Malakai 4:1-6
4 Chɛhowa, Mɛlɛka puaa chɔuwa dimi aa: “Paaleŋ le cho hunɔɔ, mi le wa lomɔɔ maa yiŋnde tondo. Nduyɛ, wanaa yoŋgaa a wanaa cho hiouwɔɔ lachi a dɛnɛ wɔɔŋndo tosaa wa kpou cho simnɔŋ maa bil vesɛi. A tonya, a cho hunɔɔ tambei sɔla o paale leŋ choo, nduyɛ wana pilɛ* bɛɛ lo niŋ te.
2 Kɛ nya nɔ bɛɛleŋ* le diola nilaŋ nda, paale huŋ a sakpoyɛi leŋ le cho nya diondɔɔ choo, mi le siŋgi nya. Nduyɛ, la wa niŋ huuloo a kɔl kɛndɛ maa nauwaa fɔŋnduaa chelulɛiya.”
3 Mi Chɛhowa, Mɛlɛka puaa chɔuwa dimi aa: “Paale ya cho hunɔɔ hei tosa leŋ, la cho wanaa dɛnɛ wɔɔŋnda niɔu niɔu, kanifuule a cho wa maa chundu o peluŋ nyaŋ bɛŋgu.”
4 “La loonuŋ a Sawala ya ke buɛi nuu Muuse o pembii Holuɛɛbi ve choo laŋ, a nyɛ o nyɛ ya dimul Isɔluɛiya le tosaa.
5 “Tuupa mi paale kɔndɔfilte bɛndule Chɛhowa leŋ le fuuluu, I cho Ilaicha wana suaa le ya wo viomɔɔ naa nya chua.
6 O tosa niŋ mi finyaa muli kɔltaŋ o chuauwaa ndaa lo, nduyɛ mi chuauwa bɛɛ muli kɔltaŋ o finyaa ndaa lo, le halikpeŋ I hiŋ lɛ mi tusi lɛŋndeŋ nyɛpalaa choo, nduyɛ mi tɛɛmbuu leŋ te.”
