Polowaa 4:1-27
4 Puaa niaa, la yaŋ nilaŋ o sila finya nya cho nya wo.La yaŋ nilaŋ, le halikpeŋ mi la sɔla sinapɛŋgoo.
2 Kanifuule, I cho nya sila kɛndɔɔ ke.La mal nyɛ ya cho nya pɛɛkoo wo* le.
3 Ya wa po kpeekpeiyo le finya nuu ni,Nduyɛ kala nuu ndoo kaala ya bɔɔ.
4 Mi finya nuu ndoo pɛɛku ya, okoŋ mbo dimi aa: “Maa sɔɔŋ ya cho num dimullo woŋ chal num o kɔl fɔ!
Bii sawala nilaŋ le ma hiou lachi a waa yoomu.
5 Kindiŋ ma sɔla taasioo, nduyɛ ma sɔla sinapɛŋgoo.
Puɛɛnuŋ sɔɔŋ ya dimul num ndoŋ te, nduyɛ mulul muŋ kɔɔ le.
6 Bii taasioo kpiŋ, o cho num manda.
Nduyɛ kaala ndu, o cho num piŋi.
7 Taasioo hiou wa o sɔvɛ.* Lelaŋ, kindiŋ ma sɔla taasioo.Nduyɛ nyɛ o nyɛ cheleŋ ŋ wa pɛ kindiŋndo le sɔlaa, kindiŋ ma sɔla sinapɛŋgoo.
8 Chua ndu nyɛ sɔvɛ bɛndu. O nɔla mbo heelu num tema.
Te a bii ndu pɛ kpiŋ, o cho tosa ma sɔla bɛɛleŋ.
9 O cho num mɔsil nda toosiaa a peeŋgela kɛndɛ kɛndɛlaŋ ndo wou,Nduyɛ mbo handu num mɔsil lemasa kɛndɛ kɛndɔɔ o lebol.”
10 Yaŋ nilaŋ po nuu, ma chɛl nyɛ ya cho num dimullo wo.Koŋ cho tosa ma chii wɔsila bɔɔbɔɔ.
11 I cho num nɛi ŋ sɔla taasioo wo chɔm.Nduyɛ I cho lakɔ a num o nɛila cho sakpo laŋ choo.
12 Te a wa kɔlaŋ pɛ, nyɛ o nyɛ kaya kayaŋ num niŋ o ŋpelu le.Nduyɛ nyaanuŋ bɛɛ, a boŋ niŋ te.
13 Bii silaa kpiŋ. Kɛɛ ndu lɔɔlɔɔ le.
Manda ndu nyɛkɛndɛi, kanifuule o tosa ma wa yoomu.
14 Kua o nɛi wanaa dɛnɛ wɔɔŋnda choo le,Nduyɛ tual wanaa yɔŋ wɔɔŋnda kɔɔli le.
15 Holnuŋ nda le, nduyɛ sɔɔŋguu nda pɛŋ ikɛi le.Mulul nda kɔɔ, ma keekuŋ naa cheleŋ.
16 Te a tosal waŋndo suɛi wɔɔŋnde le, a lɔl te.
Te a mel waŋndo kpɔŋ te, a hini bɛɛ a nɔla ma kumbu hɔlteŋ te.
17 A siiŋguu dɛnɛ wɔɔŋndo nyɛdiaa nda,Nduyɛ ma siiŋguu sɔŋgɔlaŋ muɛima nda.
18 Kɛ nɛi wanaa sakpuaa cho ko mɛɛ paaleŋ le fula nuaa idii,Mi le lo helɔɔ a diondɔɔ haaa mi le fuuluu o bolleŋ choo di yɛ.
19 Nɛi wanaa dɛnɛ wɔɔŋnda ndu, o cho ko maa manyum.A sina nyɛ tosa ma boŋ ndo le.
20 Po nuu, yaŋ nilaŋ o sɔɔŋ ya cho num dimullo woŋ.Yaŋ nilaŋ nyɛkɛndɛi o diomnda ya cho num dimullo laŋ.
21 Puɛɛnuŋ a laŋ okɔɔ le.Kɛsiŋ ndaŋ o kɔl kpiŋ,
22 Kanifuule mi la ke wanaa saaluŋ ndaŋ nda yoomoo,Nduyɛ mi la wa le kɛndiaa dialuŋ ndaŋ kpou.
23 O nyɛm ŋ nɔ ma manda woŋ tɛɛŋ kpou, manda kɔl numndo.Kanifuule, lechoo yoomu wanachioo tɔlnuŋ ni.
24 Dimi choolaŋ te,Nduyɛ dimi isɔɔ le waŋndo huiyo le.
25 Siɛndi hɔlteŋ ma tofa lachi sakpo.Kɛsi hɔlteŋ o nyɛ cho num lachi wo choo.
26 Bɛɛndiaa nɛi numndo nyɛkɛndɛi.Koŋ cho tosa mbo wa bɛɛŋ bɛɛŋ le kɔlaŋ.
27 Del bɛɛ kɔl le kɔlaŋ o ba kɛndɔɔ choo, ɔɔ o ba miallo choo le.
Kua o nɛi dɛnɛ wɔɔŋndo choo le.