Koloniko Tasoo 27:1-34
-
Waŋ banaa o wali lemasaa niŋ (1-34)
27 Isɔluɛiyaa wa wallo le masaa wa cho haa ni a kundala ndalaŋ. O kunda kɛ kɛ niŋ, ndaa nɔ yuŋgula leboltaŋ, wanaa waŋnda waapilɛ wa o ba bɛŋgu wa, wanaa waŋnda kɛmɛ wa o ba bɛŋgu wa, vɛlɛ a wanaa wa kundala laŋ bolle wa. Kunda kɛ kɛ, paŋgei i pilɛ ndoo tosa wallo o wɔsioo niŋ ni. Nduyɛ kunda o kunda, puaa 24,000 wa leniŋ ni.
2 Kunda tase tosa wallo o paŋgii tasei niŋndo, Chasiɔbiam, po Sabidiɛɛ wo wa ndu bolleŋ ni. Nduyɛ, puaa 24,000 wa o kunda ndɔɔ niŋ ni.
3 O yuŋgu Piluɛsi wo choo, ndu wa masaa wa le kundala nda hɛli le wallo tosaa o paŋgii tasei niŋnda kpou bolleŋ ni.
4 Dodai, Ahohaitiinɔɔ, kunda ndɔɔ ndoo tosa wallo o paŋgii diiŋ nduɛi niŋ ni. Mikilɔti wa kundaa hoo bolleŋ ni. Nduyɛ, puaa 24,000 wa o kunda ndɔɔ niŋ ni.
5 Bɛnaya, po Chɛhoyada wo, masa wanaa soliaa lasalaa wa kunda yaa ndɔɔ bolleŋ ni. Kunda ndɔɔ ndoo tosa wallo o paŋgii yaa nduɛi niŋ ni. Nduyɛ, puaa 24,000 wa o kunda ndɔɔ niŋ ni.
6 Bɛnaya wo hoo yɛ, kuubanɔ kpaaya bɛndoo o wa puaa chɔuwaa beleyaa wa tɛɛŋ ni, nduyɛ ndu wa nda bolleŋ ni. Amisabadi po ndɔ wa kunda ndɔɔ bolleŋ ni.
7 Asahɛɛ, pɔmbɔɔ Chowaabi wa kunda hiɔɔloo le paŋgii hiɔɔluei bolleŋ ni. Nduyɛ Sɛbadaya po ndɔ wa ndu ikɛi ni. Puaa 24,000 wa o kunda ndɔɔ niŋ ni.
8 Siamhuti, wana waa Isilua wa kunda ŋuɛɛnoo le paŋgii ŋuɛɛnuei bolleŋ ni. Nduyɛ, puaa 24,000 wa o kunda ndɔɔ niŋ ni.
9 Ilua, po Ikɛɛsi wo, wana waa Tɛkowa wa kunda ŋɔmpum ndo bolleŋ le paŋgii ŋɔmpum nde ni. Nduyɛ, puaa 24,000 wa o kunda ndɔɔ niŋ ni.
10 Hilɛɛsi, Pɛlonaitiinɔɔ, fulaa o yuŋgu Ifiluem ndo choo wa kunda ŋɔmmɛu wo bolleŋ ni le paŋgii ŋɔmmɛu ve. Nduyɛ, puaa 24,000 wa o kunda ndɔɔ niŋ ni.
11 Sibɛkai, Husiataitiinɔɔ, fulaa o yuŋgu Siluaa wo choo wa kunda ŋɔmaa wo bolleŋ ni le paŋgii ŋɔmaa ve. Nduyɛ, puaa 24,000 wa o kunda ndɔɔ niŋ ni.
12 Abi-isa, wanaa waa Anatɔti, fulaa o yuŋgu Bɛŋjamiŋ ndo choo wa kunda ŋɔmahiɔɔloo bolleŋ ni le paŋgii ŋɔmahiɔɔluei. Nduyɛ, puaa 24,000 wa o kunda ndɔɔ niŋ ni.
13 Mahalai, Nɛtofataitiinɔɔ, fulaa o yuŋgu Siluaa wo choo wa kunda tɔ wo bolleŋ ni le paŋgii tɔ ve. Nduyɛ, puaa 24,000 wa o kunda ndɔɔ niŋ ni.
14 Bɛnaya, wana waa Piluatɔŋ, fulaa o yuŋgu Ifiluem ndo choo wa kunda 11 bolleŋ ni le paŋgii 11. Nduyɛ, puaa 24,000 wa o kunda ndɔɔ niŋ ni.
15 Hɛlidai, Nɛtofataitiinɔɔ, fulaa o yuŋgu Otiniɛɛ wo choo wa kunda 12 bolleŋ ni le paŋgii 12. Nduyɛ, puaa 24,000 wa o kunda ndɔɔ niŋ ni.
16 Wanaa wa bolleŋ le kaalaŋ o Isɔluɛi niŋnda cho haa ni: O yuŋgu Lubɛŋ ndo choo, Ɛliɛɛsa po Sikili wo. O yuŋgu Simiɔŋ ndo choo, Siɛfatiaa po Maaka wo.
17 O yuŋgu Livai yo choo, Hasiabaya po Kɛmuɛɛ wo. O yuŋgu Elɔŋ ndo choo, Sadɔki.
18 O yuŋgu Chuda wo choo, Ɛlihu. Nduyɛ o wa waŋndo o pilɛ o wanayaŋ Deeve woŋ tɛɛŋ. O yuŋgu Isaka wo choo, Omili po Maikɛɛ wo.
19 O yuŋgu Sɛbulɔŋ ndo choo, Isimaya po Obadaya wo. O yuŋgu Nafitalii yo choo, Chɛluimɔti po Asiliɛɛ wo.
20 O yuŋgu Ifiluem ndo choo, Hoosiya po Asasaya wo. O yuŋgu Manaasɛ wo choo tɛndaa tɛɛŋ, Chowɛɛ po Pɛdaya wo.
21 O yuŋgu Manaasɛ wo choo tɛndaa tɛɛŋ o Kiliaadi niŋ, Idɔɔ po Sɛkalaya wo. O yuŋgu Bɛŋjamiŋ ndo choo, Chaasiɛɛ po Abina wo.
22 Nduyɛ o yuŋgu Daŋ ndo choo, Asaluɛ po Chɛloham ndo. Haa wa waŋ banaa le kaalaŋ o Isɔluɛi niŋ ni.
23 Wanaa wa wɔsilaŋ 20 ɔɔ ndaa fuuluu wɔ lende le wa, Deeve chɔm nda le. Kanifuule, mi Chɛhowa chua buŋgɛi maa o cho tosa mi Isɔluɛi kui maa looŋ o choo choo niŋ.
24 Mi Chowaabi, po Sɛluiya wo ndoo kandu waŋnda chɔmndo kɛ o chii le. Mi Mɛlɛka duaunuŋ tumbe a Isɔluɛiya le mɛɛ nda wa waŋnda chɔmndo yɛ. Le hei, a wou kona koŋ o yau lakona cho a Masaa Deeve okɔɔ wo niŋ te.
25 Asimavɛti po Adiɛɛ wo wa nyɛsɔlaa masaa hɔlteŋ ni. Chonataŋ po Yusaya wo wa chiɛila ndaa kɛsi nyɔɔŋ o chiɔɔŋ niŋ, chieeŋ bɛndoŋ, sɔndɔkɔltaŋ, a o chiɛila vilɛi vilɛi laŋ niŋndaŋ bolleŋ ni.
26 Ɛsilui, po Chɛlubi wo wa wanaa ndaa tosa wallo o chiɔɔŋ niŋnda bolleŋ ni.
27 Simɛi, wana waa Luama wa kpelela makilepiilaŋ bolleŋ ni. Sabidi, wana waa Sifimoti wa fondaŋnda ndaa kɛsi muɛima ndaa sɔla o kpelela laŋ niŋndaŋ hɔlteŋ ni.
28 Baal-hanaŋ, Kɛdiluaitiinɔɔ wa kpelela yɔmii ɔlifii ve a yɔmii sikamɔɔ ve o Siɛfila niŋ hɔlteŋ ni. Nduyɛ Chowaasi wa fondaŋnda ndaa kɛsi chuɛiyaŋ ndaŋ hɔlteŋ ni.
29 Situluai, wana waa Sialɔŋ wa nauwaa ndaa dia billo o Sialɔŋ niŋnda hɔlteŋ ni. Nduyɛ Siafati po Adilai yo, wa nauwaa wa o dɛŋgbɔɔ niŋnda hɔlteŋ ni.
30 Obili, Isimɛlaitiinɔɔ wa nyɔɔmiaa hɔlteŋ ni. Nduyɛ Chɛdiiya, wana waa Mɛlonɔti wa sofɛliaa hɔlteŋ ni.
31 Chasisi, Hakiluaitiinɔɔ wa saa a chuiŋnda hɔlteŋ ni. Waŋnda haa kpou wa nyɛm Masaa Deeve woŋ hɔlteŋ ni.
32 Deeve Chonataŋ tooŋgoo ndɔ wa wana ndɔ silaa ni a wana poonyiaa, nduyɛ ndoo nɔ sinapɛŋgoo. Chɛhayɛɛ, po Hakimɔni wo wa puaa masaa velu wa hɔlteŋ ni.
33 Ahitofɛɛ wa wana silaa le masaa ni. Nduyɛ masaa chaaŋ ndɔ wa Husai, Akaitiinɔɔ ni.
34 O Ahitofɛɛ kɔɔli, ndoo nɔ vɛlɛ Chɛhoyada po Bɛnaya wo a Abiaata le ndu silaa. Nduyɛ, Chowaabi wa puaa chɔuwaa masaa bolleŋ ni.
