Sam 11:1-7
O wana sim lachi le chondei yo lo. Chondii Deeve ve.
11 Chɛhowa cho naa niaa viaŋnaŋnda ni.
Le yɛɛ ma dimul la aa:
“Nyaanuŋ maa you ma kuɛ o pembii numnde choo?
2 Tofawɔ mɛɛ wanaa dɛnɛ wɔɔŋnda kindu chiɔula ndalaŋ yɛ.A wou chiŋɔma ndaŋ o chiɔula ndalaŋ,Le ma wuu maŋ o nyumndaŋ niŋ, ma vɛ wanaa cho sakpo o kɔlta ndalaŋ niŋnda.
3 Te chiiyoŋ* puusiaŋ pɛ,Yɛɛnɛ wanaa cho sakpo wa nɔla yɛ ma tosa?”
4 Chɛhowa cho o chiɛi ndɔ diandaa niŋ.
O choo choo niŋ kpeŋgbei* lemasa Chɛhowa wo cho ni.
O cho mɛɛndaŋndo, nduyɛ mbo wa chɔɔ nyɛ o nyɛ waŋnda chieeya cho tosaa.
5 Mi Chɛhowa mɛɛndaŋ wanaa sakpuaa a wanaa dɛnɛ wɔɔŋnda.Nduyɛ wana o wana kaala sɔŋgɔlaŋ, o tul ndu leyɛ.
6 O cho wanaa dɛnɛ wɔɔŋnda kpundɔɔ tusi* choo.Yiŋndeŋ, pouta leyiŋndaŋ, a hueiyii tuu kpɛiye cho wa o taala nda kolaa niŋ ni.
7 Mɛlɛka cho sakpo wo Chɛhowa cho ni, nduyɛ o kaala sɔɔŋ tosaa o nɛi sakpoo choo.
Wanaa cho sakpo wa cho hɔlaa nduaa chɔ.*
Tɛɛsiaalaŋ
^ Ɔɔ “chiiyuŋ sandei sim choo woŋ.”
^ Ɔɔ “kpɛŋɛ.”
^ Ɔɔ naapum, “dɛŋgulta tuulaŋ hulɔɔ.”
^ Ɔɔ “cho hunɔɔ nyiɛɛyii nduɛi sinaŋ.”
