Koloniko Tasoo 25:1-31
-
Wanaa luaa nyɛm chaaŋ nda a wanaa soliaa ŋchonduaa le chiɛi Mɛlɛkaa (1-31)
25 Okoŋ kɔɔli, mi Deeve nda wanaa wa kundala yɛ yɛlaŋ bolle le wanaa wa wallo o chiɛi Mɛlɛkaa niŋnda hɛli puaa Asafi wa a tiŋ. Ma hɛli vɛlɛ puaa Himaŋ nda, a puaa Chɛdutɔŋ nda, le ma wa yooŋgu Mɛlɛkaa dimioo a ndu saŋgalaa a towalaŋ, nyɛm chaaŋ iyooŋ, vɛlɛ a kumbula ŋchiliŋndaŋ. Puaa ndaa nɔ walta yɛ yɛlaŋ le wallo hoo tosaa wa cho haa ni.
2 Puaa Asafi wa: Sakɔɔ, Choosɛ, Nɛtanaya, a Asaluila. Asafi finya nda o ba bɛŋgu nda wa wallo ni. Asafi yɛ, o nɛi chɔmaa masaa bɛŋgu o wa yooŋgu Mɛlɛkaa dimioo ni.
3 Puaa Chɛdutɔŋ nda: Kɛdalaya, Sɛlui, Chɛseya, Simɛi, Hasiabaya, a Matitiya. Kpou kpou nda ŋɔmpum. Nda kpou, Chɛdutɔŋ finya nda o ba bɛŋgu nda wa wallo ni. Chɛdutɔŋ yɛ, mi ndoo dimi yooŋgu Mɛlɛkaa a towaa lɔɔ, balika melaa, vɛlɛ a Chɛhowa saŋgalaa.
4 Puaa Himaŋ nda: Bukaya, Mataniya, Yuusiɛɛ, Siɛbuɛɛ, Chɛluimɔti, Hananaya, Hanani, Ɛliaata, Kidaatai, Lomati-ɛsɛɛ, Choosibɛkasiaa, Malɔti, Hotiɛɛ, a Mahasiɔti.
5 Himaŋ ndoo velu puaa haa kpou ni, nduyɛ Himaŋ ndoo sɔla yooŋgulaŋ Mɛlɛka tonyaa o ba o yilaŋndoŋ niŋ ni, mbo hivul masaa le mbo sɔla bɛɛleŋ.* Le hei, mi Mɛlɛka tonyaa ke ndu puaa 14 a waŋ laanduaa a yaa.
6 Nda kpou, finya nda o ba bɛŋgu nda wa chondoŋ solioo o chiɛi Chɛhowa wo niŋ ni, ma luaa kumbula ŋchiliŋndaŋ, nyɛm chaaŋ iyooŋ, a towalaŋ. Wali ndaa wa koŋ o chiɛi Mɛlɛka tonyaa ni.
Asafi, Chɛdutɔŋ, a Himaŋ, masaa o ba bɛŋgu nda wa walta ndalaŋ tosaa ni.
7 Nda a wanayaŋ ndaŋ nda pɛɛku le Chɛhowa chondoŋ solullo nduyɛ ma chaa muŋ nyɛkɛndɛi ya, a wa kpou kpou 288.
8 Okoŋ, ma wuu kooŋ le ma piɔu nda walta ndalaŋ. Ma piɔu feleŋguaa latulu a kaasoŋnda, wanaa chaa wa latulu a wanaa wa pɛɛkoo wa.
9 Kuei tasei del le wa le Choosɛ, po Asafi wo, i diiŋ nduɛi wa le Kɛdalaya. Ndu, puaa nduaa a wanayaŋ ndɔŋ, a wa 12.
10 I yaa nduɛi le Sakɔɔ. Ndu, puaa nduaa a wanayaŋ ndɔŋ, a wa 12.
11 I hiɔɔluei le Isiluai. Ndu, puaa nduaa a wanayaŋ ndɔŋ a wa 12.
12 I ŋuɛɛnuei le Nɛtanaya. Ndu, puaa nduaa, a wanayaŋ ndɔŋ, a wa 12.
13 I ŋɔmpum nde le Bukaya. Ndu, puaa nduaa a wanayaŋ ndɔŋ, a wa 12.
14 I ŋɔmmɛu ve le Chɛsɛluilai. Ndu, puaa nduaa a wanayaŋ ndɔŋ, a wa 12.
15 I ŋɔmaa ve le Chɛseya. Ndu, puaa nduaa a wanayaŋ ndɔŋ, a wa 12.
16 I ŋɔmahiɔɔluei le Mataniya. Ndu, puaa nduaa a wanayaŋ ndɔŋ, a wa 12.
17 I tɔ ve le Simɛi. Ndu, puaa nduaa a wanayaŋ ndɔŋ, a wa 12.
18 I 11 le Asaluɛ. Ndu, puaa nduaa a wanayaŋ ndɔŋ, a wa 12.
19 I 12 le Hasiabaya. Ndu, puaa nduaa a wanayaŋ ndɔŋ, a wa 12.
20 I 13 le Suba. Ndu, puaa nduaa a wanayaŋ ndɔŋ, a wa 12.
21 I 14 le Matitiya. Ndu, puaa nduaa a wanayaŋ ndɔŋ, a wa 12.
22 I 15 le Chɛluimoti. Ndu, puaa nduaa a wanayaŋ ndɔŋ, a wa 12.
23 I 16 le Hananaya. Ndu, puaa nduaa a wanayaŋ ndɔŋ, a wa 12.
24 I 17 le Choosibɛkasiaa. Ndu, puaa nduaa a wanayaŋ ndɔŋ, a wa 12.
25 I 18 le Hanani. Ndu, puaa nduaa a wanayaŋ ndɔŋ, a wa 12.
26 I 19 le Malɔti. Ndu, puaa nduaa a wanayaŋ ndɔŋ, a wa 12.
27 I 20 le Ɛliaata. Ndu, puaa nduaa a wanayaŋ ndɔŋ, a wa 12.
28 I 21 le Hotiɛɛ. Ndu, puaa nduaa a wanayaŋ ndɔŋ, a wa 12.
29 I 22 le Kidaatai. Ndu, puaa nduaa a wanayaŋ ndɔŋ, a wa 12.
30 I 23 le Mahasiɔti. Ndu, puaa nduaa a wanayaŋ ndɔŋ, a wa 12.
31 I 24 le Lomati-ɛsɛɛ. Ndu, puaa nduaa a wanayaŋ ndɔŋ, a wa 12.
Tɛɛsiaalaŋ
^ Hibuluiye, “le mbo heelu lee ndɔɔ.”