Nɛhimaya 11:1-36
-
Chulusalɛm pɛ vɛlɛ cha a waŋnda (1-36)
11 Laŋgbaa kalaa waŋnda kpou, Chulusalɛm nda wa ichali ni. Kɛ le wanaa tuaa nda, ma wuu kooŋ le ma hɛli yuŋgoo o pilɛ o yuŋgula tɔ kɛ kɛ choo, le ma kɔ chal o chiee diandaa niŋ Chulusalɛm, okoŋ mi yuŋgula ŋɔmahiɔɔlula lo laŋ la kɔ chal o chieeŋ bɛnduŋ cheleŋndoŋ niŋ.
2 Nduyɛ puaa yɔŋguŋ le kɔlaŋ challe Chulusalɛm nda, mi waŋnda duau nda sala.
3 Mi laŋgbaa kalla o tandaa niŋ kɔ chal Chulusalɛm. (Isɔluɛiyaa tuaa kpou, wanaa soliaa lasalaa, Livaiya, wanaa tosa wallo o chiɛi Mɛlɛkaa wa,* a puaa buɛiyaa Sɔlɔmɔŋ nda, ma kɔ chal o chieeŋ bɛnduŋ cheleŋ niŋ Chuda, wana o wana o nyɛm ndɔŋ kiɔɔŋ choo o chiee ndɔ bɛndoo niŋ.
4 Mi waŋnda apum o yuŋgu Chuda wo choo a o yuŋgu Bɛŋjamiŋ ndo choo kɔ chal Chulusalɛm.) Laŋgbaa kalaa fula o yuŋgu Chuda wo choo wa cho haa ni: Ataaya po Yusaya wo, Yusaya po Sɛkalaya wo, Sɛkalaya po Amaluiya wo, Amaluiya po Siɛfatiaa wo, Siɛfatiaa po Mahalalɛɛ wo, Mahalalɛɛ fulaa o yuŋgu Piluɛsi wo choo,
5 a Maasɛya po Baluki wo, Baluki po Kohoosɛ wo, Kohoosɛ po Hasaya wo, Hasaya po Adaya wo, Adaya po Chowaluibi wo, Chowaluibi po Sɛkalaya wo, Sɛkalaya po Silua wo.
6 Puaa dialuŋ kalaa Piluɛsi wa, a wa ichali Chulusalɛm nda, a wa kpou kpou 468.
7 Laŋgbaa kalaa fula o yuŋgu Bɛŋjamiŋ ndo choo wa cho haa ni: Salu po Mɛsiulam ndo, Mɛsiulam po Chowɛɛdi wo, Chowɛɛdi po Pɛdaya wo, Pɛdaya po Kolaaya wo, Kolaaya po Maasɛya wo, Maasɛya po Itiɛɛ wo, Itiɛɛ po Chɛseya wo.
8 Wanaa cheleŋ wa Kabeeya a Salai ni. A wa kpou kpou 928.
9 Chowɛɛ po Sikili wo wa nda bolleŋ ni, nduyɛ Chuda po Hasɛnuaa wo wa ndu ikɛi o chiee nda bɛndoo niŋ ni.
10 Wanaa soliaa lasalaa cho haa ni: Chɛdaya po Chowaluibi wo, Chakiŋ,
11 Sɛluiya po Hilikaya wo, Hilikaya po Mɛsiulam ndo, Mɛsiulam po Sadɔki wo, Sadɔki po Mɛluayoti wo, Mɛluayoti po Ahitubi wo, Ahitubi yɛ, ndu wa simlachinɔɔ le chiɛi Mɛlɛka tonyaa wo,
12 a puaapiliaa ndaa tosa wallo o chiɛi Mɛlɛkaa wa. A wa kpou kpou 822. Nduyɛ Adaya po Chɛloham ndo, Chɛloham po Pɛlaliya wo, Pɛlaliya po Amisai yo, Amisai po Sɛkalaya wo, Sɛkalaya po Paasiɔɔ wo, Paasiɔɔ po Malikicha wo,
13 a puaapiliaa nduaa a wa yuŋgula leboltaŋ nda. A wa kpou kpou 242. Nduyɛ Amasisai po Asaluɛ wo, Asaluɛ po Asai yo, Asai po Mɛsilɛmoti wo, Mɛsilɛmoti po Imaa wo,
14 a puaapiliaa ndaa ndaa nɔ dialuŋ kalaŋ nduyɛ ma nɔ kɔl simulaa wa. A wa kpou kpou 128. Nduyɛ Sabidiɛɛ, wana pilɛ o yuŋgu fula tɔɔ wo niŋ wa nda bolleŋ ni.
15 O Livaiya tɛɛŋ, Siɛmaya po Hasiubi wo, Hasiubi po Asiluɛkam ndo, Asiluɛkam po Hasiabaya wo, Hasiabaya po Buni wo,
16 a Siabɛtai nda Chosabadi, a wa yuŋgula leboltaŋ le Livaiya wa. Nda ndaa nɔ kalaŋndo le walta cheleŋnda wa tosaŋndo o bɛɛ chiɛi Mɛlɛka tonyaa laŋ ni.
17 Nduyɛ, Mataniya po Maika wo, Maika po Sabidi wo, Sabidi po Asafi wo, wa chilaŋ ni le wanaa ŋchonduaa a Mɛlɛka saŋgalaa teleŋ nda wa piɛileŋ ndo. Nduyɛ o puaapiliaa nduaa tɛɛŋ, Bakibukaya wa ndu ikɛi ni. Abida po Siaamua wo, Siaamua po Kelaa wo, Kelaa po Chɛdutɔŋ ndo bɛɛ wa Livaiya choo.
18 Livaiyaa wa o chiee bɛndu diandaa niŋnda wa kpou kpou 284.
19 Wanaa ndaa manda diola kpakilaŋ nda wa haa ni: Akubi, Talimɔŋ, a puaapiliaa ndaa. Kpou kpou a wa 172.
20 Isɔluɛiyaa tuaa kpou, wanaa soliaa lasalaa, a Livaiya wa o chieeŋ bɛnduŋ cheleŋ niŋ o Chuda niŋ kpou, wana o wana o nyɛm kɛŋ o sɔla woŋ choo.
21 Wanaa tosa wallo o chiɛi Mɛlɛkaa wa* wa ichali Ofɛɛ. Nduyɛ Siha nda Kisipa wa nda bolleŋ ni.
22 Wana wa Livaiya bolleŋ Chulusalɛm ndo wa Yuusai ni, po Bani wo, Bani po Hasiabaya wo, Hasiabaya po Mataniya wo, Mataniya po Mikaa wo, fulaa o yuŋgu Asafi wo choo, wana soliaa ŋchondoo. Ndu wa chilaŋ le wali wa tosaŋndo o chiɛi Mɛlɛka tonyaa wo ni.
23 Mi masaa duau sawaa maa nyɛdiaa wanaa soliaa ŋchonduaa nɔ ma wa sɔlaa wo, a nɔ ma wa nda ndu kioo lepaa o lepaa.
24 Pɛtahaya po Mɛsiɛsabɛɛ wo, fulaa o yuŋgu Siluaa wo choo, po Chuda wo. Ndu ndoo sila masaa ni a sɔɔŋ wa a waŋnda okɔɔ woŋ kpou.
25 Mi waŋnda apum o Chuda niŋ kɔ chalnuŋ o chieeŋ ndaŋ niŋ, yondola ndalaŋ ikɛi. Chieeŋ muŋ cho muŋ ni: Kiliaati-aba a chieeŋ balu ndu woŋ, Dibɔŋ a chieeŋ balu ndu woŋ, Chɛkabisɛɛ a sɔndɔkɔlta balu ndu laŋ,
26 Chɛsuaa, Molada, Bɛti-palɛti,
27 Hasa-suaa, Biaa-siɛba, a chieeŋ balu muŋ ndoŋ,
28 Sikila, Mɛkona, a chieeŋ balu muŋ ndoŋ,
29 Ɛŋ-luimɔŋ, Soluaa, Chamuti,
30 Sanowaa, Adulam a sɔndɔkɔlta ndalaŋ, Lakisi a yondola ndɔlaŋ, Asikaa a chieeŋ balu ndu woŋ. Waŋnda haa wa ichali chɔŋ Biaa-siɛba kɔ o Kpoloŋndo Hinɔm.
31 Wanaa fula o yuŋgu Bɛŋjamiŋ ndo choo wa wa ichali Kiba, Mikimaasi, Aicha, Bɛtɛl, a chieeŋ balu muŋ ndoŋ,
32 Anatɔti, Nɔbi, Ananaya,
33 Hasɔɔ, Luama, Kitiɛm,
34 Hadidi, Sɛboyɛm, Nɛbalati,
35 Lɔdi, a Ono, kpoloŋ wanaa chaa nyɛ a laba wa.
36 Nduyɛ ma soli Livaiya apum o tanda Chuda wo niŋ, ma yɔŋ nda o tanda Bɛŋjamiŋ ndo niŋ.
Tɛɛsiaalaŋ
^ Ɔɔ “Nɛtinimnda.” Hibuluiye, “wanaa yɔŋguŋ nda.”
^ Ɔɔ “Nɛtinimnda.” Hibuluiye, “wanaa yɔŋguŋ nda.”
