Isikiɛɛ 15:1-8
-
Chulusalɛm simnuŋ yɔm makilepii fondoo (1-8)
15 Mi Chɛhowa suaa vɛlɛ naa ya chua aa:
2 “Po wanachioo, baa wana tuu pa yɔm makilepiiyo a yɔmii cheleŋ, ɔɔ lɛuvii yɔm kɛ kɛ cho o bundɔɔ niŋ?
3 Baa wana nɔla pa ma soliŋ lɛuvii nduɛi kpeku le nyɛ tosa? Ɔɔ waŋnda nɔla pa ma soliŋ lɛuvii nduɛi kpeku le nyɛ landɔɔ?
4 Yɔmndo hoo, le dɔwɔɔ o yiŋ kinɛi nda tiŋgu ndu ni, okoŋ mbo ŋuɛ chilikɔ. Baa wana nɔla pa ma soliŋ ndu kpeku le wali cheleŋ?
5 O yɔŋ bɛɛ mbo wa kpulukuu, a nɔla ma soliŋ ndu kpeku le nyɛ o nyɛ cheleŋ te. Ɔɔ niŋ te o ŋuɛ pɛ chilikɔ mbo simnuŋ pultaŋ!”
6 “Lelaŋ nyɛ Chɛhowa, Mɛlɛka Kpuluŋguma Bɛndoo dimi wo cho hoo ni: ‘Mɛɛ yɔm makilepii ya ke nya le dɔwɔɔ o yiŋndo cho yɔmii cho o bundɔɔ niŋnde tɛɛŋ yɛ, lende koni ya cho tosa a waŋnda Chulusalɛm ni.
7 I mulul nda hɔlla le nda chiŋalaŋndo. Mi che bɛɛ a hɛluŋ yiŋndeŋ, kɛ yiŋndeŋ le cho nda lomɔɔ ni. Te I mulul nda pɛ hɔlla le nda chiŋalaŋndo, okoŋ nda cho sina ni maa ya cho Chɛhowa ni.’”
8 “‘I cho tosa mi lɛŋndeŋ le simnuŋ pɔmndo, le mɛɛ nda kɛɛ le ya lo lechoo wo chɔmndo yɛ.’ Ya Chɛhowa, Mɛlɛka Kpuluŋguma Bɛndoo dimi lende ni.”
