Chona 2:1-10
2 Chona wa suuwo o dembe mbo piɛi o Chɛhowa Mɛlɛka ndɔɔ lo.
2 Mbo dimi aa:
“I wa o kpundɔɔ niŋ mi piɛi o Chɛhowa lo, nduyɛ mbo muli ya diom.
I wa naa yiŋgilɛiya* o Sɛiyo* niŋ, mi chaŋ le malaa.
Nduyɛ ma tuɛi ya diom.
3 Mɛɛ ŋ mal la o fondaŋ yiŋgilɛiyo o pee mɛŋma ihɛllo tɛɛŋ,Mi tindileŋ le pinda pinda ya.
Nduyɛ, mɛŋndaŋ ma wa ya ikpoku kpokuei choo.
4 Mi dimi aa, ‘A tou ya mi faŋaŋ num o hɔl!
Vɛɛnɛ ya looku yɛ niŋ vɛlɛ mi che chiɛi num diandaa?’
5 Mi mɛŋndaŋ ma kumbu ya kpu, nduyɛ yoomu nuu wa o kpundɔɔ niŋ.Mi tual o mɛŋma yiŋgilɛiyaŋ bɛŋgu di.
Okoŋ, mi billo kaya kayaŋ ya o lebol.
6 Mi fuuluu lɛŋ di naa pembuŋ bɛndoŋ kanduŋ o mɛŋndaŋ bɛŋgu wa.
Mi diolaŋ kpou o chieeŋndo choo la wa ya kiindiaŋndo kɔɔli lefafɛɛŋ.
Oo Chɛhowa Mɛlɛka nuu, I wa o sooŋndo niŋ, ma miŋgi ya yoomu.
7 Mɛɛ ya wa tendu piɔm, Chɛhowa kinɛi ya loonuŋ ni.
Okoŋ, mi piɛile nileŋ le komal num o chiɛi num diandaa niŋ.
8 Wanaa yɔŋguŋ o piɔmaa fonduaa lo wa, a kɛɛ wana chɔm nda kaala lo lechoo wo wo.
9 Kɛ ya ya, I cho num balikaa mel, nduyɛ mi soli salaa o numndo .
I cho nyɛ ya chuel num buŋgɛiyo tosa.
Chɛhowa cho wana piŋiaa ni.”
10 Mɛɛ teleŋ tiŋ hiou, mi Chɛhowa tosa mi suuwo kɔ kuisi Chona o kɔŋgɔ.
Tɛɛsiaalaŋ
^ Hibuluiye, “o dembe.”
^ Ɔɔ “Siɔl.” Koŋ cho ni, sɛila waŋnda chieeya kpou. Tofa Tɛɛsiaa.
