Aisaya 17:1-14
17 Nyɛ dimiŋ a Damasikɔɔ okɔɔ wo cho hoo ni:
“Chiee bɛndoo Damasikɔɔ cho hunɔɔ mɛɛlu,Nduyɛ o cho tambu mbo simnuŋ bembelaŋ.
2 Waŋnda cho hunɔɔ chieeŋ bɛndoŋ Aloya malɔɔ.Ŋ cho hunɔɔ simnɔŋ naa saa a hiniŋ nda,Nduyɛ wana o wana luei niŋ nda isiooŋ te.
3 Chieeŋ nda taŋgul ŋ kala kala woŋ cho hunɔɔ lo pɛ o Ifiluem niŋ,Mi masaleŋ Damasikɔɔ bɛɛ le lo pɛ.Nduyɛ wanaa cho lo Siiliaa wa,Naŋɔɔ ndaa cho lo pɛ, mɛɛ naŋɔɔ Isɔluɛiya* lo pɛ yɛ.” Nyɛ Chɛhowa, Mɛlɛka puaa chɔuwa dimi wo cho hoo ni.
4 “O paale leŋ choo, naŋɔɔ Chekɔpu wo cho faŋaŋ lechoo,Nduyɛ mi dialuŋ ndɔŋ kɛndɛ kɛndɛŋ* nyau sɛɛŋ.
5 Chekɔpu wa niŋ ko mɛɛ waŋndo wa nuaa witiiyoŋ kiolɔɔ,Mbo muliŋ vɛlɛ ŋ lo kɔɔli woŋ kiolɔɔ yɛ,Vɛlɛ a mɛɛ waŋndo kialu nuaa witiiyoŋ o Kpoloŋndo* Luɛfem yɛ.
6 A lo niŋnda wa niŋ ko,Mɛɛ waŋndo hiiluu nuaa yɔm ndɔ ma ɔlifiiyo,
Mi ma miɔɔŋ ɔɔ ma yaa kinɛi ma lo lechoo ma diuwaa yɛ.O lɛuwuŋ kom lɔpi lɔpi woŋ, ma hiɔɔlu ɔɔ ma ŋuɛɛnu kinɛi ma lo niŋ ni.” Chɛhowa, Mɛlɛka Isɔluɛiya dimi lende ni.
7 O paale leŋ choo, waŋndo nuuviaa niŋ Wana Toosiaa ndu wo le malaa, okoŋ mbo dɔu tiindaŋ ndɔɔ o Wana Diandaa le Isɔluɛi niŋ.
8 O dou niŋ tiindaŋ ndɔɔ o bandula luamaa lasalalaŋ, la o toosiaa a bala ndɔlaŋ ndaŋ niŋ te. Nduyɛ o dou niŋ tiindaŋ ndɔɔ o nyɛm o toosiaa a sooŋ ndɔŋ ndoŋ niŋ te, o wa suŋgbuma iyɔm* ɔɔ bandu luamaa nyɛm chuŋ kɛndɔɔ.
9 O paale leŋ choo, chieeŋ ndɔŋ kala kala nda taŋgul loŋ cho simnɔŋ maa chieeŋ waŋnda mal miŋ waŋnuŋ o bundɛlaŋ niŋ ndoŋ.Ŋ wa niŋ ko maa lɛuvii waŋnda mal ma nyaanuŋ le Isɔluɛiya ve.Le cho simnɔŋ lɛŋnde polteŋ.
10 Kanifuule a puɛɛnuŋ Mɛlɛka piŋi numndo,Nduyɛ a loonuŋ a Pou Kpoowa num oo viaŋnuŋ lebɛŋgu wo le.
Le sabu koŋ ŋ tɔl kpelela kɛndɛ kɛndɛlaŋ ni,Nduyɛ ma chua lɛuvii yɔm miallo* ma luei tɛɛŋ.
11 Ma kuŋga tɔlɔɔla numndaŋ ipala nyɛkɛndɛi,Nduyɛ idii ma tosa mi tɔlɔɔla numndaŋ la peŋ.Kɛ a teleŋ ŋ cho delɔɔ a naa ŋ siŋgu le wo, nyɛ ŋ nɔ le kowɔɔ wo cho lo pɛ.
12 La yaŋ nilaŋ! Wanaa bɔɔbɔɔ cho wooluŋ wooluŋndo!Dialloŋ cho nda nyiiyaa niŋ naŋ chaa pee mɛŋma ihɛllo ni!
Lɛŋii cheleŋnde bɛɛ cho wooluŋ wooluŋndo,Mi diomnda ndalaŋ la wa fulaa naŋ chaa mɛŋma kpaaya ma bɛnduaŋ ni!
13 Bɔɔluu bɛndu fula niŋ o lɛŋii cheleŋnde niŋndo wa niŋ ko naŋ chaa mɛŋma bɛndu bɛnduaŋ ni.
Mɛlɛka cho ndi kpaa, nduyɛ mi i nyaanuŋ landaŋ.A cho nyaanɔŋ mɛɛ hueiye kuaŋnuŋ nuaa a fueeŋii wa o pemboŋ choo ve yɛ.Mɛɛ hueiyii feleŋ feleŋnde kuaŋnuŋ nuaa a billo o hueiyii bɛndu bɛnduei niŋ yɛ.
14 Sɔɔŋ ŋ siooŋndoŋ cho wa a nyumndaŋ,
Kɛ tuupa mi le sɛ, sɔɔŋ isiooŋ cho lɛ wa le.
Nyɛ wanaa cho naa nyɛpalaa tusioo choo wa cho sɔla wo cho hoo ni,Vɛlɛ a wanaa cho nyɛm naŋ puŋgaa wa.
Tɛɛsiaalaŋ
^ Ɔɔ “puaa Isɔluɛiya.”
^ Hibuluiye, “dialuŋ ndɔŋ chelulɛiyoŋ.”
^ Ɔɔ “Lɛŋnde Dɛŋgbɛleŋ.”
^ Tofa Tɛɛsiaa.
^ Ɔɔ “mɛlɛka ŋ sina le wo.”
