Sam 116:1-19
116 I kaala ChɛhowaKanifuule mbo tuei chaŋ ya cho naa ndu chua le malaa wo.
2 Te I cho wɔ pɛ yoomu, I cho ndu wa veelooKanifuule mbo yaŋ ya nilaŋ.*
3 Yuei piɔmndo pinda pindaŋ ya,Mi Sɛiyo saa ya kpau.
Sɔɔŋ palaŋ a mɔnɛi tiu ya ba.
4 Kɛ mi veelu diola Chɛhowa laŋ, mi dimi aa:
“Oo Chɛhowa, piŋi ya!”
5 Chɛhowa Mɛlɛka naa nɔ kɛndɛi, o cho sakpo,Nduyɛ o nɔ nyiɛɛye.
6 Mi Chɛhowa manda wana nɔ taasi le wo.
Mi nyɛpalaa mɔɔviaa ya, kɛ mbo piŋi ya.
7 Maa yoomu nuu* pɛŋgiŋ vɛlɛ fɛɛ,Kanifuule Chɛhowa bii ya nyɛkɛndɛi.
8 A piŋi ya piɔmndo o ba,Ma wɔɔsuu ya mɛmiaŋ, nduyɛ ma manda peluŋ nuŋ yɔŋii ya boŋ.
9 I cho wa kɔlaŋ Chɛhowa lachi wanaa cho yoomu wa tɛɛŋ.
10 Laalaŋ yaa nɔ wo tosa ni mi suaa,Mi che bɛɛ I wa o nyɛkindilaa bɛŋgu.
11 Mɛɛ kɔllo laasiaŋ ya, mi dimi aa:
“Waŋnda chieeya kpou wanaa lachoowaa nda cho ni.”
12 Yɛɛnɛ kpeekpei ya ke yɛ ChɛhowaLe sɔɔŋ kɛndɛŋ o tosal la woŋ kpou?
13 I cho taala Chɛhowa piŋi ya wo chua,Nduyɛ mi veelu diola ndɔlaŋ.
14 I cho buŋgaŋ ya chuel Chɛhowa woŋ peeluWanaa nduaa kpou o hɔl.
15 Te wanaa chɔm Chɛhowa lo lechoo wo wa vi pɛ,Mi i wa ikala kpoke le ndu.
16 Oo Chɛhowa, I nyɔɔlu num,Kanifuule buɛi numndo ya cho ni.
Buɛi numndo ya cho ni, po buɛi num laandoo.
A soli ya o kpiɔɔ.
17 I cho num salaa solul le num balikaa mello.I cho diola Chɛhowa laŋ veelu.
18 I cho buŋgaŋ ya chuel Chɛhowa woŋ peeluWanaa nduaa kpou o hɔl.
19 I cho buŋgaŋ ya chua woŋ peelu o luŋ chiɛi Chɛhowa wo niŋ,Chulusalɛm chiee deŋ.
La saŋgala Chɛhowa!*
