Nɔmbaa 1:1-54
1 O wɔsi diiŋ ndɔ Isɔluɛiya fula o lɛŋnde Ichipi leŋ niŋndo, paale taseleŋ o paŋgii diiŋ nduɛi niŋ, mi Chɛhowa suaa o Muuse lo o pollo niŋ Sanai, o tɛndii bɔŋaŋndo niŋ. Mbo dimul ndu aa:
2 “Num nya Elɔŋ, la chɔm waŋnda kpou o Isɔluɛi niŋ a pilɛŋ pilɛŋnda. La poonyiaa waŋ piaanduaa kpou diolaŋ mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ.
3 Puaa cho niŋ wɔsilaŋ chɔŋ 20 haaa kɔ kɛ wa, la poonyiaa nda diolaŋ a kundalaŋ* le ma wa puaa chɔuwa o Isɔluɛi niŋ.
4 “O kaale kɛ kɛ niŋ, la hɛli wana pɔnɔɔ o pilɛ le mbo wa kaale leŋ bolleŋ.
5 Puaa cho wa a num latulu le num malaa wa, diola ndalaŋ la cho laŋ ni: Ɛlisɔɔ, po Siɔdiɔɔ wo, fulaa o kaale Lubɛŋ ndeŋ choo.
6 Siɛlumiɛɛ, po Suluisiadai yo, fulaa o kaale Simiɔŋ ndeŋ choo.
7 Naasiɔŋ, po Aminadabi wo, fulaa o kaale Chuda leŋ choo.
8 Nɛtanɛɛ, po Suwa wo, fulaa o kaale Isaka leŋ choo.
9 Ɛliaabi, po Hɛlɔŋ ndo, fulaa o kaale Sɛbulɔŋ ndeŋ choo.
10 Ɛlisiama, po Amihudi wo, fulaa o kaale Ifiluem ndeŋ choo. Kameliɛɛ, po Pɛdaasɔ wo, fulaa o kaale Manaasɛ leŋ choo. Nduyɛ, Choosɛ velu Ifiluem nda Manaasɛ ni.
11 Abidaŋ, po Kidionai yo, fulaa o kaale Bɛŋjamiŋ ndeŋ choo.
12 Ahiɛɛsa, po Amisiadai yo, fulaa o kaale Daŋ ndeŋ choo.
13 Pakiɛɛ, po Okiluaŋ ndo, fulaa o kaale Asia leŋ choo.
14 Iliaasafi, po Duɛɛ wo, fulaa o kaale Kaadi leŋ choo.
15 Ahilua, po Ɛnaŋ ndo, fulaa o kaale Nafitalii leŋ choo.
16 Puaa haa nda hɛli waŋnda Isɔluɛi tɛɛŋ ni. Nda wa kaala finyaa ndaa bolle ni, nduyɛ o kɛ kɛ waŋnda waapilɛ wa ndu o ba bɛŋgu o Isɔluɛi niŋ ni.”
17 Okoŋ, mi Muuse nda Elɔŋ chua puaa Mɛlɛka hɛli haa wa.
18 Ma chuuŋgiaa waŋnda kpou o paale taseleŋ choo o paŋgii diiŋ nduɛi niŋ, le ma poonyiaa puaa wa wɔsilaŋ chɔŋ 20 haaa kɔ kɛ wa diolaŋ a pilɛŋ pilɛŋnda, mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ.
19 Ma tosa mɛɛ Chɛhowa dimul Muuse yɛ. Okoŋ mbo poonyiaa nda diolaŋ o pollo niŋ Sanai.
20 Lubɛŋ, po tase Isɔluɛi yo, ma poonyiaa wanaa fula o pulale ndɔleŋ choo wa diolaŋ mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ. Puaa wa wɔsilaŋ chɔŋ 20 haaa kɔ kɛ, nduyɛ ma suliŋ le kɔlaŋ o chɔuwo wa kpou, ma chɔm nda a pilɛŋ pilɛŋnda.
21 Wanaa nda poonyiaa diolaŋ o kaale Lubɛŋ ndeŋ choo wa, a wa kpou kpou 46,500.
22 Wanaa fula o pulale Simiɔŋ ndeŋ choo wa, ma poonyiaa nda diolaŋ mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ. Puaa wa wɔsilaŋ chɔŋ 20 haaa kɔ kɛ, nduyɛ ma suliŋ le kɔlaŋ o chɔuwo wa kpou, ma chɔm nda a pilɛŋ pilɛŋnda.
23 Wanaa nda poonyiaa diolaŋ o kaale Simiɔŋ ndeŋ choo wa, a wa kpou kpou 59,300.
24 Wanaa fula o pulale Kaadi leŋ choo wa, ma poonyiaa nda diolaŋ mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ. Puaa wa wɔsilaŋ chɔŋ 20 haaa kɔ kɛ, nduyɛ ma suliŋ le kɔlaŋ o chɔuwo wa kpou, ma chɔm nda a pilɛŋ pilɛŋnda.
25 Wanaa nda poonyiaa diolaŋ o kaale Kaadi leŋ choo wa, a wa kpou kpou 45,650.
26 Wanaa fula o pulale Chuda leŋ choo wa, ma poonyiaa nda diolaŋ mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ. Puaa wa wɔsilaŋ chɔŋ 20 haaa kɔ kɛ, nduyɛ ma suliŋ le kɔlaŋ o chɔuwo wa kpou, ma chɔm nda a pilɛŋ pilɛŋnda.
27 Wanaa nda poonyiaa diolaŋ o kaale Chuda leŋ choo wa, a wa kpou kpou 74,600.
28 Wanaa fula o pulale Isaka leŋ choo wa, ma poonyiaa nda diolaŋ mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ. Puaa wa wɔsilaŋ chɔŋ 20 haaa kɔ kɛ, nduyɛ ma suliŋ le kɔlaŋ o chɔuwo wa kpou, ma chɔm nda a pilɛŋ pilɛŋnda.
29 Wanaa nda poonyiaa diolaŋ o kaale Isaka leŋ choo wa, a wa kpou kpou 54,400.
30 Wanaa fula o pulale Sɛbulɔŋ ndeŋ choo wa, ma poonyiaa nda diolaŋ mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ. Puaa wa wɔsilaŋ chɔŋ 20 haaa kɔ kɛ, nduyɛ ma suliŋ le kɔlaŋ o chɔuwo wa kpou, ma chɔm nda a pilɛŋ pilɛŋnda.
31 Wanaa nda poonyiaa diolaŋ o kaale Sɛbulɔŋ ndeŋ choo wa, a wa kpou kpou 57,400.
32 Wanaa fula o pulale Choosɛ leŋ choo sanaa a Ifiluem nda, ma poonyiaa nda diolaŋ mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ. Puaa wa wɔsilaŋ chɔŋ 20 haaa kɔ kɛ, nduyɛ ma suliŋ le kɔlaŋ o chɔuwo wa kpou, ma chɔm nda a pilɛŋ pilɛŋnda.
33 Wanaa nda poonyiaa diolaŋ o kaale Ifiluem ndeŋ choo wa, a wa kpou kpou 40,500.
34 Wanaa fula o pulale Manaasɛ leŋ choo wa, ma poonyiaa nda diolaŋ mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ. Puaa wa wɔsilaŋ chɔŋ 20 haaa kɔ kɛ, nduyɛ ma suliŋ le kɔlaŋ o chɔuwo wa kpou, ma chɔm nda a pilɛŋ pilɛŋnda.
35 Wanaa nda poonyiaa diolaŋ o kaale Manaasɛ leŋ choo wa, a wa kpou kpou 32,200.
36 Wanaa fula o pulale Bɛŋjamiŋ ndeŋ choo wa, ma poonyiaa nda diolaŋ mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ. Puaa wa wɔsilaŋ chɔŋ 20 haaa kɔ kɛ, nduyɛ ma suliŋ le kɔlaŋ o chɔuwo wa kpou, ma chɔm nda a pilɛŋ pilɛŋnda.
37 Wanaa nda poonyiaa diolaŋ o kaale Bɛŋjamiŋ ndeŋ choo wa, a wa kpou kpou 35,400.
38 Wanaa fula o pulale Daŋ ndeŋ choo wa, ma poonyiaa nda diolaŋ mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ. Puaa wa wɔsilaŋ chɔŋ 20 haaa kɔ kɛ, nduyɛ ma suliŋ le kɔlaŋ o chɔuwo wa kpou, ma chɔm nda a pilɛŋ pilɛŋnda.
39 Wanaa nda poonyiaa diolaŋ o kaale Daŋ ndeŋ choo wa, a wa kpou kpou 62,700.
40 Wanaa fula o pulale Asia leŋ choo wa, ma poonyiaa nda diolaŋ mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ. Puaa wa wɔsilaŋ chɔŋ 20 haaa kɔ kɛ, nduyɛ ma suliŋ le kɔlaŋ o chɔuwo wa kpou, ma chɔm nda a pilɛŋ pilɛŋnda.
41 Wanaa nda poonyiaa diolaŋ o kaale Asia leŋ choo wa, a wa kpou kpou 41,500.
42 Wanaa fula o pulale Nafitalii leŋ choo wa, ma poonyiaa nda diolaŋ mɛɛ nda cho a yuŋgulaŋ, vɛlɛ a yuŋgula ndala leboltaŋ yɛ. Puaa wa wɔsilaŋ chɔŋ 20 haaa kɔ kɛ, nduyɛ ma suliŋ le kɔlaŋ o chɔuwo wa kpou, ma chɔm nda a pilɛŋ pilɛŋnda.
43 Wanaa nda poonyiaa diolaŋ o kaale Nafitalii leŋ choo wa, a wa kpou kpou 53,400.
44 Muuse, Elɔŋ, a yuŋgula lebolta 12 ndaŋ o Isɔluɛi niŋ poonyiaa waŋnda haa diolaŋ ni. Puaa 12 nda haa wa vɛlɛ kaala ndalaŋ bolle ni.
45 Puaa o Isɔluɛi niŋ, a wa wɔsilaŋ chɔŋ 20 haaa kɔ kɛ, nduyɛ ma suliŋ le ma wa puaa chɔuwa o Isɔluɛi niŋnda kpou, ma poonyiaa nda diolaŋ mɛɛ nda cho a yuŋgula ndala leboltaŋ yɛ.
46 Wanaa nda poonyiaa diolaŋ nda, a wa kpou kpou 603,550.
47 Kɛ Livaiya nda ve o kaala nda poonyiaa diolaŋ ndaŋ tɛɛŋ te.
48 Okoŋ mi Chɛhowa dimul Muuse aa:
49 “Wanaa fula o kaale Livai leŋ choo wa kinɛi, a nɔ ma poonyiaa nda diolaŋ te. A nɔ ma chɔm nda, nduyɛ ma handu nda o Isɔluɛiyaa tuaa choo le.
50 Hɛli Livaiya le ma wa tɛndii nɔ Sawalaŋ ndo, nyɛm ndɔŋ laandoŋ, vɛlɛ a nyɛ o nyɛ cho leniŋ hɔlteŋ. Nda cho wa balɔɔ a tɛndiiyo vɛlɛ a nyɛ o nyɛ cho leniŋ ni, nduyɛ ma wa wallo loŋ. Nda nɔ ni ma wa o tɛndiiyo balɔɔ silɔ.
51 Teleŋ o teleŋ nya faŋaŋ pɛ le kɔlaŋ naa cheleŋ, Livaiya nɔ ni ma puusiaa tɛndiiyo. Nduyɛ te la fuuluu pɛ naa nya cho kɔlaŋ nda, nda nɔ vɛlɛ ni ma simi ndu. Te wana cheleŋ* sɔɔŋguu pɛ ndu ikɛi, o nɔ mbo sɔla piɔmndo.
52 “Isɔluɛinɔ kɛ kɛ nɔ mbo simi tɛndii ndɔɔ o dɔɔŋgɔ ndɔɔ niŋ. Wana o wana nɔ mbo wa o kunda ndɔɔ niŋ, kpeŋgii kayii ndɛi yaa ve cho ve.
53 Livaiya nɔ ni ma wa o tɛndii Sawalaŋ la cho leniŋ ndo balɔɔ silɔ, yɔŋii Mɛlɛka dɔɔnuŋ tumbe a Isɔluɛiya. Nduyɛ, nda nɔ ni ma wa tɛndii Sawalaŋ la cho leniŋ ndo hɔlteŋ.”*
54 Nyɛ o nyɛ Chɛhowa dimul Muuse, mi Isɔluɛiya tosa ndu kpou. Ma tosa mɛɛ o dimul nda yɛ.
Tɛɛsiaalaŋ
^ Hibuluiye, “kundala puaa chɔuwa.”
^ Hibuluiye, “miallo.” Koŋ cho ni, wana cho Livainɔ le wo.
^ Ɔɔ “mandaa.” Te koŋ te, “walta ndalaŋ tosaa loŋ.”
