Chɔɔsuaa 19:1-51
19 Mɛɛ nda wuu kooŋ wuu diiŋ ndɔɔ, mi yuŋgula fula o kaale Simiɔŋ ndeŋ choo laŋ la sɔla lɛŋndeŋ le ndaleŋ. Nduyɛ, o buŋgɛi Chuda ve niŋ nda sɔla buŋgɛi ni.
2 Chieeŋ wa loŋ ndoŋ cho muŋ ni: Biaa-siɛba a Siɛba, Molada,
3 Hasa-suaa, Bala, Ɛsɛm,
4 Ɛlitoladi, Bitɔɔ, Hɔɔma,
5 Sikila, Bɛti-makabɔti, Hasa-susa,
6 Bɛti-labayoti, a Sialuhɛŋ. Chieeŋ bɛndoŋ 13 a sɔndɔkɔlta balu muŋ ndaŋ.
7 Ayiŋ, Luimɔŋ, Ɛtɛɛ, a Asiaŋ. Chieeŋ bɛndoŋ ŋ hiɔɔlu a sɔndɔkɔlta balu muŋ ndaŋ.
8 Nduyɛ, sɔndɔkɔlta laa balu chieeŋ bɛndoŋ muŋ ndaŋ kpou haaa kɔ Baalati-biaa, koŋ cho ni, Luama ba tou wo, nda ndaa nɔ ni. Lɛŋnde yuŋgula fula o kaale Simiɔŋ ndeŋ choo laŋ la sɔla leŋ le wa leŋ ni.
9 O buŋgɛi Chuda ve niŋ nda kilul wanaa fula o pulale Simiɔŋ ndeŋ choo wa lɛŋndeŋ ni. Kanifuule, buŋgɛi Chuda ve i wa bɔɔ le nda. Lelaŋ, o buŋgɛi Chuda ve niŋ wanaa fula o pulale Simiɔŋ ndeŋ choo wa sɔla lɛŋndeŋ ni.
10 Mɛɛ nda wuu kooŋ wuu yaa ndɔɔ, mi yuŋgula fula o pulale Sɛbulɔŋ ndeŋ choo laŋ la sɔla lɛŋndeŋ le ndaleŋ. Nduyɛ, mi pɛŋgula lɛŋnde ndaleŋ le kua haaa Saluidi.
11 Mi pɛŋgula ndalaŋ la heelu ba paaleŋ le del lo, mi la kua Maluɛyaa, nduyɛ mi la fuuluu Dabɛsiɛti. Okoŋ, mi la kua haaa o kpoloŋ* cho Chokiniam ikɛiyo.
12 Mɛɛ la chɛŋ Saluidi, mi la kua ba paaleŋ le chaŋ ndo o pɛŋgula chioo Kisilɔti-tabɔɔ. Chɔnɔŋndo loŋ, mi la kua Dabɛluati, okoŋ mi la heelu Chafiya.
13 Fulaa loŋ, mi la kua ba paaleŋ le chaŋ ndo, haaa mi la fuuluu Kati-hɛfa, Ɛti-kasiŋ, a Luimɔŋ, nduyɛ mi la timbulaŋ a Niaa.
14 Mi pɛŋgulaŋ ndaŋ la tunduŋ loŋ mi la kua Hanatɔŋ ba luaŋ ndo. Okoŋ, mi la kɔ mɛɛlu o Kpoloŋndo Ifita-ɛɛ.
15 Katati, Nahalaa, Similɔŋ, Idalaa, a Bɛtilɛhɛm wa vɛlɛ o buŋgɛi ndɛi niŋ. Kpou kpou, chieeŋ bɛndoŋ 12 a sɔndɔkɔlta balu muŋ ndaŋ.
16 Lɛŋnde yuŋgula fula o pulale Sɛbulɔŋ ndeŋ choo laŋ la sɔla leŋ le wa leŋ ni. Nduyɛ, chieeŋ bɛndoŋ wa muŋ ni a sɔndɔkɔlta balu muŋ ndaŋ.
17 Mɛɛ nda wuu kooŋ wuu hiɔɔloo, mi yuŋgula fula o pulale Isaka leŋ choo laŋ la sɔla lɛŋndeŋ le ndaleŋ.
18 Nduyɛ, chieeŋ pɛŋgula ndalaŋ la kuɛ woŋ cho muŋ ni: Chɛsiluɛɛ, Kɛsulɔti, Siunim,
19 Hafaluim, Siɔɔŋ, Anahaluati,
20 Luabiti, Kisiɔŋ, Ɛbɛsi,
21 Luɛmɛti, Ɛŋ-kanim, Ɛŋ-hadaa, a Bɛti-paasi.
22 Mi pɛŋgulaŋ ndaŋ la fuuluu Tabɔɔ, a Siahasumaa, a Bɛti-siɛmɛsi. Nduyɛ, mi la kɔ mɛɛlu o pioo Chɔɔdaŋ. Chieeŋ bɛndoŋ 16 a sɔndɔkɔlta balu muŋ ndaŋ.
23 Lɛŋnde yuŋgula fula o kaale Isaka leŋ choo laŋ la sɔla leŋ le wa leŋ ni. Nduyɛ, chieeŋ bɛndoŋ wa muŋ ni a sɔndɔkɔlta balu muŋ ndaŋ.
24 Mɛɛ nda wuu kooŋ wuu ŋuɛɛnoo, mi yuŋgula fula o kaale Asia leŋ choo laŋ la sɔla lɛŋndeŋ le ndaleŋ.
25 Nduyɛ, chieeŋ pɛŋgula ndalaŋ la kuɛ woŋ cho muŋ ni: Hɛlikati, Helai, Bɛtɛŋ, Akisiafi,
26 Alamɛlɛki, Amadi, a Maisia. Mi pɛŋgulaŋ ndaŋ la kua ba paaleŋ le del lo haaa Kamɛl, a Sihɔɔ-libinati.
27 Nduyɛ, mi la tunduŋ ba paaleŋ le chaŋ ndo mi la kua Bɛti-dakɔŋ, mi la fuuluu o pɛŋgulaŋ a Sɛbulɔŋ, a Kpoloŋndo Ifita-ɛɛ ba luaŋ ndo, a Bɛti-ɛmɛki, a Nɛyiɛɛ. Okoŋ mi la timbulaŋ a Kabɔɔ o ba miallo choo,
28 a Ɛbilɔŋ, Luihɔbi, Hamɔŋ, a Kanaa, haaa mi la fuuluu Saidɔŋ Bɛndoo.
29 Mi pɛŋgulaŋ ndaŋ la miiŋgu Luama pila, mi la kua haaa Taaya, chiee nda taŋgul a kpakioo o balaa kpɔkɔsu wo. Okoŋ, mi la miiŋgu Hoosa, mi la kɔ mɛɛlu o pee mɛŋma ihɛllo choo o tanda Akisibi wo niŋ,
30 Ɔma, Afɛki, a Luihɔbi. Chieeŋ bɛndoŋ 22 a sɔndɔkɔlta balu muŋ ndaŋ.
31 Lɛŋnde yuŋgula fula o kaale Asia leŋ choo laŋ la sɔla leŋ le wa leŋ ni. Nduyɛ, chieeŋ bɛndoŋ wa muŋ ni a sɔndɔkɔlta balu muŋ ndaŋ.
32 Mɛɛ nda wuu kooŋ wuu ŋɔmpum ndo, mi yuŋgula fula o pulale Nafitalii leŋ choo laŋ la sɔla lɛŋndeŋ le ndaleŋ.
33 Mɛɛ pɛŋgula ndalaŋ la kanduŋ Hɛlɛfi a o yɔm bɛndu cho Saananim ndo, mi la kua Adami-nikɛbi a Chabiniaa, haaa mi la fuuluu Lakum. Okoŋ, mi la kɔ mɛɛlu o pioo Chɔɔdaŋ.
34 Mi pɛŋgulaŋ ndaŋ la miiŋgu pila ba paaleŋ le del lo, mi la kua Asinɔti-tabɔɔ haaa Hukɔɔki, nduyɛ mi la fuuluu naa nda salu pɛŋgulaŋ nda Sɛbulɔŋ ba tou wo wa. Nda Asia salu pɛŋgulaŋ ba paaleŋ le del lo ni. Nduyɛ, ma salu pɛŋgulaŋ nda Chuda o Chɔɔdaŋ ndaŋ ba paaleŋ le chaŋ ndo.
35 Chieeŋ wa ŋ taŋgulaa a kpakilaŋ la balaa kpɔkɔsu woŋ cho muŋ ni: Sidim, Sɛɛ, Hamati, Luakati, Kinɛluɛti,
36 Adama, Luama, Hasɔɔ,
37 Kedɛɛsi, Ɛdului, Ɛŋ-hasɔɔ,
38 Yilɔŋ, Mikida-ɛɛ, Holuɛm, Bɛti-anati, a Bɛti-siɛmɛsi. Chieeŋ bɛndoŋ 19 a sɔndɔkɔlta balu muŋ ndaŋ.
39 Lɛŋnde yuŋgula fula o kaale Nafitalii leŋ choo laŋ la sɔla leŋ le wa leŋ ni, a chieeŋ ndaŋ bɛndoŋ. Nduyɛ, chieeŋ bɛndoŋ wa muŋ ni a sɔndɔkɔlta balu muŋ ndaŋ.
40 Mɛɛ nda wuu kooŋ wuu ŋɔmmɛu wo, mi yuŋgula fula o kaale Daŋ ndeŋ choo laŋ la sɔla lɛŋndeŋ le ndaleŋ.
41 Nduyɛ chieeŋ pɛŋgula ndalaŋ la kuɛ woŋ cho muŋ ni: Soluaa, Ɛsitawɔɔ, Ili-siɛmɛsi,
42 Siaalabiŋ, Aichalɔŋ, Itilaa,
43 Ɛlɔŋ, Timina, Ɛkulɔŋ,
44 Ɛlitikɛɛ, Kibɛtɔŋ, Baalati,
45 Chihɔdi, Bɛni-bɛluaki, Kati-luimɔŋ,
46 Mɛ-chakɔŋ, a Luakɔŋ. Mi pɛŋgulaŋ ndaŋ la kei vɛlɛ Chopa ikɛi.
47 Kɛ kaale Daŋ ndeŋ, buŋgɛi nda sɔla ve i ve i bɔɔ le. Le hei, ma kua Lɛsiɛm, ma bii chioo hoo, ma diu wanaa wa loŋ nda a mɔɔŋ faŋndoŋ. Okoŋ, ma kila chaltaŋ loŋ. Nduyɛ ma siŋga Lɛsiɛm diolaŋ aa Daŋ, diola finya nda mamaa.
48 Lɛŋnde yuŋgula fula o kaale Daŋ ndeŋ choo laŋ la sɔla leŋ le wa leŋ ni. Nduyɛ, chieeŋ bɛndoŋ wa muŋ ni a sɔndɔkɔlta balu muŋ ndaŋ.
49 Ma chii lɛŋndeŋ ndeŋ piɔu a buŋgaŋ kpɛ kpɛ, mi wana o wana sɔla le ndɔleŋ. Okoŋ, mi Isɔluɛiya ke Chɔɔsuaa po Nuŋ ndo lɛŋndeŋ o buŋgaŋ ndaŋ tɛɛŋ.
50 A mɛɛ Chɛhowa ndoo dimi yɛ, ma ke ndu chiee o nyuna le ndu wo, Timinati-sɛlua, o lɛŋnde ŋpembuleŋ Ifiluem. Nduyɛ, mbo miŋgi chioo hoo taŋgul mbo chal loŋ.
51 Buŋgaŋ Ɛlieesa wana soliaa lasalaa, Chɔɔsuaa po Nuŋ ndo, a wanaa wa yuŋgula leboltaŋ o kaaye Isɔluɛi niŋnda a piɔu woŋ wa muŋ ni. Nduyɛ, kooŋ nda wuu Chɛhowa lachi Silɔɔ ni, o tɛndii Mɛlɛkaa sondoo le buŋgaŋ muŋ piɔuwo. Mɛɛ o nɛiyo hoo choo nda piɔu lɛŋndeŋ kpou ni.
Tɛɛsiaalaŋ
^ Ɔɔ “pee.”