Hoosiaa 8:1-14
8 “Handuŋ buloo o sondo ma hɔŋ!
Yaamɔɔnɔɔ cho hunɔɔ maa kowɛ le chiɛi Chɛhowa wo chiŋalaŋndo,Kanifuule, a tɛɛmbuu kpema ya yii a nda wo, ma faŋaŋ o sawala nilaŋ choo.
2 A wa niŋ chaŋndo naa ya chua aa: ‘Mɛlɛka naa, naa Isɔluɛiya, ŋ sina num!’
3 Waŋnda Isɔluɛi kɛɛ nyɛ cho o kɛndɔɔ wo.
Maa yaamɔɔnɔ ndaa tisa nda kɔɔli fɔ!
4 A siiŋguu waŋnda masaa, kɛ a nyuna ya le.
A siiŋguu waŋnda laŋgbaa kalla, kɛ a nyuna ya a nda okɔɔ le.
A toosiaa piɔmnda a kaniŋ ndaŋ humboŋ vɛlɛ a kooliiyoŋ.Dɛnɛ palaa koni nda veeluŋ choo ni.
5 Nya waŋnda Sameeliaa, piɔm nya toosiaa maa nau fɔŋndɔ wo, I yeema mi che ndu le.
I dɔɔnuŋ tumbe a nya o kala kala.
Vɛɛ kpɛ o cho yɛ nda teleŋndo chua le ma simnuŋ vɛlɛ wanaa diandaa?
6 Isɔluɛi piɔm nau fɔŋndɔɔ hoo fula ni.
Wanachioo toosiaa ndu ni, nduyɛ o cho Mɛlɛka le o cho le.Piɔm nau fɔŋndɔ cho Sameeliaa wo cho hunɔɔ piɔl wɔ wɔ.
7 Hueiye nda cho saŋɔɔ ni,Nduyɛ a cho hunɔɔ hueiyii fuku fukuei kouwɔɔ.
Kulii kɛ kɛ nda tɔl pɛ, i kum niŋ te.Nduyɛ kulii kɛ kɛ kom yɛ pɛ, i luei niŋ kulu le.
Kɛ o yɔŋ bɛɛ mi ŋpum luɛi kulu, mialla cho lakɔŋnɔŋ a muŋ ni.
8 Waŋnda Isɔluɛi cho hunɔɔ tambei sɔla.
A cho hunɔɔ wa kayii cheleŋnde tɛɛŋ,Maa nyɛi laandii nɔ mako le ve.
9 Kanifuule, a kuɛŋnuŋ Asiiliaa maa sofɛlɛ yondo choŋnuŋ yololɛ wo.
Waŋnda Ifiluem pendu samaa le ndapila.
10 Mi che bɛɛ o kayii cheleŋnde tɛɛŋ nda pendu nda ni,Kɛ I cho nda hunɔɔ chuuŋgiaa naapilɛ.A cho kandɔɔ nyɛpalaa sinaŋndo, kanifuule masaa a laŋgbaa kalla cho nda nyɛpalaa tusi choo.
11 Ifiluem taŋgul bandula luamaala salalaŋ tau, mi la tosa mbo luɛi o hakioo niŋ.
Nduyɛ, mi la simnuŋ fondaŋ o tosa hakioo wo.
12 Mi poonyial ndu sawala nilaŋ tau,Kɛ mbo chɔm maa o sina laŋ kposoŋ te.
13 A cho salalaŋ solioo o ya lo, nduyɛ ma dia visiŋ muŋ,Kɛ Chɛhowa niŋ kɔl kposoŋ a laŋ te.
O cho loonɔŋ a sɔɔŋ wɔɔŋ nda tosa woŋ, nduyɛ mbo tusi nda nyɛpalaa choo le hakila ndalaŋ.
A miiŋguŋ* Ichipi pila.
14 Waŋnda Isɔluɛi puɛɛnuŋ a Wana Toosiaa nda wo, okoŋ ma taŋgul maaŋndaŋ.Chuda taŋgul chieeŋ bɛndoŋ tau a kpakila kala kalalaŋ,
Kɛ I cho chieeŋ ndɔŋ bɛnduŋ muŋ malɔɔ o yiŋ,Nduyɛ, mi chiɛila lemasalaŋ o chiee kɛ kɛ niŋ la ŋuɛ.”
Tɛɛsiaalaŋ
^ Ɔɔ naapum, “A cho miiŋgɔŋ.”
