Chɔɔsuaa 15:1-63
15 Lɛŋnde kaale Chuda leŋ le sɔla le yuŋgula ndalaŋ ndeŋ le timbulaŋ o pɛŋgulaŋ a Idɔm ni, a pollo Siŋ, o tanda Nɛkɛbi* wo ba tou wo.
2 Pɛŋgula ndalaŋ ba tou wo la cho laŋ ni: Chɔŋ o kɔŋgɔ Pee Nyɛ Yoomaa Cho Leniŋ Te Wo amatou,
3 mi la tuusu ba tou wo, o nɛi heelu o pembii Akilabim nde wo, okoŋ mi la kua Siŋ. Chɔnɔŋndo ba tou wo loŋ mi la kua Kedɛsi-baniaa haaa Hɛsilɔŋ. Okoŋ, mi la heelu Adaa, nduyɛ mi la tunduŋ mi la kua ba Kaaka cho wo.
4 Mɛɛ la chɛŋ loŋ, mi la kua Asimɔŋ a o Pioo* Ichipi, mi la kɔ mɛɛlu o Pee Mɛŋma Ihɛllo.* Pɛŋgu ndaa ba tou wo wa hoo ni.
5 Pɛŋgula ndalaŋ ba paaleŋ le chaŋ ndo la cho laŋ ni: Chɔŋ o Pee Nyɛ Yoomaa Cho Leniŋ Te Wo, mi la heelu haaa naa Chɔɔdaŋ ndaŋ ma huŋ del o pioo hoo choo wa. Ba luaŋ ndo bɛɛ, naa Chɔɔdaŋ ndaŋ ma del o pioo hoo choo wa la kanduŋ ni.
6 Okoŋ, mi la heelu Bɛti-hɔkila, mi la hiau mi la kua Bɛti-aluaba ba luaŋ ndo. Chɔnɔŋndo loŋ, mi la heelu o pou Bohaŋ ndo. Bohaŋ koŋ yɛ, Lubɛŋ velu ndu ni.
7 Mi pɛŋgulaŋ ndaŋ la heelu vɛlɛ Dɛbiluii o Kpoloŋndo* Akɔɔ, mi la tundu ba luaŋ ndo kumbuii Kikaa cho ve, chiee cho o nɛi heelu Adumim ndo. Ba tou wo fondaa hoo cho ni, naa pioo cho wa. Okoŋ mi la hiau o pioo Ɛŋ-siɛmɛsi, nduyɛ mi la kɔ mɛɛlu o pioo Ɛŋ-lokɛɛ.
8 Mi pɛŋgulaŋ ndaŋ la chaŋ vɛlɛ mi la heelu o Kpoloŋ Po Hinɔm Ndo, o pembii chiee Chɛbusaitiiya holnɔŋndo ba tou wo, koŋ cho ni, Chulusalɛm. Okoŋ, mi la heelu mi la kua vɛlɛ o pembei choo, o Kpoloŋndo Hinɔm ikɛi ba paaleŋ le del lo. Pembei hei cho o Kpoloŋndo* Luɛfem mɛɛlulaŋ ba luaŋ ndo ni.
9 Mi pɛŋgulaŋ ndaŋ la chaŋ vɛlɛ o pembii keŋ choo, mi la kua o pioo Nɛfitowa. Nduyɛ, mi la kua haaa o chieeŋ cho o Pembii Ɛfulɔŋ Nde woŋ. Chɔnɔŋndo loŋ, mi la kua vɛlɛ Baala, koŋ cho ni, Kiliaati-chiaaluim.
10 Mɛɛ la chɛŋ Baala, mi la tundu ba paaleŋ le del lo, o Pembii Sɛyaa Ve. Okoŋ, mi la kua ba luaŋ ndo o Pembii Chiaaluim Nde holnɔŋndo, koŋ cho ni, Kɛsalɔŋ. Nduyɛ mi la tuusu, mi la kua Bɛti-siɛmɛsi a Timina.
11 Mi pɛŋgulaŋ ndaŋ la timbulaŋ, mi la holnuŋ pembii Ɛkulɔŋ nde ba luaŋ ndo. Okoŋ, mi la kua Sikɛlɔŋ, nduyɛ mi la hiau mi la kua o Pembii Baala Ve haaa Chabiniaa, mi la kɔ mɛɛlu o pee mɛŋma ihɛllo.
12 Ba paaleŋ le del lo ndu, Pee Bɛndu Mɛŋma Ihɛllo* holnɔŋndo chɛ chɛ wa pɛŋgulaŋ ni. Yuŋgula fula o kaale Chuda leŋ choo laŋ kinɛi, pɛŋgula lɛŋnde nda sɔla leŋ kpou la wa laŋ ni.
13 Kɛ mi Kelɛbi, po Chɛfunɛ wo sɔla buŋgɛi wanaa fula o pulale Chuda leŋ choo wa tɛɛŋ, a mɛɛ Chɛhowa dimul Chɔɔsuaa yɛ. Buŋgɛi nda ke ndu ve wa Kiliaati-aba ni, koŋ cho ni, Hɛbulɔŋ. (Aba wa finyaa Anaki ni.)
14 Anaki ndoo nɔ puaa a yaa o lɛŋnde leŋ niŋ, nduyɛ mi Kelɛbi soli nda loŋ po. Nda cho ni: Sisai, Ahimaŋ, a Talimai. Puaa Anaki velu wa, nda wa haa ni.
15 Mɛɛ o chɛŋ loŋ, mbo kua le sɔŋgɔɔ a waŋnda Dɛbiluii. (Dɛbiluii ndaa veelu paandu ni aa Kiliaati-sɛfa.)
16 Okoŋ, mi Kelɛbi dimi aa: “Wana cho lakɔ Kiliaati-sɛfa delɔɔ choo a sɔŋgɔɔ nduyɛ mbo bii ndu wo, I cho ndu Akisa chua ni ke mbo wa laa ndɔ.”
17 Mi pɔmbɔɔ Kelɛbi, Otiniɛɛ, po Kinaasi wo kɔ del chiee koŋ choo nduyɛ mbo bii ndu. Okoŋ mi Kelɛbi ke ndu Akisa chua ndɔ le mbo wa laa ndɔ.
18 Mɛɛ Akisa wa kɔlaŋ o nɔ ndɔɔ, mbo dimul pɔnɔ ndɔ le mbo nyuna Kelɛbi finya ndɔ le yondoo. Okoŋ, mi Akisa tual o sofɛlɛ ndɔɔ choo.* Mi Kelɛbi nyuna ndu aa: “Yɛɛnɛ ŋ yeema yɛ?”
19 Mi Akisa dimi aa: “A yandii, dɔu ya sala. A kilul la lɛŋndeŋ ba tou wo, kɛ I yeema vɛlɛ ma kilul la Kulɔti-mayim.”* Okoŋ mbo ke ndu Kulɔti Amaluaŋ a Kulɔti Amatou.
20 Lɛŋnde yuŋgula fula o kaale Chuda leŋ choo laŋ la sɔla, mi le wa nyɛm kɛŋ ndaŋ ndeŋ le wa leŋ ni.
21 Chieeŋ bɛnduŋ kaale Chuda leŋ le sɔla ba tou wo, miŋ wa o pɛŋgulaŋ a Idɔm ndoŋ cho muŋ ni: Kabisɛɛ, Ɛda, Chakɔɔ,
22 Kina, Dimona, Adadaa,
23 Kedɛɛsi, Hasɔɔ, Itinaŋ,
24 Sifi, Tilɛm, Biyalɔti,
25 Hasɔɔ-hadata a Kiliɔɔti-hɛsilɔŋ, koŋ cho ni, Hasɔɔ,
26 Amam, Siɛma, Molada,
27 Hasa-kadaa, Hɛsimɔŋ, Bɛti-pilɛti,
28 Hasa-suaa, Biaa-siɛba, Bisoyotaya,
29 Baala, Iyam, Ɛsɛm,
30 Ɛlitoladi, Kɛsil, Hɔɔma,
31 Sikila, Madimanaa, Saŋsana,
32 Labayoti, Silihim, Ayiŋ, a Luimɔŋ. Kpou kpou, chieeŋ bɛndoŋ 29 a sɔndɔkɔlta balu muŋ ndaŋ.
33 Chieeŋ bɛnduŋ wa o tanda Siɛfila* wo niŋndoŋ cho muŋ ni: Ɛsitawɔɔ, Soluaa, Asinaa,
34 Sanowaa, Ɛŋ-kanim, Tapuaa, Ɛnam,
35 Chamuti, Adulam, Sokɔ, Asikaa,
36 Sialuem, Aditam, Kɛdɛlua, a Kɛdɛlɔtayim. Chieeŋ bɛndoŋ 14 a sɔndɔkɔlta balu muŋ ndaŋ.
37 Sɛnaŋ, Hadasa, Mikidali-kadi,
38 Diliyaŋ, Misipɛ, Chokitɛɛ,
39 Lakisi, Bɔsikati, Ɛkilɔŋ,
40 Kabɔŋ, Laamam, Kitilisi,
41 Kɛdɛlɔti, Bɛti-dakɔŋ, Naama, a Makɛdaa. Chieeŋ bɛndoŋ 16 a sɔndɔkɔlta balu muŋ ndaŋ.
42 Libina, Ɛtɛɛ, Asiaŋ,
43 Ifitaa, Asinaa, Nɛsibi,
44 Kɛlaa, Akisibi, a Maluɛsiaa. Chieeŋ bɛndoŋ ŋɔmahiɔɔlu a sɔndɔkɔlta balu muŋ ndaŋ.
45 Ɛkulɔŋ, chieeŋ balu ndu woŋ, a sɔndɔkɔlta ndɔlaŋ.
46 Chɔŋ vɛlɛ Ɛkulɔŋ ba paaleŋ le del lo a fondaŋnda cho le kɔlaŋ Asidɔɔ laŋ kpou, a sɔndɔkɔlta balu muŋ ndaŋ, nda ndaa nɔ ni.
47 Asidɔɔ, chieeŋ balu ndu woŋ, a sɔndɔkɔlta ndɔlaŋ. Kaasa, chieeŋ balu ndu woŋ, a sɔndɔkɔlta ndɔlaŋ, haaa mbo tuusu o Pioo Ichipi, Pee Bɛndu Mɛŋma Ihɛllo,* a tanda cho o pee koŋ choo wo.
48 Chieeŋ bɛnduŋ wa o lɛŋnde ŋpembuleŋ ndoŋ cho muŋ ni: Siamɛɛ, Chatɛɛ, Sokɔ,
49 Dana, Kiliaati-sana, koŋ cho ni, Dɛbiluii,
50 Anabi, Ɛsitɛmo, Anim,
51 Koosiɛŋ, Holɔŋ, a Kilɔɔ. Chieeŋ bɛndoŋ 11 a sɔndɔkɔlta balu muŋ ndaŋ.
52 Aluabi, Dumaa, Isiaŋ,
53 Chanim, Bɛti-tapuaa, Afɛkaa,
54 Humita, Kiliaati-aba, koŋ cho ni, Hɛbulɔŋ, a Siɔɔ. Chieeŋ bɛndoŋ ŋɔmahiɔɔlu a sɔndɔkɔlta balu muŋ ndaŋ.
55 Mawɔŋ, Kamɛl, Sifi, Chuta,
56 Chɛsiluɛɛ, Chokidiam, Sanowaa,
57 Keyaŋ, Kibiya, a Timina. Chieeŋ bɛndoŋ tɔ a sɔndɔkɔlta balu muŋ ndaŋ.
58 Halihɔl, Bɛti-sɔɔ, Kidɔɔ,
59 Maaluati, Bɛti-anɔti, a Ɛlitikɔŋ. Chieeŋ bɛndoŋ ŋɔmpum a sɔndɔkɔlta balu muŋ ndaŋ.
60 Kiliaati-baal, koŋ cho ni, Kiliaati-chiaaluim, a Luaba. Chieeŋ bɛndoŋ ŋ muuŋ a sɔndɔkɔlta balu muŋ ndaŋ.
61 Chieeŋ bɛnduŋ wa o pollo niŋndoŋ cho muŋ ni: Bɛti-aluaba, Midiŋ, Sɛkakaa,
62 Nibisiaŋ, Chiee Ihɛllo, a Ɛŋ-kɛdi. Chieeŋ bɛndoŋ ŋɔmpum a sɔndɔkɔlta balu muŋ ndaŋ.
63 Kɛ puaa fula o kaale Chuda leŋ choo wa, a nɔla ma tou Chɛbusaitiiyaa wa Chulusalɛm nda le. Le hei, mi Chɛbusaitiiya hiau lachi a waa Chulusalɛm waŋnda Chuda tɛɛŋ, haaa a paale hauleŋ ndeŋ.
Tɛɛsiaalaŋ
^ Ɔɔ “lɛŋnde cho ba tou wo leŋ.”
^ Tofa Tɛɛsiaa.
^ Koŋ cho ni, Pee Bɛndu Mɛŋma iHɛllo, Mɛditalueeniaa.
^ Ɔɔ “Dɛŋgbɔɔ.”
^ Ɔɔ “Dɛŋgbɔɔ.”
^ Koŋ cho ni, Mɛditalueeniaa.
^ Ɔɔ naapum, “o lo ichali o sofɛlɔɔ choo mbo tiam balaŋ.”
^ O sim, “Fondaŋnda Mamɛŋndaŋ.”
^ Ɔɔ “fondaŋ pembuŋ pɔmbɔŋ cho wo.”
^ Koŋ cho ni, Mɛditalueeniaa.