Hoosiaa 3:1-5
3 Okoŋ kɔɔli, mi Chɛhowa dimul la aa: “Wana lanɔ mɛi num mi po cheleŋ kaala ndu, nduyɛ mbo wa suundaa a po koŋ ndo, chua ndu vɛlɛ maa laa num. Lende koni Chɛhowa ndoo kaala waŋnda Isɔluɛi ni, kɛ ma kɛɛ ndu ma muliŋ mɛlɛkaa lachoowaa sooluuwo, nduyɛ ma kaala kato kilepiima vesɛiyo.”
2 Okoŋ, mi kɔ piondu chua koŋ a kaniŋ humboŋ 15, a baliiyoŋ hɔmɛiyo cha a tɛndaa tɛɛŋ.*
3 Mi dimul ndu aa: “A cho wa mial ni le palɛi bɔɔbɔɔ. A nɔ ma suunda le,* nduyɛ a nɔ ma chɛl mi dɛnɛ keeku nya tɛɛŋ nya wana pɔnɔ cheleŋ te. Ya bɛɛ, dɛnɛ cho naa keeku tɛɛŋ naa num te.”
4 Kanifuule le teleŋ vilɛi,* waŋnda Isɔluɛi nɔ niŋ masa le, a nɔ niŋ masa ibuŋga le, a ve niŋ lasala soli le, a nɔ niŋ suŋgbuma soolaa le, a nɔ niŋ doma biŋgi* le, nduyɛ a nɔ niŋ piɔmaa leyuŋgu le.
5 Kɛ te teleŋ koŋ o hiou pɛ, waŋnda Isɔluɛi cho miiŋgu Chɛhowa Mɛlɛka ndaa o ibuŋ pila, nduyɛ ma nuuviaa le masa ndaa Deeve. A cho hunɔɔ Chɛhowa lachi a siooŋnde le mbo dɔu nda sala o teleŋ lamɛɛloo niŋ.
Tɛɛsiaalaŋ
^ Hɔmɛiyo o pilɛ chua litɛilaŋ 220. Tofa Tɛɛsiaa B14.
^ Ɔɔ “luei laba o kaa ihini nɔɔlɛiyo niŋ te.”
^ Hibuluiye “palɛi bɔɔbɔɔ.”
^ Tofa Tɛɛsiaa.
