Nɔmbaa 7:1-89
-
Salalaŋ le tɛndiiyo yɔŋgoo o Mɛlɛka lo (1-89)
7 Paale Muuse chii tɛndiiyo simi leŋ, mbo fasaŋiaa ndu chuɛiyaŋ le ndu malɔɔ Mɛlɛka o ba latulu a nyɛm wa leniŋ ndoŋ, bandu luamaa lasalaa, a nyɛm ndɔŋ laandoŋ kpou. Mɛɛ Muuse chii hei tosa,
2 mi waŋ banaa Isɔluɛi, a wa yuŋgula leboltaŋ nda soli salalaŋ. Mi waŋ banaa haa, a chua chilaŋ le waŋnda diolaŋ poonyiaa wa
3 huŋ a salala ndalaŋ Chɛhowa lachi. Ma huŋ a nyɛla viliaa lawolɔɔ laŋ la ŋɔmpum la kumbaa mulaa, a nauwaa towaa 12. Waŋ banaa a ŋiɔɔŋ nyɛ viliaa lawolɔɔ o pilɛ, nduyɛ wana o wana nauwo o pilɛ. Ma huŋ a muŋ o tɛndii bɔŋaŋndo lachi.
4 Mi Chɛhowa dimul Muuse aa:
5 “Bii nda nyɛm muŋ o ba ma ke Livaiya. Ke wana o wana mɛɛ o hauba le wali ndɔɔ yɛ, kanifuule muŋ nda cho soliŋ kpeku ni le wallo tosaa o tɛndii bɔŋaŋndo.”
6 Okoŋ mi Muuse bii nyɛla viliaa lawolɔɔ la laŋ a nauwa, mbo ke Livaiya.
7 Mbo ke puaa Kɛɛsiɔŋ nda nyɛla viliaa lawolɔɔ laŋ la tiɔɔŋ a nauwaa towaa a hiɔɔlu, a mɛɛ wali ndaa wa yɛ.
8 Mbo ke puaa Meluali wa nyɛla viliaa lawolɔɔ laŋ la hiɔɔlu a nauwaa towaa a ŋɔmaa, a mɛɛ wali ndaa wa yɛ. Nduyɛ, Elɔŋ wana soliaa lasalaa, Itamaa po ndɔ o ba bɛŋgu nda cho wa walta ndalaŋ tosaa ni.
9 Kɛ, o ke puaa Kohati wa nyɛ o nyɛ le, kanifuule o fondaŋ diandaa nda wa walta ndalaŋ tosaa ni. Nduyɛ, o lachoŋgu ndaa kua a nyɛm diandaŋ ni.
10 O paale nda wa bandu luamaa lasalaa chuɛiyaŋ fasaŋiaa a ndu malɔɔ Mɛlɛka o ba leŋ choo, mi waŋ banaa huŋ a salala ndalaŋ. Mɛɛ nda hiŋ a laŋ o bandu luamaa lasalaa hɔlndɔ,
11 mi Chɛhowa dimul Muuse aa: “Lepaa o lepaa, wana banaa o pilɛ nɔ mbo soli sala ndɔɔ le bandu luamaa lasalaa malɔɔ ya Mɛlɛka o ba.”
12 O paale tase leŋ choo, mi Naasiɔŋ, po Aminadabi wo, fulaa o kaale Chuda leŋ choo huŋ a sala ndɔɔ.
13 Sala o hiŋ ndo wa hoo ni: Nyɛi laandii nda toosiaa a kanii humbueiyo lusullo siɛkɛlloŋ 130,* hɛŋgɛi nda toosiaa a kanii humbueiyo lusullo siɛkɛlloŋ 70, a mɛɛ ndaa tuu siɛkɛlloŋ o fondaŋ diandaa yɛ, ŋ piaa cha a kpeyaŋ kɛndɛ kɛndɛ nda muuliaŋ a chuɛiyaŋ ndo le sala ŋkullo.
14 Taala ŋkooliiyo lusullo siɛkɛlloŋ 10 a nyɛm chuŋ kɛndɔŋ ŋ piaa cha leniŋ.
15 Nau piaandu fɔŋndɔɔ o pilɛ, saa piaandoo, a saa fɔŋndɔ chii wɔsioo o pilɛ wo le sala luamaa.
16 Chuiŋ fɔŋndɔɔ o pilɛ le sala hakioo.
17 Nauwa a ŋiɔɔŋ, saa piaanduaa a ŋuɛɛnu, chuiŋaa piaanduaa a ŋuɛɛnu, a saa fɔŋnduaa piaanduaa a ŋuɛɛnu a chii wɔsioo o pilɛ wa le sala kɔl nyuloo. Nyɛm Naasiɔŋ, po Aminadabi wo yɔŋgu le salaa woŋ wa muŋ ni.
18 O paale diiŋ ndɔ leŋ choo, mi Nɛtanɛɛ, po Suwa wo, wana banaa o kaale Isaka leŋ choo huŋ a sala ndɔɔ.
19 Sala o hiŋ ndo wa hoo ni: Nyɛi laandii nda toosiaa a kanii humbueiyo lusullo siɛkɛlloŋ 130, hɛŋgɛi nda toosiaa a kanii humbueiyo lusullo siɛkɛlloŋ 70, a mɛɛ ndaa tuu siɛkɛlloŋ o fondaŋ diandaa yɛ, ŋ piaa cha a kpeyaŋ kɛndɛ kɛndɛ nda muuliaŋ a chuɛiyaŋ ndo le sala ŋkullo.
20 Taala ŋkooliiyo lusullo siɛkɛlloŋ 10 a nyɛm chuŋ kɛndɔŋ ŋ piaa cha leniŋ.
21 Nau piaandu fɔŋndɔɔ o pilɛ, saa piaandoo, a saa fɔŋndɔ chii wɔsioo o pilɛ wo le sala luamaa.
22 Chuiŋ fɔŋndɔɔ o pilɛ le sala hakioo.
23 Nauwa a ŋiɔɔŋ, saa piaanduaa a ŋuɛɛnu, chuiŋaa piaanduaa a ŋuɛɛnu, a saa fɔŋnduaa piaanduaa a ŋuɛɛnu a chii wɔsioo o pilɛ wa le sala kɔl nyuloo. Nyɛm Nɛtanɛɛ, po Suwa wo yɔŋgu le salaa woŋ wa muŋ ni.
24 O paale yaa ndɔ leŋ choo, mi Ɛliaabi, po Hɛlɔŋ ndo, wana banaa le puaa Sɛbulɔŋ nda huŋ a sala ndɔɔ.
25 Sala o hiŋ ndo wa hoo ni: Nyɛi laandii nda toosiaa a kanii humbueiyo lusullo siɛkɛlloŋ 130, hɛŋgɛi nda toosiaa a kanii humbueiyo lusullo siɛkɛlloŋ 70, a mɛɛ ndaa tuu siɛkɛlloŋ o fondaŋ diandaa yɛ, ŋ piaa cha a kpeyaŋ kɛndɛ kɛndɛ nda muuliaŋ a chuɛiyaŋ ndo le sala ŋkullo.
26 Taala ŋkooliiyo lusullo siɛkɛlloŋ 10 a nyɛm chuŋ kɛndɔŋ ŋ piaa cha leniŋ.
27 Nau piaandu fɔŋndɔɔ o pilɛ, saa piaandoo, a saa fɔŋndɔ chii wɔsioo o pilɛ wo le sala luamaa.
28 Chuiŋ fɔŋndɔɔ o pilɛ le sala hakioo.
29 Nauwa a ŋiɔɔŋ, saa piaanduaa a ŋuɛɛnu, chuiŋaa piaanduaa a ŋuɛɛnu, a saa fɔŋnduaa piaanduaa a ŋuɛɛnu a chii wɔsioo o pilɛ wa le sala kɔl nyuloo. Nyɛm Ɛliaabi, po Hɛlɔŋ ndo yɔŋgu le salaa woŋ wa muŋ ni.
30 O paale hiɔɔlu leŋ choo, mi Ɛlisɔɔ, po Siɔdiɔɔ wo, wana banaa le puaa Lubɛŋ nda huŋ a sala ndɔɔ.
31 Sala o hiŋ ndo wa hoo ni: Nyɛi laandii nda toosiaa a kanii humbueiyo lusullo siɛkɛlloŋ 130, hɛŋgɛi nda toosiaa a kanii humbueiyo lusullo siɛkɛlloŋ 70, a mɛɛ ndaa tuu siɛkɛlloŋ o fondaŋ diandaa yɛ, ŋ piaa cha a kpeyaŋ kɛndɛ kɛndɛ nda muuliaŋ a chuɛiyaŋ ndo le sala ŋkullo.
32 Taala ŋkooliiyo lusullo siɛkɛlloŋ 10 a nyɛm chuŋ kɛndɔŋ ŋ piaa cha leniŋ.
33 Nau piaandu fɔŋndɔɔ o pilɛ, saa piaandoo, a saa fɔŋndɔ chii wɔsioo o pilɛ wo le sala luamaa.
34 Chuiŋ fɔŋndɔɔ o pilɛ le sala hakioo.
35 Nauwa a ŋiɔɔŋ, saa piaanduaa a ŋuɛɛnu, chuiŋaa piaanduaa a ŋuɛɛnu, a saa fɔŋnduaa piaanduaa a ŋuɛɛnu a chii wɔsioo o pilɛ wa le sala kɔl nyuloo. Nyɛm Ɛlisɔɔ, po Siɔdiɔɔ wo yɔŋgu le salaa woŋ wa muŋ ni.
36 O paale ŋuɛɛnu leŋ choo, mi Siɛlumiɛɛ, po Suluisiadai yo, wana banaa le puaa Simiɔŋ nda huŋ a sala ndɔɔ.
37 Sala o hiŋ ndo wa hoo ni: Nyɛi laandii nda toosiaa a kanii humbueiyo lusullo siɛkɛlloŋ 130, hɛŋgɛi nda toosiaa a kanii humbueiyo lusullo siɛkɛlloŋ 70, a mɛɛ ndaa tuu siɛkɛlloŋ o fondaŋ diandaa yɛ, ŋ piaa cha a kpeyaŋ kɛndɛ kɛndɛ nda muuliaŋ a chuɛiyaŋ ndo le sala ŋkullo.
38 Taala ŋkooliiyo lusullo siɛkɛlloŋ 10 a nyɛm chuŋ kɛndɔŋ ŋ piaa cha leniŋ.
39 Nau piaandu fɔŋndɔɔ o pilɛ, saa piaandoo, a saa fɔŋndɔ chii wɔsioo o pilɛ wo le sala luamaa.
40 Chuiŋ fɔŋndɔɔ o pilɛ le sala hakioo.
41 Nauwa a ŋiɔɔŋ, saa piaanduaa a ŋuɛɛnu, chuiŋaa piaanduaa a ŋuɛɛnu, a saa fɔŋnduaa piaanduaa a ŋuɛɛnu a chii wɔsioo o pilɛ wa le sala kɔl nyuloo. Nyɛm Siɛlumiɛɛ, po Suluisiadai yo yɔŋgu le salaa woŋ wa muŋ ni.
42 O paale ŋɔmpum ndeŋ choo, mi Iliaasafi, po Duɛɛ wo, wana banaa le puaa Kaadi wa huŋ a sala ndɔɔ.
43 Sala o hiŋ ndo wa hoo ni: Nyɛi laandii nda toosiaa a kanii humbueiyo lusullo siɛkɛlloŋ 130, hɛŋgɛi nda toosiaa a kanii humbueiyo lusullo siɛkɛlloŋ 70, a mɛɛ ndaa tuu siɛkɛlloŋ o fondaŋ diandaa yɛ, ŋ piaa cha a kpeyaŋ kɛndɛ kɛndɛ nda muuliaŋ a chuɛiyaŋ ndo le sala ŋkullo.
44 Taala ŋkooliiyo lusullo siɛkɛlloŋ 10 a nyɛm chuŋ kɛndɔŋ ŋ piaa cha leniŋ.
45 Nau piaandu fɔŋndɔɔ o pilɛ, saa piaandoo, a saa fɔŋndɔ chii wɔsioo o pilɛ wo le sala luamaa.
46 Chuiŋ fɔŋndɔɔ o pilɛ le sala hakioo.
47 Nauwa a ŋiɔɔŋ, saa piaanduaa a ŋuɛɛnu, chuiŋaa piaanduaa a ŋuɛɛnu, a saa fɔŋnduaa piaanduaa a ŋuɛɛnu a chii wɔsioo o pilɛ wa le sala kɔl nyuloo. Nyɛm Iliaasafi, po Duɛɛ wo yɔŋgu le salaa woŋ wa muŋ ni.
48 O paale ŋɔmmɛu leŋ choo, mi Ɛlisiama, po Amihudi wo, wana banaa le puaa Ifiluem nda huŋ a sala ndɔɔ.
49 Sala o hiŋ ndo wa hoo ni: Nyɛi laandii nda toosiaa a kanii humbueiyo lusullo siɛkɛlloŋ 130, hɛŋgɛi nda toosiaa a kanii humbueiyo lusullo siɛkɛlloŋ 70, a mɛɛ ndaa tuu siɛkɛlloŋ o fondaŋ diandaa yɛ, ŋ piaa cha a kpeyaŋ kɛndɛ kɛndɛ nda muuliaŋ a chuɛiyaŋ ndo le sala ŋkullo.
50 Taala ŋkooliiyo lusullo siɛkɛlloŋ 10 a nyɛm chuŋ kɛndɔŋ ŋ piaa cha leniŋ.
51 Nau piaandu fɔŋndɔɔ o pilɛ, saa piaandoo, a saa fɔŋndɔ chii wɔsioo o pilɛ wo le sala luamaa.
52 Chuiŋ fɔŋndɔɔ o pilɛ le sala hakioo.
53 Nauwa a ŋiɔɔŋ, saa piaanduaa a ŋuɛɛnu, chuiŋaa piaanduaa a ŋuɛɛnu, a saa fɔŋnduaa piaanduaa a ŋuɛɛnu a chii wɔsioo o pilɛ wa le sala kɔl nyuloo. Nyɛm Ɛlisiama, po Amihudi wo yɔŋgu le salaa woŋ wa muŋ ni.
54 O paale ŋɔmaa leŋ choo, mi Kameliɛɛ, po Pɛdaasɔ wo, wana banaa le puaa Manaasɛ wa huŋ a sala ndɔɔ.
55 Sala o hiŋ ndo wa hoo ni: Nyɛi laandii nda toosiaa a kanii humbueiyo lusullo siɛkɛlloŋ 130, hɛŋgɛi nda toosiaa a kanii humbueiyo lusullo siɛkɛlloŋ 70, a mɛɛ ndaa tuu siɛkɛlloŋ o fondaŋ diandaa yɛ, ŋ piaa cha a kpeyaŋ kɛndɛ kɛndɛ nda muuliaŋ a chuɛiyaŋ ndo le sala ŋkullo.
56 Taala ŋkooliiyo lusullo siɛkɛlloŋ 10 a nyɛm chuŋ kɛndɔŋ ŋ piaa cha leniŋ.
57 Nau piaandu fɔŋndɔɔ o pilɛ, saa piaandoo, a saa fɔŋndɔ chii wɔsioo o pilɛ wo le sala luamaa.
58 Chuiŋ fɔŋndɔɔ o pilɛ le sala hakioo.
59 Nauwa a ŋiɔɔŋ, saa piaanduaa a ŋuɛɛnu, chuiŋaa piaanduaa a ŋuɛɛnu, a saa fɔŋnduaa piaanduaa a ŋuɛɛnu a chii wɔsioo o pilɛ wa le sala kɔl nyuloo. Nyɛm Kameliɛɛ, po Pɛdaasɔ wo yɔŋgu le salaa woŋ wa muŋ ni.
60 O paale ŋɔmahiɔɔlu leŋ choo, mi Abidaŋ, po Kidionai yo, wana banaa le puaa Bɛŋjamiŋ nda huŋ a sala ndɔɔ.
61 Sala o hiŋ ndo wa hoo ni: Nyɛi laandii nda toosiaa a kanii humbueiyo lusullo siɛkɛlloŋ 130, hɛŋgɛi nda toosiaa a kanii humbueiyo lusullo siɛkɛlloŋ 70, a mɛɛ ndaa tuu siɛkɛlloŋ o fondaŋ diandaa yɛ, ŋ piaa cha a kpeyaŋ kɛndɛ kɛndɛ nda muuliaŋ a chuɛiyaŋ ndo le sala ŋkullo.
62 Taala ŋkooliiyo lusullo siɛkɛlloŋ 10 a nyɛm chuŋ kɛndɔŋ ŋ piaa cha leniŋ.
63 Nau piaandu fɔŋndɔɔ o pilɛ, saa piaandoo, a saa fɔŋndɔ chii wɔsioo o pilɛ wo le sala luamaa.
64 chuiŋ fɔŋndɔɔ o pilɛ le sala hakioo.
65 Nauwa a ŋiɔɔŋ, saa piaanduaa a ŋuɛɛnu, chuiŋaa piaanduaa a ŋuɛɛnu, a saa fɔŋnduaa piaanduaa a ŋuɛɛnu a chii wɔsioo o pilɛ wa le sala kɔl nyuloo. Nyɛm Abidaŋ, po Kidionai yo yɔŋgu le salaa woŋ wa muŋ ni.
66 O paale tɔ leŋ choo, mi Ahiɛɛsa, po Amisiadai yo, wana banaa le puaa Daŋ nda huŋ a sala ndɔɔ.
67 Sala o hiŋ ndo wa hoo ni: Nyɛi laandii nda toosiaa a kanii humbueiyo lusullo siɛkɛlloŋ 130, hɛŋgɛi nda toosiaa a kanii humbueiyo lusullo siɛkɛlloŋ 70, a mɛɛ ndaa tuu siɛkɛlloŋ o fondaŋ diandaa yɛ, ŋ piaa cha a kpeyaŋ kɛndɛ kɛndɛ nda muuliaŋ a chuɛiyaŋ ndo le sala ŋkullo.
68 Taala ŋkooliiyo lusullo siɛkɛlloŋ 10 a nyɛm chuŋ kɛndɔŋ ŋ piaa cha leniŋ.
69 Nau piaandu fɔŋndɔɔ o pilɛ, saa piaandoo, a saa fɔŋndɔ chii wɔsioo o pilɛ wo le sala luamaa.
70 Chuiŋ fɔŋndɔɔ o pilɛ le sala hakioo.
71 Nauwa a ŋiɔɔŋ, saa piaanduaa a ŋuɛɛnu, chuiŋaa piaanduaa a ŋuɛɛnu, a saa fɔŋnduaa piaanduaa a ŋuɛɛnu a chii wɔsioo o pilɛ wa le sala kɔl nyuloo. Nyɛm Ahiɛɛsa, po Amisiadai yo yɔŋgu le salaa woŋ wa muŋ ni.
72 O paale 11 leŋ choo, mi Pakiɛɛ, po Okiluaŋ ndo, wana banaa le puaa Asia wa huŋ a sala ndɔɔ.
73 Sala o hiŋ ndo wa hoo ni: Nyɛi laandii nda toosiaa a kanii humbueiyo lusullo siɛkɛlloŋ 130, hɛŋgɛi nda toosiaa a kanii humbueiyo lusullo siɛkɛlloŋ 70, a mɛɛ ndaa tuu siɛkɛlloŋ o fondaŋ diandaa yɛ, ŋ piaa cha a kpeyaŋ kɛndɛ kɛndɛ nda muuliaŋ a chuɛiyaŋ ndo le sala ŋkullo.
74 Taala ŋkooliiyo lusullo siɛkɛlloŋ 10 a nyɛm chuŋ kɛndɔŋ ŋ piaa cha leniŋ.
75 Nau piaandu fɔŋndɔɔ o pilɛ, saa piaandoo, a saa fɔŋndɔ chii wɔsioo o pilɛ wo le sala luamaa.
76 Chuiŋ fɔŋndɔɔ o pilɛ le sala hakioo.
77 Nauwa a ŋiɔɔŋ, saa piaanduaa a ŋuɛɛnu, chuiŋaa piaanduaa a ŋuɛɛnu, a saa fɔŋnduaa piaanduaa a ŋuɛɛnu a chii wɔsioo o pilɛ wa le sala kɔl nyuloo. Nyɛm Pakiɛɛ, po Okiluaŋ ndo yɔŋgu le salaa woŋ wa muŋ ni.
78 O paale 12 leŋ choo, mi Ahilua, po Ɛnaŋ ndo, wana banaa le puaa Nafitalii wa huŋ a sala ndɔɔ.
79 Sala o hiŋ ndo wa hoo ni: Nyɛi laandii nda toosiaa a kanii humbueiyo lusullo siɛkɛlloŋ 130, hɛŋgɛi nda toosiaa a kanii humbueiyo lusullo siɛkɛlloŋ 70, a mɛɛ ndaa tuu siɛkɛlloŋ o fondaŋ diandaa yɛ, ŋ piaa cha a kpeyaŋ kɛndɛ kɛndɛ nda muuliaŋ a chuɛiyaŋ ndo le sala ŋkullo.
80 Taala ŋkooliiyo lusullo siɛkɛlloŋ 10 a nyɛm chuŋ kɛndɔŋ ŋ piaa cha leniŋ.
81 Nau piaandu fɔŋndɔɔ o pilɛ, saa piaandoo, a saa fɔŋndɔ chii wɔsioo o pilɛ wo le sala luamaa.
82 Chuiŋ fɔŋndɔɔ o pilɛ le sala hakioo.
83 Nauwa a ŋiɔɔŋ, saa piaanduaa a ŋuɛɛnu, chuiŋaa piaanduaa a ŋuɛɛnu, a saa fɔŋnduaa piaanduaa a ŋuɛɛnu a chii wɔsioo o pilɛ wa le sala kɔl nyuloo. Nyɛm Ahilua, po Ɛnaŋ ndo yɔŋgu le salaa woŋ wa muŋ ni.
84 Teleŋ nda wa bandu luamaa lasalaa chuɛiyaŋ fasaŋiaa a ndu malɔɔ Mɛlɛka o ba wo, nyɛm waŋ banaa Isɔluɛiya yɔŋgu woŋ wa muŋ ni: Nyɛm laanduŋ nda toosiaa a kanii humbuei yoŋ 12, hɛŋgɛila nda toosiaa a kanii humbuei laŋ 12, taalala ŋkooliilaŋ 12.
85 Nyɛi laandii kɛ kɛ wa lusullo siɛkɛlloŋ 130, nduyɛ hɛŋgɛi kɛ kɛ wa lusullo siɛkɛlloŋ 70. Nyɛm laanduŋ nda toosiaa a kanii humbuei yoŋ kpou, lusul ndɔɔ wa siɛkɛlloŋ 2,400, a mɛɛ ndaa tuu nyɔɔŋ o fondaŋ diandaa yɛ.
86 Taalala 12 nda nyɛm chuŋ kɛndɔŋ wa ŋ piaa cha leniŋ ndaŋ, o kɛ kɛ wa lusullo siɛkɛlloŋ 10, a mɛɛ ndaa tuu nyɔɔŋ o fondaŋ diandaa yɛ. Taalala ŋkooliilaŋ ndaŋ kpou, lusul ndɔɔ wa siɛkɛlloŋ 120.
87 Chɔluaa nda yɔŋgu le sala luamaa wa kpou cho haa ni: Nauwa 12, saa 12, saa piaanduaa fɔŋnduaa 12. O kɛ kɛ ndoo chii niŋ wɔsioo o pilɛ, latulu a salala ndala ŋkultaŋ. Nduyɛ, ma yɔŋgu vɛlɛ chuiŋaa fɔŋnduaa 12 le sala hakioo.
88 Chɔluaa nda yɔŋgu le sala kɔl nyuloo wa kpou cho haa ni: Nauwa 24, saa 60, chuiŋaa piaanduaa 60, a saa piaanduaa fɔŋnduaa 60. O kɛ kɛ ndoo chii niŋ wɔsioo o pilɛ. Mɛɛ nda chii bandu luamaa lasalaa chuɛiyaŋ fasaŋiaa, salala nda yɔŋgu le ndu malɔɔ Mɛlɛka o ba laŋ la cho laŋ ni.
89 Teleŋ o teleŋ Muuse ndoo luɛi pɛ o tɛndii bɔŋaŋndo niŋ le suɛi naa Mɛlɛka chua, mi ndoo tuei Mɛlɛka suɛi naa ndu chua o kumbu Kɔfu Kpemaa choo chɛlɔbiiyaa ŋiɔɔŋnda tɛɛŋ.
Tɛɛsiaalaŋ
^ Tofa Tɛɛsiaa B14.