Choobu 14:1-22
14 “Yoomu wanachioo bendu le,Nduyɛ o piaa cha a nyɛ nɛiyaa.
2 Mɛɛ bil lapeeŋgoo fula nuaa o nɛi nyamala* le yɛ, lende o cho ni.Nduyɛ mbo lo o lepilɛ niŋ kpe maa lewundu.
3 A tonya, a handu wanachioo hɔlte numndeŋ choo,Nduyɛ ma yeema le ndu* yamɛi kilullo.
4 Baa wana hakioo vialu pa wana nɔ haki le wo?
Sako! Wana koŋ cho le.
5 A sina palɛi wanachioo nɔ mbo chii yoomu ve,Nduyɛ paŋguŋ o nɔ le waa yoomu woŋ bɛɛ cho num o ba.Teleŋ ŋ kɛsi le ndu wo fuuluu pɛ, o hiu lechoo le.
6 Faŋa wɔ ndu hɔlteŋ choo nyɛɛmbɔ le mbo pɛŋgi tiŋ,Haaa mbo chii wali ndɔɔ, mɛɛ wana nda chua le wallo wo chii nuaa paale ndɔleŋ yɛ.
7 Hali yɔmndo bɛɛ nɔ tiindaŋndo.
Te a kelu ndu pɛ, o cho vɛlɛ piɔl,Nduyɛ mbo pui mbo hiou lachi a hindɔɔ.
8 O yɔŋ bɛɛ mi puunduŋ ndɔŋ viou lɛŋ,Nduyɛ mi chiyii nduɛi vi,
9 Te mɛŋndaŋ ma pilaŋ ndu dɔɔ pɛ o peŋ,Nduyɛ mbo soli lɛuwoŋ naŋ chaa yɔm nda tɔl sɛnɛi yo ni.
10 Te wanachioo vi pɛ, o nɔ lɛ kpaaya le,Nduyɛ mi nyɛ o nyɛ chuu a ndu okɔɔ.
11 Mi mɛŋma ihɛllaŋ ma lo pɛ,Nduyɛ mi mɛŋndaŋ o peelaŋ la vela, okoŋ mi la vesa sɛɛŋ.
12 Lende koni wanachioo hini ni, o nɔla lɛ mbo chɛŋ te.
Haaa mi choo choo faŋaŋ, o tindu le,Kɛlɛŋgaa niŋ te mi wana tindi ndu o luaŋ.
13 Yandii, vioŋ ya o Sɛiyo* niŋ,Mi lo o viaŋaa loŋ haaa mi kɔl num tuuwo pɔlul,Le ma kɛsi teleŋ ŋ cho loonɔŋ a ya okɔɔ wo.
14 Te wanachioo vi pɛ, o miiŋgu lɛ pa yoomu?
I cho wa chumndo boondii ya cho wa o chɛleŋ niŋnde kpou,Haaa ma huŋ baŋa ya.
15 A cho veelu, nduyɛ mi muli num diom.
A cho nɔ yeemɛi le ya, kanifuule num toosiaa ya a bala numndaŋ ni.
16 Kɛ le suŋ suŋ ndɔ, a cho mɛɛndaŋndo nyɛ o nyɛ ya tosa,Nduyɛ o hakila nilaŋ choo kinɛi ŋ handu kɔllo ni.
17 A chua hakila nilaŋ ma wou o bɔlɔɔ niŋ ma yii laŋ peŋ,Nduyɛ ma kumbu biondɔŋnda nilaŋ kpiŋ.
18 Mɛɛ pembei kiolu nuaa mi i puusiaŋ yɛ,Nduyɛ mi poutaŋ la kaaliaŋ mi la faŋaŋ o fondaŋ la wa wo yɛ,
19 Mɛɛ mɛŋndaŋ ma tuusu nuaa a poutaŋ yɛ,Nduyɛ mi ma kaaliaa puuloo mi ma kuɛŋnuŋ a ndu yɛ,Lende koni ŋ tɛɛmbuu tiindaŋ wanachioo ni.
20 Ma lo ndu nyɛpalaa tusioo choo a kpaaya numndo haaa mbo vi,Ma siŋga ndu mɛɛ o cho yɛ, okoŋ ma yɔŋ ndu o sɛiyo niŋ.
21 O yɔŋ bɛɛ mi chuauwaa nduaa koma sɔla lebɛɛ, o sina lɛ a ndi okɔɔ le.Nduyɛ a koma wa nda bɛɛ la siɔmbu tusi, o sina lɛ a keŋ okɔɔ le.
22 Teleŋ o wa yoomu wo koni o sinaŋ nyɛ nɛiyaa ni,Nduyɛ teleŋ o wa achal lo koni o bii mɔnɛi ni.”
Tɛɛsiaalaŋ
^ Ɔɔ naapum, “ma kelu ndu.”
^ Hibuluiye, “ya.”
^ Ɔɔ “Siɔl.” Koŋ cho ni, sɛila waŋnda chieeya kpou. Tofa Tɛɛsiaa.