Choobu 25:1-6
25 Mi Bilidadi Suhaitiinɔɔ dimi aa:
2 “Mɛlɛka cho masaa ni, nduyɛ kpaaya ndɔɔ nɔ lamɛɛlu le.O tosa mi kɔl nyuloo wa o choo choo niŋ.*
3 Nɛɛnɛ nɔla yɛ mbo chii puaa nduaa chɔuwa chɔm?
Nɛɛnɛ dimi yɛ maa o sɔla nyɛ ndɔ teŋgaa le?
4 Baa wanachioo nɔla pa mbo dimi maa o cho sakpo Mɛlɛka o hɔl?Ɔɔ vɛɛ wanachiee veluŋ o chieeŋndo choo wo dimi yɛ maa o nɔ haki le?*
5 Hali paŋgei bɛɛ dindu ndu o hɔl te,Nduyɛ looŋ bɛɛ cho walaŋ ndu o hɔl te.
6 Ɔɔ niŋ wanachioo, o cho nyɛ fondoo wo?O cho ko maa chaa, nduyɛ chuauwaa nduaa cho ko maa dondopolla ndu Mɛlɛka o hɔl!”
