Nɔmbaa 2:1-34
-
Dɔɔŋgɔɔ o piɔuwaa a kundalaŋ (1-34)
2 Mi Chɛhowa dimul Muuse nda Elɔŋ aa:
2 “Isɔluɛinɔ kɛ kɛ nɔ mbo wa o kpeŋgii nda ke kaayii ndɛi yaa ve fondaa ve. Wana o wana nɔ mbo wa naa yuŋgu ndɔ lebollo simi tamasioo wa ikɛi. Nda kpou nɔ ma wa o tɛndii bɔŋaŋndo balɔɔ silɔ, nduyɛ ma mulul ndu hɔlla.
3 “Kaalaŋ la yaa la cho wa ba paaleŋ le chaŋ ndo ni a kundala ndalaŋ kpɛ kpɛ, nduyɛ yuŋgu Chuda wo cho wa laŋ bolleŋ ni. Naasiɔŋ, po Aminadabi wo cho puaa o yuŋgu Chuda wo niŋ bolleŋ ni.
4 Wanaa nda poonyiaa diolaŋ o yuŋgu ndɔɔ niŋ le chɔuwo wa, a wa kpou kpou 74,600.
5 Kaale Isaka leŋ le cho wa ndu ikɛi kpeŋgei i pilɛ. Nɛtanɛɛ, po Suwa wo cho puaa o yuŋgu Isaka wo niŋ bolleŋ ni.
6 Wanaa nda poonyiaa diolaŋ o yuŋgu ndɔɔ niŋ le chɔuwo wa, a cho kpou kpou 54,400.
7 Kaale Sɛbulɔŋ ndeŋ le cho wa ndu ikɛi kpeŋgei i pilɛi. Ɛliaabi, po Hɛlɔŋ ndo cho puaa o yuŋgu Sɛbulɔŋ ndo niŋ bolleŋ ni.
8 Wanaa nda poonyiaa diolaŋ o yuŋgu ndɔɔ niŋ le chɔuwo wa, a wa kpou kpou 57,400.
9 “Wanaa nda poonyiaa diolaŋ le chɔuwo o kunda Chuda wa chilaŋ ndo choo wa, a wa kpou kpou 186,400. Nda fɛlɛŋ nɔ ma faŋaŋ o dɔɔŋgɔɔ niŋ.
10 “Kaalaŋ la yaa la cho wa ba tou wo ni a kundala ndalaŋ kpɛ kpɛ, nduyɛ yuŋgu Lubɛŋ ndo cho wa laŋ bolleŋ ni. Ɛlisɔɔ, po Siɔdiɔɔ wo cho puaa o yuŋgu Lubɛŋ ndo niŋ bolleŋ ni.
11 Wanaa nda poonyiaa diolaŋ o yuŋgu ndɔɔ niŋ le chɔuwo wa, a wa kpou kpou 46,500.
12 Kaale Simiɔŋ ndeŋ le cho wa ndu ikɛi kpeŋgei i pilɛ. Siɛlumiɛɛ, po Suluisiadai yo cho puaa o yuŋgu Simiɔŋ ndo niŋ bolleŋ ni.
13 Wanaa nda poonyiaa diolaŋ o yuŋgu ndɔɔ niŋ le chɔuwo wa, a wa kpou kpou 59,300.
14 Kaale Kaadi leŋ le cho wa ndu ikɛi kpeŋgei i pilɛi. Iliaasafi, po Luyɛɛ wo cho puaa o yuŋgu Kaadi wo niŋ bolleŋ ni.
15 Wanaa nda poonyiaa diolaŋ o yuŋgu ndɔɔ niŋ le chɔuwo wa, a wa kpou kpou 45,650.
16 “Wanaa nda poonyiaa diolaŋ le chɔuwo o kunda Lubɛŋ wa chilaŋ ndo choo wa, a wa kpou kpou 151,450. Nda cho kunda diiŋ ndɔ nɔ mbo faŋaŋ o dɔɔŋgɔɔ wo ni.
17 “Te la faŋa pɛ tɛndii bɔŋaŋndo le kɔlaŋ naa cheleŋ, dɔɔŋgɔ Livaiya nɔ ni mbo wa dɔɔŋgɔla tɔlaŋ kpou tɛɛŋ.
“Te a wa pɛ kɔlaŋ, a nɔ ma kuɛ a kundalaŋ kpɛ kpɛ mɛɛ nda cho o dɔɔŋgɔɔ niŋ yɛ. Wana o wana nɔ mbo wa kpeŋgii nduɛi, o kunda kaayii ndɛi yaa ve niŋ.
18 “Kaalaŋ la yaa la cho wa ba paaleŋ le del lo ni a kundala ndalaŋ kpɛ kpɛ, nduyɛ yuŋgu Ifiluem ndo cho wa laŋ bolleŋ ni. Ɛlisiama, po Amihudi wo cho puaa o yuŋgu Ifiluem ndo niŋ bolleŋ ni.
19 Wanaa nda poonyiaa diolaŋ le chɔuwo o yuŋgu ndɔɔ niŋnda, a wa kpou kpou 40,500.
20 Kaale Manaasɛ leŋ le cho wa ndu ikɛi kpeŋgei i pilɛ. Kameliɛɛ, po Pɛdaasɔ wo cho puaa o yuŋgu Manaasɛ wo niŋ bolleŋ ni.
21 Puaa nda poonyiaa diolaŋ o yuŋgu ndɔɔ niŋ le chɔuwo wa, a wa kpou kpou 32,200.
22 Kaale Bɛŋjamiŋ ndeŋ le cho wa ndu ikɛi kpeŋgei i pilɛi. Abidaŋ, po Kidionai yo cho puaa o yuŋgu Bɛŋjamiŋ ndo niŋ bolleŋ ni.
23 Wanaa nda poonyiaa diolaŋ o yuŋgu ndɔɔ niŋ le chɔuwo wa, a wa kpou kpou 35,400.
24 “Wanaa nda poonyiaa diolaŋ le chɔuwo o kunda Ifiluem ndo choo wa, a wa kpou kpou 108,100. Nda nɔ ni ma wa kunda yaa ndɔɔ le faŋaŋndo o dɔɔŋgɔɔ niŋ.
25 “Kaalaŋ la yaa la cho wa ba luaŋ ndo ni a kundala ndalaŋ kpɛ kpɛ, nduyɛ yuŋgu Daŋ ndo cho wa laŋ bolleŋ ni. Ahiɛɛsa, po Amisiadai yo cho puaa o yuŋgu Daŋ ndo niŋ bolleŋ ni.
26 Wanaa nda poonyiaa diolaŋ o yuŋgu ndɔɔ niŋ le chɔuwo wa, a cho kpou kpou 62,700.
27 Kaale Asia leŋ le cho wa ndu ikɛi kpeŋgei i pilɛ. Pakiɛɛ, po Okiluaŋ ndo cho puaa o yuŋgu Asia wo niŋ bolleŋ ni.
28 Wanaa nda poonyiaa diolaŋ o yuŋgu ndɔɔ niŋ le chɔuwo wa, a wa kpou kpou 41,500.
29 Kaale Nafitalii leŋ le cho wa ndu ikɛi kpeŋgei i pilɛi. Ahilua, po Ɛnaŋ ndo cho puaa o yuŋgu Nafitalii wo niŋ bolleŋ ni.
30 Wanaa nda poonyiaa diolaŋ o yuŋgu ndɔɔ niŋ le chɔuwo wa, a wa kpou kpou 53,400.
31 “Wanaa nda poonyiaa diolaŋ le chɔuwo o kunda Daŋ ndo choo wa, a wa kpou kpou 157,600. Nda nɔ ni ma mɛɛlu faŋaŋ o dɔɔŋgɔɔ niŋ, mɛɛ nda cho o kunda kayii yaa ve niŋ yɛ.”
32 Isɔluɛiyaa nda poonyiaa diolaŋ o yuŋgula ndala lebolta yɛ yɛlaŋ niŋnda cho haa ni. Wanaa nda poonyiaa diolaŋ o dɔɔŋgɔla yɛ yɛlaŋ niŋ le chɔuwo wa, a wa kpou kpou 603,550.
33 Kɛ a mɛɛ Chɛhowa ndoo dimul Muuse yɛ, a poonyiaa Livaiya diolaŋ latulu a Isɔluɛiyaa tuaa le.
34 Mi Isɔluɛiya tosa nyɛ o nyɛ Chɛhowa ndoo dimul Muuse le tosaa. Mɛɛ nuaa Isɔluɛiya wa o dɔɔŋgɔɔ niŋ a kundala kayii ndɛi yaa ve ni, nduyɛ nuaa koni ndaa faŋaŋ o dɔɔŋgɔɔ niŋ ni. Wana o wana a yuŋgu ndɔɔ vɛlɛ a yuŋgula ndala leboltaŋ.
