Nɛhimaya 10:1-39
10 Wanaa pila sooŋ o yau nda poonyiaa wo choo wa cho haa ni:
Nɛhimaya masa ibuŋgaa,* po Hakalaya wo,Sɛdikaya,
2 Sɛluiya, Asaluaya, Chɛluimaya,
3 Paasiɔɔ, Amaluiya, Malikicha,
4 Hatusi, Siɛbanaya, Maluki,
5 Haluim, Meluimɔɔ, Obadaya,
6 Daaniɛɛ, Kɛnɛtoŋ, Baluki,
7 Mɛsiulam, Abaicha, Michamiŋ,
8 Maasaya, Bilikai, a Siɛmaya. Puaa haa kpou wa wanaa soliaa lasalaa ni.
9 Puaa Livaiya wa haa ni: Chɛsuaa po Asanaya wo, Binuaa po Hɛnadadi wo, Kadimiɛɛ,
10 a puaapiliaa ndaa Siɛbanaya, Hodaya, Kelita, Pɛlaya, Henaŋ,
11 Mikaa, Luihɔbi, Hasiabaya,
12 Sakɔɔ, Siɛluɛbaya, Siɛbanaya,
13 Hodaya, Bani, a Bɛninu.
14 Wanaa wa waŋnda bolle wa cho haa ni: Palɔsi, Pahati-mowabi, Ɛlam, Satu, Bani,
15 Buni, Asikaadi, Bebai,
16 Adonicha, Bikivai, Adiŋ
17 Eta, Hɛsikaya, Asɔ,
18 Hodaya, Hasium, Bɛsai,
19 Haluifi, Anatɔti, Nebai,
20 Makipiaasi, Mɛsiulam, Hisiɛɛ,
21 Mɛsiɛsabɛl, Sadɔki, Chaduaa,
22 Pɛlataya, Henaŋ, Anaaya,
23 Hoosiya, Hananaya, Hasiubi,
24 Halohɛsi, Pilihaa, Siobɛki,
25 Luɛhum, Hasiabina, Maasɛya,
26 Ahicha, Henaŋ, Enaŋ,
27 Maluki, Haluim, a Bana.
28 Wanaa tuaa cho haa ni: wanaa soliaa lasalaa, Livaiya, wanaa manda diola kpakilaŋ nda, wanaa soliaa ŋchonduaa, wanaa tosa wallo o chiɛi Mɛlɛkaa wa,* a wanaa piɔuwaŋ a wanaa cho o lɛŋii keŋ niŋ le Sawala Mɛlɛka tonyaa tolɔɔ kɔɔli wa, latulu a laandaa ndaa, puaa ndaa, chuaa ndaa laanduaa, a wana o wana nɔ kɔl kaloo mbo bii sɔɔŋ bila.
29 Ma chɛl buŋgɛi puaapiliaa ndaa a laŋgbaa ndaa kalla chua ve, nduyɛ ma mɛnaŋ le tosaa nyɛ Sawala Mɛlɛka tonyaa la dimi wo, sawala ndu Mɛlɛka tonyaa ke buɛi ndɔɔ Muuse laŋ, maa a cho wa yekeŋ le tosaa nyɛ o nyɛ Chɛhowa, Masanɔ naa dimi wo.
30 Ŋ cho wanaa cho o lɛŋndeŋ ndeŋ niŋnda ke chuauwaa naa laanduaa le, nduyɛ ŋ cho chuauwaa ndaa laanduaa chua le puaa naa le.
31 Te wanaa cho o lɛŋndeŋ niŋnda hiŋ pɛ a wɔŋgula ndalaŋ ɔɔ nyɛ o nyɛ pisiaa o Paale Pɛŋgiaaleŋ choo, ŋ cho nyɛ o nyɛ piondɔɔ o Paale Pɛŋgiaaleŋ choo ɔɔ paale diandaa le cheleŋ choo le. O wɔsi ŋɔmmɛu wo niŋ, ŋ cho yondola naalaŋ malɔɔ mi la pɛŋgi, nduyɛ miŋ mal waŋnda le kueela nda bii naa o laba laŋ.
32 Miŋ chua vɛlɛ buŋgɛi i kala kala maa iwɔsi o iwɔsi, wana o wana cho siɛkɛlle tɛndaa leyaa* kpeŋgei i pilɛ yɔŋgu le walta cho tosaŋndo o chiɛi Mɛlɛka naa laŋ,
33 beedii* cho wa o yɔŋgaŋ o Mɛlɛka lo wo, salala ŋkulta soliŋ teleŋ o teleŋ ndaŋ, salala luamaala soliŋ teleŋ o teleŋ o Palɛi Pɛŋgiɛi choo a paŋguŋ sɛnɛiyoŋ ndaŋ, bɔŋaŋnda kɛɛsiaŋ le biinɔŋndo laŋ, salala diandaa laŋ, sala hakioo le mi Isɔluɛiya sɔla malɔɔ hakioo, a le wali o wali cho tosaŋndo o chiɛi Mɛlɛka naa.
34 Miŋ wuu vɛlɛ kooŋ le sinaa teleŋ yuŋgu wanaa soliaa lasalaa, Livaiya, a yuŋgula waŋnda kpou nɔ le hunɔɔ a yɔmnde o chiɛi Mɛlɛka naa iwɔsi o iwɔsi, le salalaŋ lomɔɔ o bandu luamaa lasala Chɛhowa Mɛlɛka naa choo, a mɛɛ i cho i poonyiaŋ o yau laSawaa niŋ yɛ.
35 Komɔɔla taselaŋ o chiɔɔŋ naŋ niŋ a komɔɔ tase tɔlɔɔ kɛ kɛ o kpelela naalaŋ niŋ, ŋ cho wa hunɔɔ a laŋ iwɔsi o iwɔsi o chiɛi Chɛhowa wo.
36 Ŋ cho vɛlɛ wa hunɔɔ a puaa naa tasiaa vɛlɛ a chɔluaa tasiaa chɔluaa* naa, nauwaa naa, saa naa, a chuiŋaa naa kuam nda, a mɛɛ i cho i poonyiaŋ o yau laSawaa niŋ yɛ. Ŋ cho wa hunɔɔ a nyɛ o nyɛ naŋ chua buŋgɛi o chiɛi Mɛlɛka naa o wanaa soliaa lasalaa lo, a cho wallo o chiɛi Mɛlɛka naa wa.
37 Kpeyaŋ kɔmnde taseleŋ o chiɔɔŋ naŋ niŋ, toolula naalaŋ, kɔmnde tɔlɔɔla naala kɛ kɛ o kpelela naalaŋ niŋ, muɛima sɛnɛiyaŋ a chuɛiyaŋ, ŋ cho wa hunɔɔ a nyɔɔŋ muŋ o wanaa soliaa lasalaa lo, o lumuiila nda kɛsi wolɔɔlaŋ o chiɛi Mɛlɛka naa niŋndo. Ŋ cho vɛlɛ wa Livaiya o tɔ ndɔɔ yɔŋgoo o chiɔɔŋ naŋ niŋ. Kanifuule, Livaiya nɔ ni ma sɔla o tɔ ndɔɔ o wali kɛ kɛ naŋ tosa o chieeŋ naŋ bɛndoŋ niŋ.
38 Wana soliaa lasala fula o pulale Elɔŋ ndeŋ choo wo, nɔ mbo wa a Livaiya latulu te Livaiya wa pɛ o tɔ ndɔɔ biyɔɔ waŋnda o ba. O nyɛm Livaiya sɔla waŋnda o ba woŋ tɛɛŋ, a nɔ ma chua o tɔ ndɔɔ ma yɔŋgu ndu o lumuiila cho o chiɛi kɛsiaa lawolɔɔ niŋ o chiɛi Mɛlɛka naa niŋndo.
39 Lumuiila nda kɛsi wolɔɔlaŋ ndaŋ, loŋ Isɔluɛiya a Livaiya puaa ndaa nɔ ni ma hiŋ a toolula ndala ŋkultaŋ, muɛima sɛnɛiyaŋ, vɛlɛ a chuɛiyaŋ. Nduyɛ loŋ koni wolɔɔla nda soliŋ kpeku o chiɛi Mɛlɛkaa laŋ, wanaa soliaa lasalaa tosa wallo loŋ nda, wanaa manda diola kpakilaŋ nda, a wanaa soliaa ŋchonduaa wa ni. Ŋ cho chiɛi Mɛlɛka naa malɔɔ le.
Tɛɛsiaalaŋ
^ Ɔɔ “Tasiata.” Diolaŋ ndaŋ la sim le masa ibuŋgaa o tanda Paasiaa wo niŋ.
^ Ɔɔ “Nɛtinimnda.” Hibuluiye, “wanaa yɔŋguŋ nda.”
^ Tofa Tɛɛsiaa B14.
^ Ɔɔ “bulu.”
^ Naapum a visiaa nɔɔlɛiya okɔɔ nda cho suɛi ni.
