Nɔmbaa 33:1-56
33 Boondii Isɔluɛiya mal Ichipi ma wa kɔlaŋ a kundala ndalaŋ kpɛ kpɛ o nɛi chɔmaa Muuse nda Elɔŋ ndo bɛŋgu ve, dɔɔŋgɔla yɛ yɛla nda kei kila laŋ la cho laŋ ni.
2 Muuse wa poonyiaa dɔɔŋgɔla yɛ yɛla nda wa kilaa laŋ, a mɛɛ Chɛhowa ndoo dimul ndu yɛ. Nduyɛ dɔɔŋgɔla nda kila o nɛi tɛɛŋ ndaŋ la cho laŋ ni:
3 O paŋgii tasei niŋ malɔ 15, ma faŋaŋ Luamɛsi. Mɛɛ Isɔluɛiya chii Bɔŋaŋ Hiouwɔɔ Choo Wo biyɔɔ, o paale leŋ choo kpeekpei, ma mal a kɔl kɛndɛ bɛndoo le kɔŋndaŋ Ichipiaŋnda kpou o hɔl.
4 A boondii keŋ, Ichipiaŋnda wa puaa ndaa tasiaa Chɛhowa diu diu wa kumbɔɔ. Kanifuule, mi Chɛhowa tusi mɛlɛkaa ndaa nyɛpalaa choo.
5 Okoŋ mi Isɔluɛiya faŋaŋ Luamɛsi, ma kɔ kila dɔɔŋgɔɔ Sukɔti.
6 Mɛɛ nda chɛŋ Sukɔti, ma kɔ kila dɔɔŋgɔɔ Ɛtami, o pollo holnɔŋndo.
7 Okoŋ kɔɔli, ma faŋaŋ Ɛtami, ma muliŋ kɔlaŋ ba Pahahalɔti wo, Baal-sifɔŋ ikɛi. Ma kɔ kila dɔɔŋgɔɔ Mikidɔɔ lachi.
8 Mɛɛ nda faŋaŋ Pahahalɔti, ma kei o pee mɛŋma ihɛllo niŋ, ma kua o pollo niŋ. Nduyɛ ma kua le palɛi i yaa o pollo Ɛtami niŋ, ma kɔ kila dɔɔŋgɔɔ Malua.
9 Okoŋ kɔɔli, ma faŋaŋ Malua ma kua Ilɛm, ma kɔ kila dɔɔŋgɔɔ loŋ. Nduyɛ, peela pɔmbɔlaŋ la wa 12 o Ilɛm niŋ a wauwaŋ 70.
10 Mɛɛ nda faŋaŋ Ilɛm, ma kɔ kila dɔɔŋgɔɔ o Pee Siaŋa Mɛŋma Ihɛllo ikɛi.
11 Mɛɛ nda faŋaŋ o Pee Siaŋa Mɛŋma Ihɛllo, ma kɔ kila dɔɔŋgɔɔ o pollo niŋ Siŋ.
12 Okoŋ kɔɔli, ma faŋaŋ o pollo niŋ Siŋ, ma kɔ kila dɔɔŋgɔɔ Dɔfika.
13 Mɛɛ nda faŋaŋ Dɔfika, ma kɔ kila dɔɔŋgɔɔ Alusi.
14 Okoŋ kɔɔli, ma faŋaŋ Alusi ma kɔ kila dɔɔŋgɔɔ Luɛfidim. Nduyɛ mamɛŋ o mamɛŋ ve loŋ le mi waŋnda kol te.
15 Mɛɛ nda faŋaŋ Luɛfidim, ma kɔ kila dɔɔŋgɔɔ o pollo niŋ Sanai.
16 Ma faŋaŋ o pollo niŋ Sanai, ma kɔ kila dɔɔŋgɔɔ Kibilɔti-hataava.
17 Faŋaŋndo Kibilɔti-hataava, ma kɔ kila dɔɔŋgɔɔ Hasɛlɔti.
18 Ma faŋaŋ vɛlɛ Hasɛlɔti, ma kɔ kila dɔɔŋgɔɔ Luitima.
19 Okoŋ kɔɔli, ma faŋaŋ Luitima ma kɔ kila dɔɔŋgɔɔ Luimɔŋ-pɛluɛsi.
20 Mɛɛ nda faŋaŋ Luimɔŋ-pɛluɛsi, ma kɔ kila dɔɔŋgɔɔ Libina.
21 Faŋaŋndo Libina, ma kɔ kila dɔɔŋgɔɔ Luisaa.
22 Okoŋ ma faŋaŋ Luisaa, ma kɔ kila dɔɔŋgɔɔ Kɛhɛlataa.
23 Faŋaŋndo Kɛhɛlataa, ma kɔ kila dɔɔŋgɔɔ o Pembei Siɛfaa.
24 Okoŋ kɔɔli, mɛɛ nda chɛŋ o Pembei Siɛfaa, ma kɔ kila dɔɔŋgɔɔ Haluada.
25 Okoŋ ma faŋaŋ Haluada, ma kɔ kila dɔɔŋgɔɔ Makihɛlɔti.
26 Ma faŋaŋ vɛlɛ Makihɛlɔti, ma kɔ kila dɔɔŋgɔɔ Tahati.
27 Okoŋ kɔɔli, ma faŋaŋ Tahati, ma kɔ kila dɔɔŋgɔɔ Tɛlua.
28 Mɛɛ nda faŋaŋ Tɛlua, ma kɔ kila dɔɔŋgɔɔ Mitika.
29 Faŋaŋndo Mitika, ma kɔ kila dɔɔŋgɔɔ Hasimonaa.
30 Mɛɛ nda faŋaŋ Hasimonaa, ma kɔ kila dɔɔŋgɔɔ Mosɛluaa.
31 Mɛɛ nda faŋaŋ Mosɛluaa, ma kɔ kila dɔɔŋgɔɔ Bɛni-chaakaŋ.
32 Mɛɛ nda faŋaŋ Bɛni-chaakaŋ, ma kɔ kila dɔɔŋgɔɔ Hɔɔ-hakidikadi.
33 Okoŋ kɔɔli ma faŋaŋ Hɔɔ-hakidikadi, ma kɔ kila dɔɔŋgɔɔ Chotibata.
34 Faŋaŋndo Chotibata, ma kɔ kila dɔɔŋgɔɔ Abilona.
35 Mɛɛ nda faŋaŋ Abilona, ma kɔ kila dɔɔŋgɔɔ Ɛsiɔŋ-kɛbɛ.
36 Okoŋ kɔɔli, ma faŋaŋ Ɛsiɔŋ-kɛbɛ, ma kɔ kila dɔɔŋgɔɔ o pollo niŋ Siŋ. Koŋ cho ni, Kedɛsi.
37 Okoŋ ma faŋaŋ Kedɛsi, ma kɔ kila dɔɔŋgɔɔ o Pembii Hɔli Ve, o pɛŋgula lɛŋnde Idɔm ndeŋ.
38 Okoŋ, mi Elɔŋ wana soliaa lasalaa hel o Pembii Hɔli Ve choo a mɛɛ Chɛhowa dimi yɛ. Nduyɛ mbo kɔ wu loŋ o wɔsi 40 niŋ chɔŋ a teleŋ Isɔluɛiya fula o lɛŋnde Ichipi leŋ niŋndo. Paale taseleŋ o paŋgii ŋuɛɛnuei niŋ hei yɔŋnuŋ ni.
39 Elɔŋ wa wɔsilaŋ 123 mbo wu o Pembii Hɔli Ve choo.
40 A teleŋ koŋ, mi Eluadi, masa Kenanaitiiya, o wa ichali Nɛkɛbi* o lɛŋnde Kenaŋ ndeŋ niŋndo tuɛi maa Isɔluɛiya cho hunɔɔ.
41 Mɛɛ teleŋ tiŋ hiou, ma faŋaŋ o Pembii Hɔli Ve, ma kɔ kila dɔɔŋgɔɔ Salimona.
42 Okoŋ kɔɔli, ma faŋaŋ Salimona, ma kɔ kila dɔɔŋgɔɔ Punɔŋ.
43 Mɛɛ nda faŋaŋ Punɔŋ, ma kɔ kila dɔɔŋgɔɔ Obɔti.
44 Faŋaŋndo Obɔti, ma kɔ kila dɔɔŋgɔɔ Iya-baluim, o pɛŋgulaŋ a lɛŋnde Mowaabi leŋ.
45 Okoŋ ma faŋaŋ Iyim, ma kɔ kila dɔɔŋgɔɔ Dibɔŋ-kaadi.
46 Mɛɛ nda faŋaŋ Dibɔŋ-kaadi, ma kɔ kila dɔɔŋgɔɔ Alimɔŋ-dibilatayim.
47 Okoŋ ma faŋaŋ Alimɔŋ-dibilatayim, ma kɔ kila dɔɔŋgɔɔ o pemboŋ Abaluim, Nibɔ ikɛi.
48 O mɛɛlulaŋ kpɔŋ, ma kɔ kila dɔɔŋgɔɔ o lɛŋnde dɛŋgbɛleŋ Mowaabi, o Chɔɔdaŋ ndaŋ Chɛluiko ikɛi.
49 Ma hiau lachi a challe o Chɔɔdaŋ ndaŋ holnɔŋndo o dɛŋgbɔɔ niŋ Mowaabi, chɔŋ Bɛti-chɛsimɔti haaa Ebɛl-sitim.
50 Mi Chɛhowa suaa o Muuse lo naa nda wa o dɛŋgbɔɔ niŋ Mowaabi, o Pioo Chɔɔdaŋ, Chɛluiko ikɛiya. Mbo dimul ndu aa:
51 “Dimul Isɔluɛiya aa, ‘La cho hunɔɔ Chɔɔdaŋ ndaŋ taŋɔɔ le kɔlaŋ o lɛŋnde Kenaŋ ndeŋ niŋ.
52 La nɔ mi la tou wanaa cho nya lachi o lɛŋndeŋ niŋnda kpou, nduyɛ mi la tɛɛmbuu mɛlɛkaa ndaa nda toosiaa a poutaŋ vɛlɛ a chiliŋndoŋ nda kpou. La nɔ mi la tɛɛmbuu fondaŋnda filioŋnda nda toosiaa le sooluulaŋ ndaŋ kpou.
53 La cho lɛŋnde leŋ biyɔɔ, nduyɛ mi la chal loŋ. Kanifuule, I cho nya leŋ ke mi le wa le nya.
54 La nɔ mi la wuu kooŋ le yuŋgulaŋ lɛŋndeŋ piɔuwo mi le wa le nda. Te waŋnda wa pɛ tau o yuŋgoo niŋ, la nɔ mi la chɔɔlu nda lɛŋndeŋ. Kɛ te waŋnda ve a bɔɔ o yuŋgoo niŋ te, la faŋa lɛŋnde ndaleŋ lechoo. Naa kuei cho delɔɔ le yuŋgu o yuŋgu wa, loŋ o nɔ ni mbo sɔla lɛŋndeŋ. Wana o wana o buŋgɛi kaale finya ndɔ leŋ choo o nɔ le nyɛm kiɔɔŋ sɔlaa ni.
55 “‘Kɛ nduyɛ, te la tuu wanaa cho nya lachi o lɛŋndeŋ niŋnda le, a cho lo nya tɛɛŋ nda wa niŋ ko mɛɛ bilteŋ le del nuaa waŋndo o hɔl, nduyɛ mi yɔɔŋ wa ndu o luŋgbuei yɛ. A cho nya wa nyɛpalaa handɔɔ choo, naa nya cho wa ichali o lɛŋnde leŋ niŋnda.
56 Nduyɛ nyɛpalaa yaa kɛɛsiaa le nda tusioo choo wo, ndu ya cho nya tusi choo ni.’”
Tɛɛsiaalaŋ
^ Ɔɔ ““Lɛŋndeŋ Ba Tou Wo.”.”
