa Haluim nda tɛɛŋ, Ɛliɛɛsa, Isiaacha, Malikicha, Siɛmaya, Siimiɔŋ,
32 Bɛŋjamiŋ, Maluki, a Siɛmaluiya.
33 O puaa Hasium nda tɛɛŋ, Matɛnaya, Matataa, Sabadi, Ɛlifɛlɛti, Chɛluimai, Manaasɛ, a Simɛi.
34 O puaa Bani wa tɛɛŋ, Maadai, Amiluam, Yuwɛɛ,
35 Bɛnaya, Bɛdaaya, Chɛluhi,
36 Vanaya, Meluimɔɔ, Iliaasibi,
37 Mataniya, Matɛnaya, a Chaasu.
38 O puaa Binuaa wa tɛɛŋ, Simɛi,
39 Siɛlɛmaya, Netaŋ, Adaya,
40 Makinadɛbai, Siasiai, Sialuai,
41 Asaluɛ, Siɛlɛmaya, Siɛmaluiya,
42 Sialum, Amaluiya, a Choosɛ.
43 O puaa Nibɔ wa tɛɛŋ, Chɛyɛɛ, Matitiya, Sabadi, Sɛbina, Chadai, Chowɛɛ, a Bɛnaya.
44 Haa kpou ma chua laanduaa o lɛŋii cheleŋnde niŋ. Nduyɛ ma tuau laanduaa haa a chuauwaa ndaa latulu.
Tɛɛsiaalaŋ
^ Ɔɔ “miŋ luei nda o chiɛila naalaŋ niŋ.”
^ Hibuluiye, “wanaa wa nyiiya le nyɛ sawala ndɔlaŋ la dimi wo.”
^ Ɔɔ “fondaŋ diaa nyɛdiaa.”
^ Ɔɔ “biu.”
^ Hibuluiye, “ma duau balaŋ diompilɛ.”
