Sam 108:1-13
Chondii Deeve ve.
108 Oo Mɛlɛka, I laalaŋ num a kɔl nuu kpou.
I cho nyɛchaa lɔɔ nduyɛ mi soli chondei a kɔl nuu kpou.
2 Oo nyɛchaa iyoo, tiondu. Num towaa bɛɛ, tiondu.
I cho chɔnɔŋ idii puŋ.
3 Oo Chɛhowa, I cho num saŋgala waŋnda tɛɛŋ,Nduyɛ mi solul num chondoŋ* kaalaŋ tɛɛŋ.
4 Kanifuule, kaala lo lechoo numndo cho bɔɔ. O cho filioŋ mɛɛ choo choo cho nuaa yɛ.Nduyɛ sakpoyɛi numnde fuuluu o yumbu yumboo niŋ di.
5 Oo Mɛlɛka, sɔla saŋgalaa o choo choo niŋ.Maa naŋɔɔ numndo tiu o lɛŋndeŋ choo kpou.
6 Chiindiaa naa a ba num kɛndɔɔ nduyɛ ma mulul la,Le halikpeŋ mi wanaa ŋ kaala wa sɔla baŋaa.
7 Mɛlɛka soo o diondɔɔyɛi nduɛi niŋ,* mbo dimi aa:
“I cho wa a nyaale le mi mal Siɛkɛm waŋnda o ba maa nyɛm kɛŋ nda.Nduyɛ I cho Kpoloŋndo* Sukɔti tuu a yooleŋ.
8 Le ya Kiliaadi cho ni, mɛɛ Manaasɛ cho le ya yɛ,Nduyɛ Ifiluem cho mɔsil manda bolle nileŋ ndo ni.Chuda cho tinda ni lemasaa ni.
9 Mowaabi cho nyɛi laandii ya puluŋ nde ni.
I cho Idɔm kɔvɛila* nilaŋ wuu choo,
Nduyɛ mi deŋi Filitiaa choo le mɛɛ ya cho ndu yomɔɔ yɛ.”
10 O nɛɛnɛ cho yɛ lakɔ a ya o chiee cho o kpaki kala kalaa niŋndo?
O nɛɛnɛ cho yɛ ya liila haaa Idɔm?
11 Baa o cho num Mɛlɛka kɛɛ naa wo le?Baa o cho num Mɛlɛka kue lɛ a naa o chɔuwo le teleŋ vilɛi yo le?
12 Mala naa o sɔɔŋ palaŋ cho naa komallo woŋ niŋ,Kanifuule wana tiindaŋ wanachioo le mbo piŋi num te.
13 Mɛlɛka cho naa yoomuaŋ luei,Mbo niɔu niɔu yaamɔɔwaa naa.
Tɛɛsiaalaŋ
^ Ɔɔ “loolul num nyɛchaa.”
^ Ɔɔ naapum, “fondaŋ ndɔ diandaa.”
^ Ɔɔ “lɛŋnde dɛŋgbɛleŋ.”
^ Ɔɔ “samtala.”
