Chɔɔsuaa 16:1-10
16 Mɛɛ nda wuu kooŋ, mi wanaa fula o pulale Choosɛ leŋ choo wa sɔla lɛŋndeŋ le ndaleŋ. Lɛŋnde ndaleŋ le wa chɔŋ o Chɔɔdaŋ ndaŋ Chɛluiko, mi le kua naa pioo cho Chɛluiko ba paaleŋ le chaŋ ndo wa. Okoŋ, mi le heelu o pollo Chɛluiko, mi le kua o lɛŋnde ŋpembuleŋ Bɛtɛl.
2 Chɔnɔŋndo Bɛtɛl o Luusi niŋ, mi le hiau mi le kua o pɛŋgula Akaitiiya o chioo Atalɔti.
3 Okoŋ, mi le tuusu ba paaleŋ le del lo o pɛŋgula Chafilɛtaitiiya, mi le kua haaa o pɛŋgulaŋ Bɛti-hɔlɔŋ Amatou a Kiisa, mi le mɛɛlu o pee mɛŋma ihɛllo.
4 Lɛŋnde puaa Choosɛ wa, Manaasɛ nda Ifiluem sɔla leŋ le wa leŋ ni.
5 Yuŋgula fula o pulale Ifiluem ndeŋ choo laŋ, lɛŋnde nda sɔla leŋ pɛŋgula ndɔlaŋ la cho laŋ ni: Atalɔti-ada wa pɛŋgu ndaa ba paaleŋ le chaŋ ndo ni, haaa kɔ Bɛti-hɔlɔŋ Amaluaŋ,
6 nduyɛ, mbo timbulaŋ o pee mɛŋma ihɛllo choo. Mikimɛtati wa o pɛŋgu ndaa ba luaŋ ndo ni. Chɔnɔŋndo loŋ, mbo tundu ba paaleŋ le chaŋ ndo le kɔlaŋ Taanati-silɔɔ, okoŋ mbo hiau loŋ choo mbo kua ba Chanowaa wo.
7 Mɛɛ pɛŋgu ndaa chɛŋ Chanowaa loŋ, mbo tuusu Atalɔti a Naalua, mbo fuuluu Chɛluiko, okoŋ mbo timbulaŋ o pioo Chɔɔdaŋ.
8 Ba paaleŋ le del lo ndu, Tapuaa pɛŋgu ndaa kanduŋ ni mbo kua o Pioo* Kanaa, okoŋ mbo mɛɛlu o pee mɛŋma ihɛllo choo. Lɛŋnde yuŋgula fula o kaale Ifiluem ndeŋ choo laŋ la sɔla leŋ le wa leŋ ni.
9 Mi wanaa fula o pulale Ifiluem ndeŋ choo wa sɔla vɛlɛ chieeŋ bɛndoŋ a sɔndɔkɔlta chiooŋ muŋ, o lɛŋnde Manaasɛ sɔla leŋ niŋ.
10 Kɛ wanaa fula o kaale Ifiluem ndeŋ choo wa, a tuu Kenanaitiiyaa wa Kiisa wa le. Le hei, ma hiau lachi a nda waa tɛɛŋ haaa a paale hauleŋ ndeŋ. Nduyɛ, ma siiŋguu Kenanaitiiya haa chiaa ndaa.
Tɛɛsiaalaŋ
^ Tofa Tɛɛsiaa.