Aisaya 50:1-11
50 Nyɛ Chɛhowa dimi wo cho hoo ni:
“Ɔɔ yau kɛyaŋ kala nya wo, o ya tou wo?
Ɔɔ, baa mi pisi num pa le kuee yaa bii yo?
Le yɔŋ nya wɔɔŋndo nda kuɛ a nya o biyɔɔ niŋ ni,Nduyɛ le yɔŋnda nyala wɔɔŋndaŋ yaamɔɔwa kuɛ a kala nya o biyɔɔ niŋ ni.
2 Teleŋ ya hiŋ ndo, le yɛɛnɛ I seeluŋ wana o wana le?
Mɛɛ ya veelu, le yɛɛnɛ wana o wana muli le?
Baa ba nuu cho o biŋgi le nya piŋioo?Ɔɔ baa I nɔ kpaaya le nya piŋioo le?
I nɔla mi soo mi pee mɛŋma ihɛllo vesa.Mi tosa mi peelaŋ la simnuŋ lɛŋnde polteŋ,
Mi suwaa cho leniŋ nda sɛ le mɛŋma lepɛŋndaŋ,Nduyɛ ma vi le mɛɛ nda sɔla mamɛŋ le kolɔɔ le yɛ.
3 I kumbu choo choo a nyumma kpiŋgbima bɛnduaŋ,Nduyɛ mi kumbu ndu a nyɛla labɛkilaŋ.”
4 Chɛhowa, Mɛlɛka Kpuluŋguma Bɛndoo pɛɛku ya le suɛi,*Le halikpeŋ mi sina diomnda ya nɔ mi dimul wanaa cho a saŋgɛi, le nda yoomuaŋ lueiyo wa.
Mbo tindi ya idii o idii.Mbo tosa ya mi wa o bɛɛndiaŋ le nilaŋ yaŋɔɔ,* mɛɛ wana nda cho pɛɛkoo wo yaŋ nuaa nilaŋ yɛ.
5 Chɛhowa, Mɛlɛka Kpuluŋguma Bɛndoo kumbi nila nilaŋ,Nduyɛ I ve wana nila kalu le.
I kɛɛ ndu diom mi kuɛŋnuŋ o nɛi nuu choo le.
6 Mi mulul wanaa wa ya lɔɔ wa kɔɔ le ma lɔɔ ya,Nduyɛ mi mulul nda kpaŋndoŋ le ma suuŋguu ya siɛiye.
I viŋ hɔlaa niaa le bɛɛla tambɛilaŋ sɔlaa a le ya lɔluaŋ tufɔɔ choo le.
7 Kɛ Chɛhowa, Mɛlɛka Kpuluŋguma Bɛndoo cho ya mala.
Le sabu koŋ, siɔmbula cho ya biyɔɔ le.
Lelaŋ ya soli hɔlaa niaa ni maa pou luɛiyaa,Nduyɛ I sina maa siɔmbula cho ya biyɔɔ le.
8 Wana dimi maa I cho sakpo wo cho ya ikɛi.
Nɛɛnɛ nɔla yɛ mbo handu ya suɛi choo?*
La ŋ simnuŋ diompilɛ.
Nɛɛnɛ nɔ yɛ suɛi le ya chiŋalaŋndo?
Wana koŋ o komal la.
9 Chɛhowa, Mɛlɛka Kpuluŋguma Bɛndoo cho ya mala.
Nɛɛnɛ cho yɛ ya yaala?
Nda kpou cho tambu mɛɛ kolaa siɔŋ nuaa yɛ.
Nduyɛ, kaaŋguaa cho nda dio ni.
10 Nɛɛnɛ nya tɛɛŋ nɔ yɛ siooŋnde le Chɛhowa,Nduyɛ mbo yaŋ nilaŋ o diom buɛi ndɔɔ?
Nɛɛnɛ nɔla yɛ mbo kuɛ o nyumma kpiŋgbima bɛnduaŋ niŋ, nyɛ teŋgaa kɛ kɛ ve le?
Wana koŋ tiindaŋ o diola Chɛhowa laŋ niŋ, nduyɛ mbo tiindaŋ Mɛlɛka ndɔɔ.
11 “Nya kpou cho yiŋndeŋ kiisuuwo,Mi la tosa mi tɛŋgɛ tɛŋgɛlaŋ la huulu,Mi la wa balɔɔ o paŋgele yiŋnde nyaleŋ ikɛi,O tɛŋgɛ tɛŋgɛla yiŋnde nya kiisuu leŋ tɛɛŋ.
Nyɛ nya cho ya sɔla o ba wo cho hoo ni:
O nyɛ nɛiyaa niŋ nya cho wa ihini ni.
Tɛɛsiaalaŋ
^ Ɔɔ “pɛɛku diɔɔmule nileŋ nyɛkɛndɛi.”
^ Hibuluiye, “mbo tindi nila nilaŋ.”
^ Ɔɔ “mbo simul la?”
