Chɔɔsuaa 21:1-45
21 Mi wanaa wa yuŋgula leboltaŋ le Livaiya wa kua naa Ɛlieesa wana soliaa lasalaa chua, Chɔɔsuaa po Nuŋ ndo, a o wanaa wa yuŋgula leboltaŋ o kaaye Isɔluɛi niŋnda lo.
2 Okoŋ, ma suaa naa nda chua, naa nda wa Silɔɔ o lɛŋnde Kenaŋ ndeŋ niŋnda aa: “Mi Chɛhowa dimul Muuse maa la nɔ mi la ke naa chiooŋ le miŋ wa loŋ, a fondaŋndaŋ le mi chɔluaa naa wa diolaŋ.”
3 Okoŋ, mi Isɔluɛiya tosa mɛɛ Chɛhowa dimi yɛ. Ma soli chiooŋ a fondaŋndaŋ le chɔluaa diolaŋ o buŋgaŋ ndaŋ niŋ, ma ke Livaiya.
4 Mɛɛ nda wuu kooŋ, Livaiya, a fula o yuŋgula Kohati laŋ choo wa fɛlɛŋ sɔla chiooŋ ŋ ndaŋ. Ma ke wanaa fula o pulale Elɔŋ wana soliaa lasalaa choo wa chiooŋ 13 o buŋgɛi kaale Chuda, Simiɔŋ, a kaale Bɛŋjamiŋ sɔla ve niŋ.
5 Nduyɛ yuŋgula Kohati laŋ la pilɛlaŋ, ma ke nda chieeŋ bɛndoŋ tɔ o buŋgɛi yuŋgula fula o kaale Ifiluem, Daŋ, a kaale Manaasɛ leŋ tɛndaa tɛɛŋ sɔla ve niŋ.
6 Nduyɛ, ma ke yuŋgula Kɛɛsiɔŋ ndaŋ chieeŋ bɛndoŋ 13, o buŋgɛi yuŋgula fula o kaale Isaka, Asia, Nafitalii, a kaale Manaasɛ leŋ tɛndaa tɛɛŋ sɔla o tanda Baasiaŋ ndo niŋnde.
7 Yuŋgula fula o pulale Meluali leŋ choo laŋ, ma ke nda chieeŋ bɛndoŋ 12 o buŋgɛi kaale Lubɛŋ, Kaadi, a kaale Sɛbulɔŋ sɔla ve niŋ.
8 Kooŋ Isɔluɛiya wuu ni le Livaiya chieeŋ bɛndoŋ muŋ kioo a fondaŋndaŋ le chɔluaa diolaŋ, a mɛɛ Chɛhowa ndoo dimul Muuse yɛ.
9 Lelaŋ, chieeŋ bɛnduŋ nda hɛli o buŋgɛi kaale Chuda leŋ niŋ a o kaale Simiɔŋ ndeŋ niŋndoŋ, ma chɔm muŋ diolaŋ.
10 Okoŋ, ma ke muŋ puaa Elɔŋ nda, Livaiyaa fula o pulale Kohati leŋ choo wa. Kanifuule mɛɛ nda wuu kooŋ, nda fɛlɛŋ sɔla.
11 Chieeŋ nda ke nda muŋ ndoŋ, o pilɛ wa Kiliaati-aba ni, koŋ cho ni, Hɛbulɔŋ. (Aba wa finyaa Anaki ni.) O lɛŋnde ŋpembuleŋ Chuda chioo hoo wa ni. Ma ke nda vɛlɛ fondaŋnda balu ndu laŋ, le chɔluaa ndaa diolaŋ.
12 Kɛ yondo chioo hoo kpou a sɔndɔkɔlta ndɔlaŋ, ma ke Kelɛbi, po Chɛfunɛ wo.
13 Lelaŋ, Elɔŋ wana soliaa lasalaa, ma ke puaa nduaa chiee viaŋnaŋndo le wana sulɛi hialuŋ ndo, ndu cho yɛ Hɛbulɔŋ ni, a fondaŋndaŋ le chɔluaa diolaŋ. Ma ke nda vɛlɛ Libina a fondaŋndaŋ le chɔluaa diolaŋ,
14 Chatɛɛ a fondaŋndaŋ le chɔluaa diolaŋ, Ɛsitɛmɔɔ a fondaŋndaŋ le chɔluaa diolaŋ,
15 Holɔŋ a fondaŋndaŋ le chɔluaa diolaŋ, Dɛbiluii a fondaŋndaŋ le chɔluaa diolaŋ,
16 Ayiŋ a fondaŋndaŋ le chɔluaa diolaŋ, Chuta a fondaŋndaŋ le chɔluaa diolaŋ, a Bɛti-siɛmɛsi a fondaŋndaŋ le chɔluaa diolaŋ. Chiooŋ ŋɔmahiɔɔlu nda sɔla o buŋgaŋ kayii ŋiiŋnde hei niŋ ni.
17 Chieeŋ nda sɔla o buŋgɛi kaale Bɛŋjamiŋ ndeŋ niŋndoŋ cho muŋ ni: Kibiɔŋ a fondaŋndaŋ le chɔluaa diolaŋ, Kiba a fondaŋndaŋ le chɔluaa diolaŋ,
18 Anatɔti a fondaŋndaŋ le chɔluaa diolaŋ, a Alimɔŋ a fondaŋndaŋ le chɔluaa diolaŋ. Kpou kpou, chiooŋ ŋ hiɔɔlu.
19 Chieeŋ nda ke wanaa fula o pulale Elɔŋ ndeŋ choo, ma wa wanaa soliaa lasalaa wa, ŋ wa 13 a fondaŋndaŋ le chɔluaa diolaŋ.
20 Mɛɛ nda wuu kooŋ, mi Livaiya, a fula o pulale Kohati leŋ choo wa a piliaa bɛɛ sɔla chieeŋ bɛndoŋ, o buŋgɛi kaale Ifiluem ndeŋ le sɔla ve niŋ.
21 Ma ke nda chiee viaŋnaŋndo le wana sulɛi hialuŋ ndo, ndu cho yɛ Siɛkɛm ni, a fondaŋndaŋ le chɔluaa diolaŋ. O lɛŋnde ŋpembuleŋ Ifiluem chioo hoo wa ni. Ma ke nda vɛlɛ Kiisa a fondaŋndaŋ le chɔluaa diolaŋ,
22 Kibisam a fondaŋndaŋ le chɔluaa diolaŋ, a Bɛti-hɔlɔŋ a fondaŋndaŋ le chɔluaa diolaŋ. Kpou kpou, chiooŋ ŋ hiɔɔlu.
23 Chieeŋ nda sɔla o buŋgɛi kaale Daŋ ndeŋ niŋndoŋ cho muŋ ni: Ɛlitikɛɛ a fondaŋndaŋ le chɔluaa diolaŋ, Kibɛtɔŋ a fondaŋndaŋ le chɔluaa diolaŋ,
24 Aichalɔŋ a fondaŋndaŋ le chɔluaa diolaŋ, vɛlɛ a Kati-luimɔŋ a fondaŋndaŋ le chɔluaa diolaŋ. Kpou kpou, chiooŋ ŋ hiɔɔlu.
25 Chieeŋ nda sɔla o buŋgɛi kaale Manaasɛ leŋ tɛndaa tɛɛŋ niŋndoŋ cho muŋ ni: Taanaki a fondaŋndaŋ le chɔluaa diolaŋ, a Kati-luimɔŋ a fondaŋndaŋ le chɔluaa diolaŋ. Kpou kpou, chiooŋ ŋ muuŋ.
26 Yuŋgula fula o pulale Kohati leŋ choo laŋ la pilɛ laŋ, chieeŋ nda sɔla woŋ, ŋ wa kpou kpou chiooŋ tɔ a fondaŋndaŋ le chɔluaa diolaŋ.
27 Mi Livaiya, a fula o yuŋgula Kɛɛsiɔŋ ndaŋ choo wa bɛɛ sɔla chiooŋ o buŋgɛi kaale Manaasɛ leŋ tɛndaa tɛɛŋ sɔla ve niŋ. O Baasiaŋ niŋ, ma sɔla chiee viaŋnaŋndo le wana sulɛi hialuŋ ndo, ndu cho yɛ Kolaŋ ni, a fondaŋndaŋ le chɔluaa diolaŋ, a Bɛɛsitɛlua a fondaŋndaŋ le chɔluaa diolaŋ. Kpou kpou, chiooŋ ŋ muuŋ.
28 Chieeŋ nda sɔla o buŋgɛi kaale Isaka leŋ niŋndoŋ cho muŋ ni: Kisiɔŋ a fondaŋndaŋ le chɔluaa diolaŋ, Dabɛluati a fondaŋndaŋ le chɔluaa diolaŋ,
29 Chamuti a fondaŋndaŋ le chɔluaa diolaŋ, a Ɛŋ-kanim a fondaŋndaŋ le chɔluaa diolaŋ. Kpou kpou, chiooŋ ŋ hiɔɔlu.
30 Chieeŋ nda sɔla o buŋgɛi kaale Asia leŋ niŋndoŋ cho muŋ ni: Maisia a fondaŋndaŋ le chɔluaa diolaŋ, Abidɔŋ a fondaŋndaŋ le chɔluaa diolaŋ,
31 Hɛlikati a fondaŋndaŋ le chɔluaa diolaŋ, a Luihɔbi a fondaŋndaŋ le chɔluaa diolaŋ. Kpou kpou, chiooŋ ŋ hiɔɔlu.
32 Chieeŋ nda sɔla o buŋgɛi kaale Nafitalii leŋ niŋndoŋ cho muŋ ni: Ma ke nda chiee viaŋnaŋndo le wana sulɛi hialuŋ ndo, ndu cho yɛ Kedɛɛsi o Kalili niŋ ni, a fondaŋndaŋ le chɔluaa diolaŋ. Ma ke nda vɛlɛ Hamɔti-dɔɔ a fondaŋndaŋ le chɔluaa diolaŋ, a Kaataŋ a fondaŋndaŋ le chɔluaa diolaŋ. Kpou kpou, chiooŋ ŋgaa.
33 Yuŋgula fula o pulale Kɛɛsiɔŋ ndeŋ choo laŋ, chieeŋ nda sɔla woŋ ŋ wa kpou kpou 13, a fondaŋndaŋ le chɔluaa diolaŋ.
34 Livaiya a tuaa, nda cho yɛ yuŋgula fula o pulale Meluali leŋ choo wa ni, chieeŋ nda sɔla o buŋgɛi kaale Sɛbulɔŋ ndeŋ niŋndoŋ cho muŋ ni: Chokiniam a fondaŋndaŋ le chɔluaa diolaŋ, Kaata a fondaŋndaŋ le chɔluaa diolaŋ,
35 Dimina a fondaŋndaŋ le chɔluaa diolaŋ, a Nahalaa a fondaŋndaŋ le chɔluaa diolaŋ. Kpou kpou, chiooŋ ŋ hiɔɔlu.
36 Chieeŋ nda sɔla o buŋgɛi kaale Lubɛŋ ndeŋ niŋndoŋ cho muŋ ni: Bɛsa a fondaŋndaŋ le chɔluaa diolaŋ, Chahasi a fondaŋndaŋ le chɔluaa diolaŋ,
37 Kɛdɛmɔti a fondaŋndaŋ le chɔluaa diolaŋ, a Mɛfaati a fondaŋndaŋ le chɔluaa diolaŋ. Kpou kpou, chiooŋ ŋ hiɔɔlu.
38 Chieeŋ nda sɔla o buŋgɛi kaale Kaadi leŋ niŋndoŋ cho muŋ ni: Ma ke nda chiee viaŋnaŋndo le wana sulɛi hialuŋ ndo, ndu cho yɛ Luamɔti o Kiliaadi niŋ ni, a fondaŋndaŋ le chɔluaa diolaŋ. Ma ke nda vɛlɛ Mahanɛm a fondaŋndaŋ le chɔluaa diolaŋ,
39 Hɛsibɔŋ a fondaŋndaŋ le chɔluaa diolaŋ, a Chasɛɛ a fondaŋndaŋ le chɔluaa diolaŋ. Kpou kpou, chiooŋ ŋ hiɔɔlu.
40 Livaiya a tuaa, nda cho yɛ yuŋgula fula o pulale Meluali leŋ choo wa ni, chieeŋ nda sɔla woŋ ŋ wa kpou kpou 12.
41 Chieeŋ Livaiya sɔla Isɔluɛiya tɛɛŋ ndoŋ, ŋ wa kpou kpou 48, a fondaŋndaŋ le chɔluaa diolaŋ.
42 Chiooŋ muŋ, o kɛ kɛ ndoo nɔ fondaŋndaŋ la balaa silɔ le chɔluaa diolaŋ. Muŋ kpou lende ŋ wa ni.
43 Mi Chɛhowa ke Isɔluɛiya lɛŋndeŋ ndeŋ kpou, a mɛɛ ndoo mɛnaŋ o finyaa ndaa mamaa lo yɛ. Ma bii lɛŋndeŋ ndeŋ, okoŋ ma chal loŋ.
44 Okoŋ kɔɔli, mi Chɛhowa tosa ma sɔla pɛŋgioo ba o ba fee, a mɛɛ ndoo mɛnaŋ o finyaa ndaa mamaa lo yɛ. Nduyɛ yaamɔɔwaa ndaa kpou, o pilɛ bɛɛ nɔla mbo simul nda le. Mi Chɛhowa mal yaamɔɔwaa ndaa kpou nda o ba.
45 Sɔɔŋ kɛndɛŋ Chɛhowa ndoo chuel waŋnda Isɔluɛi buŋgɛi le nda tosallo woŋ, i pilɛ bɛɛ lo kɔɔli le peelɔŋndo le. Muŋ kpou miŋ peeluŋ.
