Chondii Sɔlɔmɔŋ Nde 8:1-14
-
Chua laandoo (1-4)
-
“ Te ndoo yɔŋ pɛ maa yema nuu ŋ cho ni” (1)
-
-
Chua laandoo yemaa nduaa (5a)
-
‘Nɛɛnɛ yɛŋgbaŋ yɛ koŋ wana o kaala wo choo?’
-
-
Chua laandoo (5b-7)
-
“Mɛɛ piɔmndo nɔ kpaayaa yɛ, lende koni kaalaa bɛɛ nɔ kpaayaa ni” (6)
-
-
Chua laandoo yemaa nduaa (8, 9)
-
“Te o yɔŋ pɛ maa kpakioo o cho ni, . . . Kɛ te o yɔŋ pɛ maa dioo o cho ni, . . .” (9)
-
-
Chua laandoo (10-12)
-
“Kpakioo ya cho ni” (10)
-
-
Wana mandaa lasaa (13)
-
‘I yeema mi tuei num diom’
-
-
Chua laandoo (14)
-
“Nyaanuŋ chɔ chɔ maa puuwɔ”
-
8 “Te ndoo yɔŋ pɛ maa yema nuu ŋ cho ni,O wɛi mɛɛma kala nuu wo,
Te yaa saaluŋ num pɛ o bɛɛ, I wa num sondoo sɔsa,Nduyɛ wana o wana ve ya tul leyɛ le!
2 I wa lakɔ a num,Mi naŋ kɔ luɛi o kala nuu lo chiɛiniŋ,O pɛɛku ya wo.
I wa num muɛima chuŋ kɛndɛ kɛndiaŋ ke le ma kol,A nyɛma yeelɛima nda toosiaa a pɔmɛkilanetiiyaŋ ndaŋ.
3 Ba ndɔ miallo cho ya wa o bolleŋ bɛŋgu,Nduyɛ mi ba ndɔ kɛndɔɔ kɔmaŋ ya.
4 Nya chuaa laanduaa Chulusalɛm, la mɛnaŋ o ya lo:
La kindiŋ le ya kaalaa tindioo ɔɔ kpeeŋiaa niŋ te, haaa mi che kaala kpeekpeiyo.”
5 “Nɛɛnɛ cho yɛ koŋ hunɔɔ o pollo niŋ nda,Mbo yɛŋgbaŋ wana o kaala wo choo?”
“O yɔm apuiyo bɛŋgu ya tindi num o luaaŋ ni.
Loŋ pulii vialɛi wa kala num nɛiyo ni,
Teleŋ o wa a foli* numndo wo.
6 Kɛsiŋ ya o kɔl maa kelɛi nda handu tamasioo ve,Nduyɛ ma bii ya o ba mɛɛ kelɛi nda handu tamasioo ve cho yɛ.Kanifuule mɛɛ piɔmndo nɔ kpaayaa yɛ, lende koni kaalaa bɛɛ nɔ kpaayaa ni.Nduyɛ yeemɛi waŋndo nɔ le wana o kaala wo holnɔŋndo ve nɔ kpaayaa mɛɛ Sɛiyo* nɔ kpaayaa yɛ.
Kaala waa nuaa cho ko maa yiŋnde bɛndu le cho sandei leŋ, yiŋnde Chɛhowa leŋ.
7 Mɛɛ mɛɛ mɛŋndaŋ ma wa, ma nɔla kaala waa nuaa nyumi le,Kɛlɛŋgaa niŋ te mi peela bɛndulaŋ la hiou a ndu.
O yɔŋ bɛɛ mi waŋndo yɔŋgu sul ndɔɔ kpou o ndu lo chiɛiniŋ le kaala waa nuaa piondɔɔ,Pɛɛsaa koni nda pɛɛsa ndu ni.”
8 “Ŋ nɔ yema naa pɔmbɔɔ,Kɛ mɛɛma cho wɔ ndu o ibuŋ te.
Yɛɛnɛ naŋ cho yɛ tosa le yema naa,Paale waŋndo cho fula le ndu chuaa o nɔɔ niŋndeŋ?”
9 “Te o yɔŋ pɛ maa kpakioo o cho ni,Ŋ cho kpaki kala kalaa taŋgul ndu choo a kanii humbuei.Kɛ te o yɔŋ pɛ maa dioo o cho ni,Ŋ cho ndu bɛɛndiaa nyɛkɛndɛ kɛndɛ a yɔm sida wo.”
10 “Kpakioo ya cho ni,Nduyɛ mɛɛma niaŋ ma cho maa bandula vilɛi.
Lelaŋ te o nua ya pɛ,Mbo che kɛsɛ maa wana cho o kɔl nyuloo niŋndo ya cho ni.
11 Sɔlɔmɔŋ ndoo nɔ kpele makilepiiyo Baal-hamɔŋ.
Mbo ke ndu waŋnda le ma wa wallo leniŋ.
Mi o kɛ kɛ ndoo hiŋ a kaniŋ humboŋ waapilɛ le kɔmnde ndɔleŋ.
12 Sɔlɔmɔŋ nɔ kaniŋ humboŋ waapilɛ,
Mi wanaa cho kpeloo mandaa wa nɔ kɛmɛ lediiŋ.Kɛ ya I nɔ kpele makilepiiyo, nduyɛ le yapilɛ kpe o cho ni.”
13 “Num cho hoo o kpelelaŋ niŋndo,Chaaŋaa niaa yeema ma tuei num diom.
I yeema mi tuei num diom.”
14 “Num wana ya kaala wo, keleŋa hunɔɔ,Nduyɛ ma nyaanuŋ chɔ chɔ mɛɛ puuwɔɔ,Ɔɔ kial chuaa nyaanuŋ nuaa,O pembuŋ nɔ tɔlɔɔla chuŋ kɛndɛlaŋ ndoŋ choo yɛ.”
