Sam 114:1-8
114 Mɛɛ Isɔluɛi fula o Ichipi niŋ,Mi yuŋgu Chekɔpu wo fula wanaa dimi suɛi maŋgalɛi cheleŋnda tɛɛŋ,
2 Mi Chuda simnuŋ chiɛi ndɔ diandaa,Nduyɛ mi Isɔluɛi simnuŋ tanda ndɔ lemasaa.
3 Mɛɛ pee mɛŋma ihɛllo che hei, mbo nyaanuŋ.Mi pioo Chɔɔdaŋ miiŋguŋ amakɔɔ.
4 Mi pembuŋ bɛndoŋ huulu maa saa kondo.Mi pembuŋ pɔmbɔŋ huulu maa saa fɔŋndɔ.
5 Num pee mɛŋma ihɛllo, vɛ ma nyaanuŋ?
Num pioo Chɔɔdaŋ, le yɛɛnɛ ŋ miiŋguŋ yɛ amakɔɔ?
6 Nya pembuŋ bɛndoŋ, le yɛɛnɛ nya huulu yɛ maa saa kondo?Nya pembuŋ pɔmbɔŋ bɛɛ, le yɛɛnɛ nya huulu yɛ maa saa fɔŋndɔ?
7 Num lɛŋndeŋ, nyiiya Masanɔɔ lachi.Nyiiya Mɛlɛka Chekɔpu wo lachi,
8 O siiŋguu pouwo sooŋ mamɛŋndo,Nduyɛ mbo buli mɛŋndaŋ o pou kala kalaa mi ma simnuŋ peelaŋ ndo.
