Aisaya 56:1-12
56 Nyɛ Chɛhowa dimi wo cho hoo ni:
“La bii sandei kpiŋ, nduyɛ mi la tosa nyɛ cho sakpo wo.Kanifuule I cho nya hunɔɔ piŋi suŋ suŋ,Okoŋ mi chɔm sakpoyɛi nii.
2 Kɔl kɛndɔɔ cho le wana tosa ndi pɛ,A wana o wana bii ndi pɛ kpiŋ,Wana biilu Paale Pɛŋgiaaleŋ o nɔɔliaa leŋ te wo,Nduyɛ o luei bala ndɔlaŋ o dɛnɛ wɔɔŋ kɛ kɛ niŋ te wo.
3 Mial sɔɔŋguu le Chɛhowa piɛiyo wo nɔ mbo dimi aa,‘O kpeekpei niŋ, Chɛhowa cho ya soli wanaa nduaa tɛɛŋ’ te le.
Nduyɛ wana nda pɛl bosioo wo nɔ mbo dimi aa, ‘Yɔm vesɛiyo ya cho ni’ le.”
4 Kanifuule nyɛ Chɛhowa dimi wo cho hoo ni: “Wanaa nda pɛl bosioo, ma wa palɛi nii pɛŋgiɛi biiloo wa, ma hɛli le tosaa nyɛ nɛŋi ya kɔllo wo, nduyɛ ma wa loo o kpema nuu choo wa,
5 I cho nda fondaa ke o chiɛi nuu niŋ, nduyɛ mi wa loonɔŋndo a diola ndalaŋ okɔɔ,Fondaŋ cho o sɔvɛ mbo hiau chuauwa wo.*
I cho nda diolaŋ ke le fɛɛŋ a fɛɛŋ,Diola tembu kposoŋ te laŋ.
6 Mialaa yɔŋguŋ o Chɛhowa lo le ndu piɛiyo wa,Le ma kaala diola Chɛhowa laŋ,Nduyɛ ma wa buɛiyaa nduaa wa,Wana o wana cho Paale Pɛŋgiaaleŋ biiloo o nɔɔliaa leŋ te,Nduyɛ mbo wa loo o kpema nuu choo wo,
7 Nda bɛɛ I cho hunɔɔ a nda o pembii nii diandɛi choo,Nduyɛ mi tosa ma dɔɔnuŋ nyaale o chiɛi cho le ya piɛiyo wo niŋ.
Salala ndala luamaala kpulukuulaŋ a salala cheleŋndaŋ, I cho laŋ chɛlɔɔ o bandu ni luamaa lasalaa choo.
Kanifuule a veelu niŋ chiɛi nuu aa chiɛi lepiɛiyo le waŋnda kpou.”
8 Chɛhowa, Mɛlɛka Kpuluŋguma Bɛndoo, wana cho Isɔluɛiyaa cho a saŋnaŋ nda chuuŋgiaa naapilɛ wo dimi aa:
“O faŋaŋ ndɔ o a ya chuuŋgiaa niŋ nda kɔɔli, I cho acheleŋnda chuuŋgiaa naa ndu chua.”
9 Nya visiaa yonduaa kpou,Visiaa yonduaa cho o bundɛlaŋ niŋnda, la huŋ dio nyɛdiaa.
10 Wanaa nduaa mɛŋgɛlaa kpou, a sumɛiya nda cho ni. O kɛ kɛ nɔla mbo sina nyɛ cho yɔŋnɔŋndo wo le.
Nda kpou, tuŋaa bobuaa nda cho ni, a nɔla busɔɔ le.
A choŋnuŋ ihini ma yoomu fuu fuu, nduyɛ a kaala luaŋ.
11 Tuŋaa nɔ yeemɛi le nyɛdiaa bɛndu bɛndoo dioo wa nda cho ni,Nduyɛ fɛɛŋ bɛɛ a pim te.
Wanaa mandaa lasaa nɔ sinapɛŋgu le wa nda cho ni.
Nda kpou kuɛŋnuŋ o nɛila ndalaŋ choo.Hali wana mɛɛlaa nda tɛɛŋ bɛɛ cho kindiŋndo le tɔnɔɔ sɔlaa o kafalaŋ choo, mbo dimi aa:
12 “La huŋ, mi chua muɛiyaŋ ma tiŋ,Okoŋ miŋ kol maŋ mi ma bii naa.
Kanifuule siɔdii cho wa maa hau, naapum siɔdii pɛŋ hiau niŋ bɛnda!”
Tɛɛsiaalaŋ
^ Koŋ cho ni, chuaa piaanduaa a chuaa laanduaa.
