Aisaya 15:1-9
-
Nyɛ dimiŋ a Mowaabi okɔɔ wo (1-9)
15 Nyɛ dimiŋ a Mowaabi wo cho hoo ni:
Le mɛɛ o sɔla tambei o nyumndaŋ ma pilɛ niŋ kpe yɛ,Aa o Mowaabi niŋ mei kpili.
Le mɛɛ o sɔla tambei o nyumndaŋ ma pilɛ niŋ kpe yɛ,Kiaa cho Mowaabi wo mei kpili.
2 O kuɛ o Maaŋndo* a o Dibɔŋ niŋ,O fondaŋnda filioŋndaŋ le chaŋndo.
Mowaabi cho chaŋndo kpeleŋ le nyɛ yɔŋnuŋ Nibo a Mɛdiba wo.
Wana o wana sendi tembello, nduyɛ ma sendi siɛiyoŋ.
3 Waŋnda wounuŋ nyɛla labɛkilaŋ o nɛila ndɔla bɛndulaŋ.
A cho chaŋndo kpeleŋ o chiɛila ndalaŋ choo, a o luŋnda ndala bɛndulaŋ.A cho kɔlaŋ a chaŋndo o mɔnɛi bɛnduei niŋ.
4 Hɛsibɔŋ a Ɛliaalɛɛ cho chaŋndo choo choo kpeleŋ.Hali wanaa cho Chahasi pɔ wa cho nda diomndo tueiyɔɔ.
Le sabu koŋ puaa chɔuwa Mowaabi cho hiouwɔɔ lachi a deŋioo ni.
Kɔltaŋ la yɔŋnuŋ nda pulaŋ pulaŋ a siooŋnde.
5 Mɛmiaŋ ma cho ya tolɔɔ kpeekpei o kɔl niŋ le Mowaabi.
Wanaa nduaa nyaanuŋ ma kua pɔɔli Sowaa a Ɛkilati-sɛlisiya.
A cho pembei Luhiti helɔɔ a chaŋndo.A cho kɔlaŋ o nɛi kuɛ Hɔlɔnim ndo a chaŋndo, le kpundɛ bɛndu komal nda wo.
6 Mɛŋma cho Nimiluim ndaŋ ma tambu.Bil puiyaa bɛɛ vesa sɛɛŋ.Billo chuu paku, nduyɛ bil puiyaa kɛ kɛ lo lɛ le.
7 Le sabu koŋ nda cho kɔŋndaŋ a nyɛm tɔŋ lo o fondaŋnda nda kɛsi nyɛm ndaŋ ndo a sulta ndalaŋ ni.A cho taŋɔɔ kpoloŋ yɔmii pɔpula ve cho wo.
8 Chaŋnda nda cho choo choo kpeleŋ ndaŋ la tiu o tanda Mowaabi wo niŋ kpou.
Koŋul nda cho wo fuuluu Ɛkilɛm,Nduyɛ mbo fuuluu vɛlɛ Biaa-ilim.
9 Mɛŋma cho Dimɔŋ ndaŋ ma simnuŋ koowaŋ kposoŋ,Nduyɛ nyɛ ya nɔ wɔ le tosaa a Dimɔŋ ndo cho hoo ni:
I cho kpɔkuŋndo* yɔŋ le wanaa cho hiɔlɔŋ Mowaabi ma nyaanuŋ nda,A wanaa cho lo o lɛŋndeŋ niŋ nda.
