Koloniko Tasoo 7:1-40
7 Isaka ndoo velu puaa a hiɔɔlu. Nda cho ni: Tola, Puwa, Chasiubi, a Similɔŋ.
2 Puaa Tola velu wa cho haa ni: Yuusai, Luɛfayaa, Chɛluiyɛɛ, Chaamai Ibisam, a Siɛmuɛɛ. Yuŋgula leboltaŋ puaa haa wa ni. Wanaa fula o pulale Tola leŋ choo wa, puaa chɔuwaa kpaayaa bɛnduaa pila nda wa ni. Boondii Deeve wa o masaleŋ choo ve, a wa 22,600.
3 Yuusai velu Isiluahaya ni, nduyɛ puaa a hiɔɔlu Isiluahaya velu ni. Nda cho ni: Maikɛɛ, Obadaya, Chowɛɛ, a Isiaaya. Nda ŋuɛɛnu kpou masaa nda wa ni, nduyɛ o pulale Yuusai leŋ choo nda fula ni.
4 Wanaa fula o pulale ndaleŋ choo a yuŋgula ndala leboltaŋ nda, ndaa nɔ puaa chɔuwaa wa a bɛɛndiaŋ le chɔuwo wa 36,000. Kanifuule, ndaa nɔ laanduaa a chuauwa tau tau.
5 Wanayaŋ ndaŋ fula o yuŋgula Isaka laŋ choo wa kpou, ndaa nɔ puaa chɔuwaa kpaayaa bɛnduaa 87,000. Nduyɛ, diola ndalaŋ la wa la poonyiaa kpɛ kpɛ a yuŋgula ndalaŋ.
6 Bɛŋjamiŋ ndoo velu puaa a yaa. Nda cho ni: Bɛla, Bika, a Chɛdiya.
7 Nduyɛ puaa a ŋuɛɛnu Bɛla velu ni. Nda cho ni: Ɛsibɔŋ, Yuusai, Yuusiɛɛ, Chɛluimɔti, a Ilui. Nda kpou yuŋgula leboltaŋ nda wa ni, nduyɛ puaa chɔuwaa kpaayaa bɛnduaa pila nda wa ni. A wa kpou kpou 22,034. Nduyɛ, diola ndalaŋ la wa la poonyiaa kpɛ kpɛ a yuŋgula ndalaŋ.
8 Puaa Bika velu wa cho haa ni: Sɛmiluaa, Chowaasi, Ɛliɛɛsa, Ɛlionai, Omili, Chɛluimoti, Abaicha, Anatɔti, a Alɛmɛti. Bika ndoo velu puaa haa kpou ni.
9 Wanaa fula o pulale ndaleŋ choo wa, ma poonyiaa nda diolaŋ kpɛ kpɛ a yuŋgula ndalaŋ vɛlɛ a yuŋgula ndala leboltaŋ. Nduyɛ, puaa chɔuwaa kpaayaa bɛnduaa wa 20,200.
10 Chɛdiya velu Bilihaŋ ni. Bilihaŋ yɛ, puaa o velu wa cho haa ni: Chɛhusi, Bɛŋjamiŋ, Ihudi, Chenaana, Sitaŋ, Taasi, a Ahisiahaa.
11 Puaa haa kpou Chɛdiya velu nda ni. Nduyɛ, ma poonyiaa nda diolaŋ kpɛ kpɛ a yuŋgula ndala leboltaŋ. Puaa chɔuwaa kpaayaa bɛnduaa wa a bɛɛndiaŋ le kɔlaŋ o chɔuwo wa, a wa 17,200.
12 Iya velu Supim nda Hupim ni. Nduyɛ Ehaa velu Husim ni.
13 Puaa Nafitalii velu wa cho haa ni: Chasiɛɛ, Kuni, Chɛsa, a Sialum. Nduyɛ o pulale Bilihaa leŋ choo nda fula ni.
14 Puaa fula o pulale Manaasɛ leŋ choo wa cho haa ni: Asiluɛɛ, o nda velu nda lanɔ pɔmbɔ o sɔla Siiliaa wo. (Mbo vilul ndu vɛlɛ Makaya, finyaa Kiliaadi.
15 Mi Makaya yil Hupim nda Supim laanduaa. Nduyɛ yema nda ndoo nɔ diolaŋ ni aa Maaka.) Po ndɔ diiŋ ndɔɔ wa Sɛlofɛhadi ni. Sɛlofɛhadi yɛ, waŋ laanduaa kinɛi ndoo velu ni.
16 Mi Maaka, lanɔɔ Makaya vilul ndu poo mbo ke ndu diolaŋ aa Pɛluɛsi. Nduyɛ pɔmbɔ ndɔ ndoo nɔ diolaŋ ni aa Siɛluɛsi. Siɛluɛsi yɛ, puaa o velu wa cho haa ni: Yulam nda Luɛkɛm.
17 Yulam velu Bidaŋ ni. Kiliaadi po Makaya wo velu puaa haa ni. Makaya yɛ, Manaasɛ velu ndu ni.
18 Yema ndɔ ndoo nɔ diolaŋ ni aa Hamolɛchɛti. Nduyɛ Hamolɛchɛti velu Isihɔdi, Abi-isa, a Maala ni.
19 Puaa Siɛmida velu wa cho haa ni: Ahayaŋ, Siɛkɛm, Likai, a Anayam.
20 Puaa fula o pulale Ifiluem ndeŋ choo wa cho haa ni: Sutɛla, po Biluɛdi wo. Nduyɛ Biluɛdi velu Tahati ni, Tahati velu Iliaadaa ni, Iliaadaa velu Tahati ni,
21 Tahati velu Sabadi ni, Sabadi velu Sutɛla ni, Sutɛla velu Esɔ ni, nduyɛ Esɔ velu Iliaadi ni. Kɛ mi puaa Kaati, a wa o lɛŋnde leŋ niŋnda diu diu nda mɛɛ nda kuɛ chɔluaa ndaa chiimbuuwo.
22 Mi Ifiluem finya nda chaŋ mbo bii mɔnɛi le palɛi bɔɔbɔɔ. Nduyɛ wanayaŋ ndɔŋ wa hunɔɔ ma dɛɛniaa ndu kɔllo.
23 Okoŋ kɔɔli, mɛɛ o wa a laa ndɔ, mbo chua folioo.* Okoŋ mbo vialu poo, mbo ke ndu diolaŋ aa Bɛluaya.* Kanifuule, a teleŋ kpundɔɔ wa o ndu lo chiɛiniŋ ndo o velu ndu ni.
24 Nduyɛ, chua ndɔɔ ndoo nɔ diolaŋ ni aa Siɛɛlua. Ndu ndoo taŋgul Bɛti-hɔlɔŋ Ba Luaŋ Ndo a Ba Tou Wo ni, vɛlɛ a Ɔsɛŋsiɛɛluaa.
25 Ifiluem velu vɛlɛ Luɛfaa ni, Luɛfaa velu Luɛsiɛfi ni, Luɛsiɛfi velu Tilaa ni, Tilaa velu Tehaŋ ni,
26 Tehaŋ velu Ledaŋ ni, Ledaŋ velu Amihudi ni, Amihudi velu Ɛlisiama ni,
27 Ɛlisiama velu Nuŋ ni, Nuŋ velu Chɔɔsuaa ni.
28 Fondaŋnda nda wa ichali laŋ la cho laŋ ni: Bɛtɛl a chieeŋ balu ndu woŋ, Naaluaŋ ba paaleŋ le chaŋ ndo, Kiisa ba paaleŋ le del lo a chieeŋ balu ndu woŋ, Siɛkɛm a chieeŋ balu ndu woŋ haaa kɔ Eya a chieeŋ balu ndu woŋ.
29 Nduyɛ wanaa fula o pulale Manaasɛ leŋ choo wa, fondaŋnda nda wa ichali laŋ la cho laŋ ni: Bɛti-siaŋ a chieeŋ balu ndu woŋ, Taanaki a chieeŋ balu ndu woŋ, Mɛkidɔɔ a chieeŋ balu ndu woŋ, vɛlɛ a Dɔɔ a chieeŋ balu ndu woŋ. O fondaŋndaŋ ndaŋ wanaa fula o pulale Choosɛ leŋ choo wa wa ichali ni. Choosɛ yɛ, Isɔluɛi velu ndu ni.
30 Puaa Asia velu wa cho haa ni: Iminaa, Isivaa, Isivi, a Bɛluaya. Nduyɛ yema nda wa Siluai ni.
31 Puaa Bɛluaya velu wa cho haa ni: Hɛba nda Malikiɛɛ. Malikiɛɛ yɛ, ndu velu Bɛsiaati ni.
32 Puaa Hɛba velu wa cho haa ni: Chafilɛti, Sioma, a Hotam. Nduyɛ yema nda wa Sua ni.
33 Chafilɛti velu Pasaki, Bimihaa, a Asivati ni. Chafilɛti velu puaa haa ni.
34 Puaa Simaa* velu wa cho haa ni: Ehai, Lohikaa, Chɛhubaa, a Aluam.
35 Puaa Hilami* pɔmbɔ ndɔ velu wa cho haa ni: Sofa, Imina, Siɛlɛsi, a Ama.
36 Puaa Sofa velu wa cho haa ni: Suha, Hanɛfa, Suwaa, Biluaa, Imilua,
37 Bɛsa, Hɔdi, Siama, Silisiaa, Itiluaŋ, a Biiluaa.
38 Chɛtɛɛ velu Chɛfunɛ, Pisipa, a Elua ni.
39 Puaa Yula velu wa cho haa ni: Eluaa, Haniɛɛ, a Luisia.
40 Puaa haa kpou, o pulale Asia leŋ choo nda fula ni, nduyɛ yuŋgula leboltaŋ nda wa ni. Puaa chɔuwaa kpaayaa bɛnduaa nda hɛli le chɔuwo wa nda wa ni, nduyɛ nda wa puaa chɔuwa bolleŋ ni. Ma poonyiaa nda diolaŋ kpɛ kpɛ a yuŋgula ndalaŋ. A wa 26,000, nduyɛ a wa a bɛɛndiaŋ le chɔuwo.
Tɛɛsiaalaŋ
^ Ɔɔ “yollo.”
^ Diolaŋ ndaŋ la sim, “A Kpundɔɔ.”
^ Wana pilɛ koŋ kpe nda veelu ni aa Sioma o sɔɔŋ 32 niŋ.
^ Naapum wana pilɛ koŋ kpe nda veelu vɛlɛ ni aa Hotam o sɔɔŋ 32 niŋ.
