Koloniko Tasoo 4:1-43
4 Puaa Chuda velu wa cho haa ni: Piluɛsi, Hɛsilɔŋ, Kaami, Hɔɔ, a Sioba.
2 Lueiyaa, po Sioba wo velu Chahati ni. Chahati velu Ahumai nda Lehaadi ni. Yuŋgulaŋ ndaŋ la fula o pulale Soluataitiiya choo ni.
3 Puaa finyaa* Ɛtam nda cho haa ni: Chɛsiluɛɛ, Isima, a Idibaasi. Nduyɛ Hasɛlɛponi wa yema nda ni.
4 Pɛnuɛɛ velu Kidɔɔ ni, nduyɛ Esɔ velu Husia ni. Hɔɔ po tase Ɛfiluata wo, puaa o velu wa cho haa ni. Hɔɔ wa finyaa Bɛtilɛhɛm ni.
5 Asihɔɔ, finyaa Tɛkowa ndoo nɔ laanduaa a ŋiɔɔŋ, Hɛla nda Naalua.
6 Mi Naalua vilul ndu Ahusam, Hɛfa, Timɛnai, a Haahasitali. Naalua velu puaa haa ni.
7 Puaa Hɛla velu wa cho haa ni: Sɛluɛti, Isihaa, a Ɛtinaŋ.
8 Koosi velu Enɔbi, Sobɛbaa, a yuŋgula fula o pulale Ahahɛɛ leŋ choo laŋ ni, po Halum ndo.
9 Waŋnda ndaa nɔ bɛɛleŋ tau le Chabɛɛsi mbo hiau puaa finya ndɔ wa. Nduyɛ, mi kala ndɔ ke ndu diolaŋ aa Chabɛɛsi.* Mbo dimi aa: “O nyɛ nɛiyaa niŋ ya velu ndu ni.”
10 Mi Chabɛɛsi piɛi o Mɛlɛka Isɔluɛiya lo. Mbo dimi aa: “Oo Mɛlɛka, dɔu ya sala, nduyɛ ma chɔɔlu ya tandaa ke. Handu ya ba numndo choo ma manda ya, yɔŋii kpundɔɔ komal la!” Okoŋ, mi Mɛlɛka muli piɛile ndɔleŋ.
11 Chɛlubi pɔmbɔɔ Suhaa velu Mihɛɛ ni, o wa finyaa Ɛsitɔŋ ndo.
12 Puaa Ɛsitɔŋ velu wa cho haa ni: Bɛti-luefa, Paasiya, a Tɛhinaa. Nduyɛ Tɛhinaa velu Ili-nahasi ni. Puaa haa Luɛkaa velu ni.
13 Puaa Kinaasi velu wa cho haa ni: Otiniɛɛ nda Sɛluiya. Nduyɛ Otiniɛɛ velu Hatihaati ni.
14 Mɛwonotai velu Ofiluaa ni, nduyɛ Sɛluiya velu Chowaabi ni, finyaa Kɛ-haluasim.* Le mɛɛ ndaa chaa nyɛ a laba yɛ nda ke nda diolaŋ ndaŋ ni.
15 Puaa Kelɛbi, po Chɛfunɛ wo velu wa cho haa ni: Iluu, Ɛlaa, a Neyam. Nduyɛ, Ɛlaa velu Kinaasi ni.
16 Puaa Chɛhalɛlɛɛ velu wa cho haa ni: Sifi, Sifaa, Tiliya, a Asaluɛɛ.
17 Puaa Ɛsiluaa velu wa cho haa ni: Chɛtɛɛ, Miluɛdi, Ɛfa, a Chalɔŋ. Mbo* chua folioo* mbo vialu Meeliam, Siamai, a Isibaa, finyaa Ɛsitɛmɔɔ.
18 (Nduyɛ mi laa ndɔ Chuunɔɔ vialu Chɛluɛdi, finyaa Kidɔɔ, Hɛba finyaa Sookɔ, a Chɛkutiɛɛ finyaa Sanowaa.) Puaa Bitaya, chua Feloo wo velu wa cho haa ni, o Miluɛdi chua o nɔɔ niŋndo.
19 Puaa lanɔɔ Hodaya, yemaa Neham velu wa wa finyaa Kɛlaa, Kamaitiinɔɔ, a Ɛsitɛmɔɔ, Maakataitiinɔɔ ni.
20 Puaa Simɔŋ velu wa cho haa ni: Aminɔŋ, Luinaa, Bɛŋ-hanaŋ, a Tilɔŋ. Nduyɛ puaa Isihai velu wa cho haa ni: Sohɛti nda Bɛŋ-sohɛti.
21 Puaa Silua, po Chuda wo velu wa cho haa ni: Ɛɛ finyaa Leka, Laadaa finyaa Maluɛsiaa, vɛlɛ a yuŋgula toosiaa kolala kɛndɛ kɛndɛlaŋ o chiɛi Asibiya wo niŋndaŋ,
22 a Chokim, puaa fula Kosɛba wa, Chowaasi, a Saluafi, puaa ndaa chua chuaa laanduaa Mowaabi o nɔlaŋ niŋnda, vɛlɛ a Chasiubi-liham. Konalaŋ ndaŋ o yaula paandulaŋ niŋ la fula ni.
23 Kpɛɛnɛŋ puuloŋ ndaa toosiaa ni, nduyɛ Nɛtayim a Kɛdɛlua nda wa ichali ni. Loŋ nda wa wallo tosaa le masaa ni.
24 Puaa Simiɔŋ velu wa cho haa ni: Nɛmuɛɛ, Chamiŋ, Chaluibi, Siluaa, a Siɔ.
25 Siɔ velu Sialum ni, Sialum velu Mibisam ni, nduyɛ Mibisam velu Misima ni.
26 Misima velu Hamuɛɛ ni, Hamuɛɛ velu Sakɔɔ ni, nduyɛ Sakɔɔ velu Simɛi ni.
27 Simɛi ndoo nɔ puaa 16, a waŋ laanduaa a ŋɔmpum. Kɛ wanayaŋ ndɔŋ muŋ vilu ŋchuau tau le. Nduyɛ yuŋgula ndalaŋ o pilɛ bɛɛ ndoo nɔ chuauwa mbo sulaŋ maa yuŋgu Chuda wo le.
28 Chieeŋ bɛnduŋ nda wa ichali woŋ cho muŋ ni: Biaa-siɛba, Molada, Hasa-suaa,
29 Bilihaa, Ɛsɛm, Toladi,
30 Bɛtuɛɛ, Hɔɔma, Sikila,
31 Bɛti-makabɔti, Hasaa-susim, Bɛti-bilui, a Sialuem. Chieeŋ ndaŋ bɛndoŋ wa muŋ ni haaa mi Deeve simnuŋ masaa.
32 A wa vɛlɛ ichali o chieeŋ bɛnduŋ ŋuɛɛnoŋ muŋ niŋ: Ɛtam, Ayiŋ, Luimɔŋ, Tochɛŋ, a Asiaŋ,
33 vɛlɛ a sɔndɔkɔlta balu chiooŋ muŋ ndaŋ kpou, haaa kɔ bii a Baal. Kona cho a yuŋgula ndalaŋ okɔɔ wo cho hoo ni, vɛlɛ a fondaŋnda nda wa ichali laŋ.
34 Wanaa cheleŋ fula o yuŋgu Simiɔŋ ndo choo wa cho haa ni: Mɛsiobabi, Chamilɛki, Choosiaa po Amasaya wo,
35 Chowɛɛ, Chehu po Choosibiaa wo, Choosibiaa po Sɛluiya wo, Sɛluiya po Asiɛɛ wo,
36 a Ɛlionai, Chaakoba, Chɛsiohaya, Aasaya, Adiɛɛ, Chɛsimiɛɛ, Bɛnaya,
37 Saisa po Sifihi wo, Sifihi po Alɔŋ ndo, Alɔŋ po Chɛdaya wo, Chɛdaya po Similua wo, vɛlɛ a Similua po Siɛmaya wo.
38 Wanaa nda poonyiaa haa diolaŋ nda wa bolii layuŋguei le wanaa fula o pulale Simiɔŋ ndeŋ choo wa ni. Nduyɛ, mi yuŋgula finyaa ndaa mamaa kui tau tau.
39 Okoŋ, ma kua Kidɔɔ chiee lekɔɔ o kpoloŋndo niŋ ba paaleŋ le chaŋ ndo, le chɔluaa ndaa fondaŋnda nɔ billo laŋ nuuviallo.
40 O mɛɛlulaŋ kpɔŋ, ma saaluŋ fondaŋnda nɔ bil kɛndɛ kɛndɔɔ laŋ. Lɛŋndeŋ le waŋnuŋ tau, le wa doŋdoŋ, nduyɛ nyɛ o nyɛ wɔɔŋ ve loŋ te. Hamaitiiya wa ichali loŋ paandu ni.
41 A teleŋ Hɛsikaya wa masaa Chuda wo, wanaa nda poonyiaa haa diolaŋ nda kɔ del tɛndiila Hamaitiiya a waŋnda Mɛyunim, a wa o tanda koŋ niŋnda choo a sɔŋgɔɔ ni, ma diu diu nda kpou. Nduyɛ haaa a paale hauleŋ ndeŋ, waŋndo o pilɛ bɛɛ cho lɛ le. Okoŋ ma chalnuŋ loŋ, kanifuule ndoo nɔ fondaŋnda nɔ billo le chɔluaa ndaa laŋ.
42 Mi puaa apum o yuŋgu Simiɔŋ ndo choo 500 kua o Pembei Sɛyaa. Nduyɛ puaa Isihai ya sim nda lachi ni. Nda cho haa ni: Pɛlataya, Niaaluiya, Luɛfayaa, a Yuusiɛɛ.
43 Okoŋ, ma kɔ diu Amalɛkaitiiyaa lo yoomu wa kpou, nduyɛ ma chal loŋ haaa a paale hauleŋ ndeŋ.
Tɛɛsiaalaŋ
^ O bolle Baauileŋ ndeŋ niŋ, diolaŋ lapum la sim le fondaŋndaŋ, kɛ o cho waŋnda chieeya le. Mɛɛ o hei niŋ, naapum “finyaa” sim le wana kila fondaa ɔɔ chioo wo.
^ Diolaŋ ndaŋ Chabɛɛsi, o Hibuluiye niŋ, naapum la sim le “nyɛ nɛiyaa.”
^ Diolaŋ ndaŋ la sim, “Kpoloŋ Wanaa Chaa Nyɛ a Laba Wa.”
^ Naapum o sim le Bitaya o sɔɔŋ 18 niŋ.
^ Ɔɔ “yollo .”
