Nɛhimaya 12:1-47
12 Wanaa soliaa lasalaa a Livaiyaa kuɛ latulu a Sɛlubabɛl po Siaatiɛɛ wo, vɛlɛ a Chɛsuaa wa cho haa ni: Sɛluiya, Chɛluimaya, Ɛsilua,
2 Amaluiya, Maluki, Hatusi,
3 Siɛkanaya, Luɛhum, Meluimɔɔ,
4 Idɔɔ, Kɛnɛtɔyi, Abaicha,
5 Michamiŋ, Maadaya, Bilika,
6 Siɛmaya, Chowaluibi, Chɛdaya,
7 Salu, Amɔki, Hilikaya, a Chɛdaya. Waŋnda haa wa bolleŋ ni le wanaa soliaa lasalaa a puaapiliaa ndaa o palɛi Chɛsuaa ve niŋ.
8 Livaiya wa haa ni: Chɛsuaa, Binuaa, Kadimiɛɛ, Siɛluɛbaya, Chuda, a Mataniya, o ndoo chua chilaŋ le chonduŋ balika melaa solioo nda puaapiliaa nduaa latulu wo.
9 Nduyɛ, mi Bakibukaya nda Yuni ndaa sim kpeŋgei i pilɛi le puaapiliaa ndaa soli haa chondoŋ nda mandaa.
10 Chɛsuaa velu Chowaakim ni, Chowaakim velu Iliaasibi ni, Iliaasibi velu Chowaada ni,
11 Chowaada velu Chonataŋ ni, nduyɛ Chonataŋ velu Chaduaa ni.
12 O palɛi Chowaakim nde niŋ, wanaa soliaa lasalaa wa yuŋgula leboltaŋ nda cho haa ni: Le yuŋgu Sɛluiya wo, Mɛluaya. Le yuŋgu Chɛluimaya wo, Hananaya.
13 Le yuŋgu Ɛsilua wo, Mɛsiulam. Le yuŋgu Amaluiya wo, Chɛhohanaŋ.
14 Le yuŋgu Malukai yo, Chonataŋ. Le yuŋgu Siɛbanaya wo, Choosɛ.
15 Le yuŋgu Haluim ndo, Adina. Le yuŋgu Mɛluayoti wo, Hɛlikaya.
16 Le yuŋgu Idɔɔ wo, Sɛkalaya. Le yuŋgu Kɛnɛtoŋ ndo, Mɛsiulam.
17 Le yuŋgu Abaicha wo, Sikili. Le yuŋgu Miniamiŋ ndo, . . . .* Le yuŋgu Mowadaya wo, Pilitai.
18 Le yuŋgu Bilika wo, Siaamua. Le yuŋgu Siɛmaya wo, Chɛhonataŋ.
19 Le yuŋgu Chowaluibi wo, Matɛnaya. Le yuŋgu Chɛdaya wo, Yuusai.
20 Le yuŋgu Salai yo, Kalai. Le yuŋgu Amɔki wo, Iba.
21 Le yuŋgu Hilikaya wo Hasiabaya. Le yuŋgu Chɛdaya wo, Nɛtanɛɛ.
22 Wanaa wa yuŋgula leboltaŋ le Livaiya o palɛi Iliaasibi, Chowaada, Chohinaŋ, a Chaduaa ve niŋnda, diola ndalaŋ la wa la poonyiaa mɛɛ diola wanaa soliaa lasalaa la wa la poonyiaa yɛ haaa mbo huŋ bii a boondii Daaliɔɔ, Paasiaŋnɔɔ wa o masaleŋ choo ve.
23 Livaiyaa wa yuŋgula leboltaŋ nda, diola ndalaŋ la wa la poonyiaa o yau nda poonyiaa konaa wo niŋ, haaa huŋ bii a palɛi Chohinaŋ nde, po Iliaasibi wo.
24 Wanaa wa Livaiya bolle wa wa haa ni: Hasiabaya, Siɛluɛbaya, a Chɛsuaa po Kadimiɛɛ wo. Nduyɛ mi puaapiliaa ndaa ndaa sim kpeŋgei i pilɛi le Mɛlɛka saŋgalaa a ndu balikaa mello, a mɛɛ Deeve wana Mɛlɛka tonyaa yɔŋgu nɛi chɔmaa yɛ. A kundalaŋ ndaa sim ni le nda mandaa.
25 Mataniya, Bakibukaya, Obadaya, Mɛsiulam, Talimɔŋ, a Akubi ndaa sim le diola chiɛi Mɛlɛkaa mandaa ni. Nduyɛ lumuila ndaa kɛsi wolɔɔlaŋ mi la wa o diola chiɛi Mɛlɛkaa ikɛi laŋ, nda ndaa manda laŋ ni.
26 Waŋnda haa wa wali ndaa tosaa o palɛi Chowaakim nde niŋ, po Chɛsuaa wo, po mama Chosadaki wo. Nduyɛ ma hiau lachi a wallo hoo tosaa o palɛi Nɛhimaya ve niŋ, masa ibuŋgaa, a Ɛsilua wana soliaa lasalaa, o ndoo miŋgi diom Mɛlɛkaa poonyiaa wo.
27 Mɛɛ teleŋndo fuuluu le kpaki balu Chulusalɛm ndo malɔɔ Mɛlɛka o ba, ma nuuviaa Livaiya ba o ba fee nda wa ichali, ma huŋ a nda Chulusalɛm le ndu malɔɔ Mɛlɛka o ba a kɔl kɛndɛ. A wa chonduŋ balika melaŋ solioo ma luaa kumbula ŋchiliŋndaŋ, nyɛm chaaŋ iyooŋ, a towalaŋ.
28 Mi wanaa soliaa ŋchonduaa* puaa ndaa chuuŋgiaŋ naapilɛ, fulaa o tanda balu Chulusalɛm* ndo niŋ kpou, sɔndɔkɔltaŋ Nɛtofa,
29 Bɛti-kikaa, vɛlɛ a o tanda Kiba a Asimavɛti wo niŋ. Kanifuule, mi wanaa soliaa ŋchonduaa taŋgul sɔndɔkɔltaŋ le ndapila, o tanda balu Chulusalɛm ndo niŋ kpou.
30 Mi wanaa soliaa lasalaa a Livaiya dindi ndapila, ma dindi waŋnda, diola kpakilaŋ, a kpakioo.
31 Okoŋ mi heelu laŋgbaa kalla le Chuda o kpakioo choo. Mi piɔu wanaa soliaa ŋchonduaa kundala bɛndulaŋ la tiɔɔŋ, a wa kɔlaŋ a chonduŋ balika melaŋ solioo o kpakioo choo, mi waŋnda kua nda kɔɔli. Kundaa pilɛ wa kɔlaŋ o ba kɛndɔɔ choo, kpeŋgii Dio Kpaki Sal Lapullo.
32 Hoosaya a laŋgbaa kalla o Chuda niŋ tɛndaa tɛɛŋ wa nda kɔlaŋ kɔɔli ni,
33 latulu a Asaluaya, Ɛsilua, Mɛsiulam,
34 Chuda, Bɛŋjamiŋ, Siɛmaya, a Chɛluimaya.
35 Nduyɛ wanaa soliaa lasalaa, puaa ndaa wa a nda latulu a bululaŋ o laba wa cho haa ni: Sɛkalaya po Chonataŋ ndo, Chonataŋ po Siɛmaya wo, Siɛmaya po Mataniya wo, Mataniya po Maikaya wo, Maikaya po Sakɔɔ wo, Sakɔɔ po Asafi wo.
36 Nduyɛ Sɛkalaya wo hoo yɛ a puaapiliaa nduaa Siɛmaya, Asaluɛ, Milalai, Kilalai, Mayai, Nɛtanɛɛ, Chuda, a Hanani wa a nyɛm chaaŋ Deeve woŋ, wana Mɛlɛka tonyaa o laba. Nduyɛ Ɛsilua, wana ndoo miŋgi diom Mɛlɛkaa poonyiaa wo wa nda kɔlaŋ lachi.
37 Mɛɛ nda fuuluu o Dio Kpaki Sooŋ Mamɛŋndo, ma kua sakpo ma kɔ kei o fondaŋ wana hel le kɔlaŋ o Chiee Deeve wo. Ma hiau lachi a kɔlaŋ o kpakioo choo, ma hiau chiɛi Deeve wo, ma kua o Dio Kpaki Mamɛŋndo ba paaleŋ le chaŋ ndo.
38 Kundaa pilɔɔ wa kɔlaŋ kpeŋgei i pilɛi* a chonduŋ balika melaŋ solioo. Ya a wanaa tuaa wa nda kɔlaŋ kɔɔli o kpakioo choo, miŋ keeku o Bandu Mɛŋgɛlaa o Fondaŋ Nda Luam Beediiyo* Wo, miŋ fuuluu o kpaki bɛndoo.
39 Miŋ hiau, miŋ kua o Dio Kpaki Ifiluem Ndo, Dio Kpaki Chiee Paandoo, Dio Kpaki Suuwa, miŋ kua o Bandu Mɛŋgɛlaa Hananɛ Wo, Bandu Mɛŋgɛlaa Miaa Wo, haaa miŋ fuuluu o Dio Kpaki Saa Konduaa, miŋ kɔ mɛɛlu o Dio Kpaki Wanaa Mɛŋgɛlaa.
40 O mɛɛlulaŋ kpɔŋ, mi kundala soliaa ŋchondula tiɔɔŋndaŋ ndaŋ la huŋ sim o chiɛi Mɛlɛka tonyaa hɔlndɔ. Mi ya a wanaa wa masaa ikɛiya tɛndaa tɛɛŋ, a wa latulu a ya wa bɛɛ kɔ sim.
41 Wanaa soliaa lasalaa wa isisi loŋ a naa latulu wa cho haa ni: Iliaakim, Maasɛya, Miniamiŋ, Maikaya, Ɛlionai, Sɛkalaya, a Hananaya, a ndaa nɔ bululaŋ o laba wa,
42 latulu a Maasɛya, Siɛmaya, Ɛlieesa, Yuusai, Chɛhohanaŋ, Malikicha, Ɛlam, a Esɔ. Mi wanaa soliaa ŋchonduaa hiau lachi a chondoŋ solioo choo choo kpeleŋ, nduyɛ Isiluahaya wa nda chilaŋ ni.
43 O paale leŋ choo, ma soli salalaŋ tau tau nduyɛ ma duaunuŋ nyaale. Kanifuule, Mɛlɛka tonyaa tosa ni ma wa a nyaale bɛndu bɛndoo. Waŋ laanduaa a chuaambuaa bɛɛ wa a nyaale. Le hei, nyaale wa o Chulusalɛm niŋndo, wanaa lo landaŋ ma tuei.
44 Ma yulu puaa iso o paale leŋ choo, le toolula nda huŋ o chiɛila nda kɛsi wolɔɔlaŋ niŋndaŋ biyɔɔ, kɔmnde tasele tɔlɔɔla ndalaŋ, a o tɔ ndɔɔ. Nduyɛ te waŋnda ndaa hiŋ pɛ a toolula nda fula o chiɔɔŋ ndaŋ niŋ o chieeŋ ndaŋ bɛndoŋ niŋndaŋ, ma huŋ ke nda a mɛɛ Sawaa dimi yɛ, le wanaa soliaa lasalaa a Livaiya. Loŋ ndaa kɛsi nyɔɔŋ muŋ ni. Nyaale bɛndu bɛndoo wa o Chuda niŋ, kanifuule wanaa soliaa lasalaa a Livaiya wa wali ndaa tosaa.
45 Ma kandu waltaŋ tosaa le Mɛlɛka ndaa vɛlɛ a kalaŋ ndaa nɔ le waa a diandaa wo. Nduyɛ lende wanaa soliaa ŋchonduaa a wanaa manda diola kpakilaŋ nda tosa ni, a mɛɛ Deeve nda Sɔlɔmɔŋ po ndɔ yɔŋgu nɛi chɔmaa yɛ.
46 Paandu niŋ pa o palɛi Deeve a Asafi ve niŋ, waŋnda wa le simndaŋ wanaa soliaa ŋchonduaa lachi, le chondoŋ solioo le Mɛlɛka saŋgalaa, a ndu balikaa mello.
47 Nduyɛ o palɛi Sɛlubabɛl a o palɛi Nɛhimaya ve niŋ, mi Isɔluɛiya kpou ndaa ke wanaa soliaa ŋchonduaa a wanaa ndaa manda diola kpakilaŋ nda nyɛm ndaa hauba woŋ, mɛɛ bahawɛi ndaa wa le lepaa o lepaa yɛ. Mi ndaa yɔŋgu vɛlɛ tooloo le Livaiya, nduyɛ mi Livaiya bɛɛ ndaa yɔŋgu tooloo le wanaa fula o pulaleŋ Elɔŋ ndeŋ choo wa.
Tɛɛsiaalaŋ
^ Wana che pɛ maa ma faŋa diola wa nanuŋ ndaŋ o yaula maHibuluilaŋ niŋ.
^ Ɔɔ “wanaa pɛɛku le chondoŋ solioo wa.”
^ Koŋ cho ni, tanda balu Chɔɔdaŋ ndo.
^ Ɔɔ “lachi.”
^ Ɔɔ “Buloo.”
