Chɔɔsuaa 12:1-24
12 Lɛŋnde Isɔluɛiya chua o Chɔɔdaŋ ndaŋ ba paaleŋ le chaŋ ndo leŋ, le wa chɔŋ o Kpoloŋndo* Anɔŋ mi le heelu o Pembii Hɛmɔŋ Nde, nduyɛ mi le kua o tanda Aluaba* wo niŋ kpou, ba paaleŋ le chaŋ ndo. Masaa nda yem loŋ nda cho haa ni:
2 Saihɔŋ, masa Amɔluaitiiya, o wa Hɛsibɔŋ ndo. Tanda o wa masaleŋ choo wo wa chɔŋ Aloya, chiee wa o Kpoloŋndo* Anɔŋ ndo, mbo tɛnda kpoloŋndo tɛɛŋ, a lɛŋnde Kiliaadi leŋ tɛndaa tɛɛŋ, mbo kua haaa o Kpoloŋndo* Chabɔki, o pɛŋgulaŋ a Amɔnaitiiya.
3 Ndu wa vɛlɛ masaa o tanda Aluaba wo niŋ a lɛŋnde holnuŋ mi le kua haaa o Pee Mɛŋma Ihɛllo Kinɛluɛti, ba paaleŋ le chaŋ ndo ni. Mi tanda ndɔɔ kua pɔɔli o Pee Mɛŋma Ihɛllo* o tanda Aluaba wo niŋ ba paaleŋ le chaŋ ndo, kpeŋgii Bɛti-chɛsimɔti ve. Nduyɛ, mi pɛŋgula ndɔlaŋ la kua ba tou wo, o Pembei Pisika landɔŋndo.
4 Masaa o pilɔɔ o nda yem ndo wa Ɔku, masaa le Baasiaŋ ni. O wa wana pilɛ o wanaa fula o pulale Luɛfem ndeŋ choo ma lo yoomu wa tɛɛŋ. Nduyɛ, chieeŋ o wa ichali woŋ wa Asitalɔɔ a Ɛdului ni.
5 Tanda o wa masaleŋ choo wo cho hoo ni: Pembii Hɛmɔŋ Nde, Salɛkaa, a buŋgɛi Baasiaŋ nde kpou. Mi tanda ndɔɔ kua vɛlɛ haaa o pɛŋgula Kɛsiɔluaitiiya a Maakataitiiya, a buŋgɛi Kiliaadi ve tɛndaa tɛɛŋ, o pɛŋgulaŋ nda Saihɔŋ, masaa le Hɛsibɔŋ.
6 Mi Muuse, buɛi Chɛhowa wo a Isɔluɛiya yam nda. Okoŋ mi Muuse, buɛi Chɛhowa wo chua lɛŋii ndɛi mbo ke kaale Lubɛŋ ndeŋ, kaale Kaadi leŋ, a kaale Manaasɛ leŋ tɛndaa tɛɛŋ.
7 Mi Chɔɔsuaa nda Isɔluɛiya yam vɛlɛ masaa wa o Chɔɔdaŋ ndaŋ ba paale le del lo wa, chɔŋ Baal-kadi o Kpoloŋndo Lebanɔŋ, mbo kua pɔɔli o Pembii Halaki Ve, kumbuii Sɛyaa ve. Okoŋ, mi Chɔɔsuaa chua lɛŋii ndɛi mbo piɔu Isɔluɛiya mɛɛ kaale kɛ kɛ lee nɔ le sɔlaa yɛ, le mi i wa nyɛ nda.
8 Lɛŋii nda sɔla ve wa hei ni: Lɛŋnde ŋpembuleŋ, tanda Siɛfila* wo, tanda Aluaba wo, lɛŋnde holnuŋ pemboŋ ndeŋ, lɛŋndeŋ o pollo niŋ, a tanda Nɛkɛbi* wo. Nduyɛ kayii wa o lɛŋnde hei niŋnde cho hei ni: Hitaitiiya, Amɔluaitiiya, Kenanaitiiya, Pɛluisaitiiya, Hivaitiiya, a Chɛbusaitiiya. Masaa nda yem nda cho haa ni:
9 Masaa le Chɛluiko, masaa le Eyai, chiee wa Bɛtɛl ikɛiyo,
10 masaa le Chulusalɛm, masaa le Hɛbulɔŋ,
11 masaa le Chamuti, masaa le Lakisi,
12 masaa le Ɛkilɔŋ, masaa le Kiisa,
13 masaa le Dɛbiluii, masaa le Kiida,
14 masaa le Hɔɔma, masaa le Eluadi,
15 masaa le Libina, masaa le Adulam,
16 masaa le Makɛdaa, masaa le Bɛtɛl,
17 masaa le Tapuaa, masaa le Hɛfa,
18 masaa le Afɛki, masaa le Lasialɔŋ,
19 masaa le Madɔŋ, masaa le Hasɔɔ,
20 masaa le Similɔŋ-mɛlɔŋ, masaa le Akisiafi,
21 masaa le Taanaki, masaa le Mɛkidɔɔ,
22 masaa le Kedɛɛsi, masaa le Chokiniam, chioo o pembii Kamɛlle,
23 masaa le Dɔɔ o pembuŋ cho Dɔɔ woŋ holnɔŋndo, masaa le Koyim o Kikaa niŋ,
24 a masaa le Tiɛsa. Kpou kpou, masaa 31.
Tɛɛsiaalaŋ
^ Ɔɔ “Fondaŋ Mɛŋndaŋ Ma Piɔl o Pollo Niŋ Anɔŋ Ndo.”
^ Ɔɔ “pollo.”
^ Ɔɔ “Fondaŋ Mɛŋndaŋ Ma Piɔl o Pollo Niŋ Anɔŋ Ndo.”
^ Ɔɔ “Fondaŋ Mɛŋndaŋ Ma Piɔl o Pollo Niŋndo.”
^ Koŋ cho ni, Pee Nyɛ Yoomaa Cho Leniŋ Te Wo.
^ Ɔɔ “fondaŋ pembuŋ pɔmbɔŋ cho wo.”
^ Ɔɔ “lɛŋndeŋ ba tou wo.”
